المشاركة الأصلية كتبت بواسطة farahat
أنا ما قلتش إن الطرمبة هي إلي فيها المشكلة ، أن أبقول إن الفيشة إلي موصلة الطرمبة والعوامة بالكنترول دي هي إلي فيها المشكلة وعشان كدة بتقطع بنزين (بيروح وييجي ، وبالتالي ضغط البنزين في الموتور مش منتظم وساعات بيسك )، وفي نفس الوقت قرائة العوامة مش مظبوطة وبالتالي المؤشر بيلعب في التابلوه عندك .
واضح إن الاعراض دي كلها مرتبطة عندك ، وحضرتك بتقول إن الصنايعية كانوا بيعاملوا الفيشة دي بغشم ، وبالتالي شكل الكلام منطقي .
ومع ذلك برضه إستنتاجي دة مبني على كلام حضرتك وأنا ماشفتش المشكلة على أرض الواقع، دة مجرد وجهة نظر وحضرتك تقدر تركب الكلام على الحاله إلي عندك