الموضوع: **تجربة وتقيم Ex 35 تحفة انفينيتي الجديدة **

عملاق بمعنى الكلمة خلتني نسيت اللاند كروزر وال X5 بدون مبالغة
و أي 4x4 تانية مع انها في فئة أقل منهم في الحجم

أقل كلمة تقال عنها انها هايلة بجميع المقاييس

من الخارج تتشابه كثيراً مع أختها ال FX35 ذات التصميم المثير

فوانيس خلفية مش لدات مباشرة كما هو واضح من الوهلة الأولى لكن نظام جديد بتشوف فيه إنعكاس للمبات الصغيرة وشكله تحفة فنية

فوانيس أمامية أشبه بسفن الفضاء مع فوج لايت

أول متقترب من العربية يضاء ٨ لمبات فيها داخلياً وخارجياً للترحيب بيك منها لمبات تحت المرايات الجانبية ودة نظام متبع في BMW أيضاً

جنوط مقاس ١٨ إنش ذات شكل رياضي جميل

العربية فيها 4 كاميرات في الإمام والخلف و 2 في الاجناب وبيظهر دة كله على شاشة النافيجتور متقسمة ل-٤ أقسام لتوضيح زواياه العربية كلها علشان تركنها بسهولة تامة .

من الداخل فخامة مثيرة لا يضاهيها فعلاً إلا البرشه كايين
جميع الكراسي كهربائية مع الذاكرة و الذاكرة تشمل تعديل المرايا و عجلة القيادة ( إلدركسيون ) على حسب وضعية كرسي السائق وكل السيارة من الداخل من الجلد الطبيعي الفاخر جداً
مع إمكانية طي الكراسي الخلفية كهربائياً أيضاً .

نظام صوت بوز ودة أحسن نظام صوت في العالم مع ١١ سماعة و ٦ CD Changer .

طبعاً الكماليات المعتادة في السيارات الفاخرة من ملتي فانكشن و ال Key Less entry وزرار Start من غير مفتاح وكلايمت كونترول .

فيها نظام بلوتوث كامل مع نظام انفينيتي للتحكم في السيارة ودة ذي ال-I drive في BMW

العربية فيها ٥٠ تجهيز أساسي للسلامة والأمان لا مجال لذكرهم هنا
أقلهم ال-Traction Controol وال-ABS ، EBD

نظام الدفع AWD بيتكيف مع حالة الطريق إلي ماشية عليه العربية من أسفلت لتلج لرمل لغيره ليعيد توزيع عزم الموتور على العجلات الاربع على حسب حالة كل عجلة على الارض

نظام فرامل رهيب أقراص ٣٣٠ mm في الامام والخلف ودي كافية انها توقف قطر بحاله

المحرك ٣٥٠٠ CC DOCH بيخرج ٣١٤ حصان مع نظام CVTSC ودة نظام الصمامات في انفينيتي

العربية فيها 2 فلتر هواء لتحسين نظام إدخال الهواء
وفيها شكمان رياضي ذو قطر كبير كتجهيز أساسي
الفتيس أوتوماتيك ٥ سرعات مع نظام النقل اليدوي المتتابع زي عربيات الرالي وال-F1 ودة غير التيبترونيك
يعني من الآخر العربية متعدلة جاهزة

إختبار القيادة
مقدرش أقول غير إن العربية دي Very Fun To Drive

إحساس بالثقة والامان عالي جداً جميع العدادات ذات لون أزرق هادي والشاشة أمامك بتديك كل المعلومات إلي إنت عايزها واللي مش عايزها

تسارع بيخليك تشم ريحة الادرنالين في عروقك و إنت ماسك الدركسيون ولازق في الكرسي من قوة التسارع

صوت الموتور ذو طبع رياضي مثير يخليك عايز أي طريق مفتوح بأي شكل علشان تنطلق وتستمتع بالمجهود الجبار إلي بذلته انفينيتي علشان تطلعلك التحفة دي

أخيراً

الموضوع دة حصري مش منقول وتجربة شخصية هدية مني لنايل موتورز

انتظروا في المستقبل القريب إن شاء الله تقييم وإختبار الصاروخ إلي بهر العالم
نيسان GT-R

Thanks
Eng.Sherif Shaker

=================

تـم تعديل احجام الصور

مشــرف القســم

موضوع رائع خلينا ننسي شويه العربيات اللي في مصر
ننتظر منك المزيد شوقتنا
شكرا ليك