بيجو 405 بتبطل اول ما اشيل رجلى من على دواسة البنزين

برجاء من الاخوة الاعضاء حد يساعدنى علشان العربية دى شلتنى
بيجو 405 glx موديل 2001 فرنساوى
العربية هاف انجيكشن المشكلة دى ظهرت لوحدها
فى الاول ادور العربية وامشى بيها تمام اول ما اقرص عليها فى الغيار التانى بتبقى عايزة تبطل اول ما اشيل رجلى من على دواسة البنزين نور الكونتاك يرعش ولو سبتها تبطل لو دوست تانى تفضل دايرة وماشية عادى ( مع انى كنت بعمل كده ياما عمرها ما كانت بتبطل )
جبت اسبراى تنضيف كربراتير ونضفته وغيرت بوجيهات وغسلت موتور وكله تمام
اجرب تانى نفس الكلام بس اللى نيلها زيادة دلوقتى لو انا ماشى على اى سرعة وعلى اى غيار نفس المشكلة افضل ماشى بيها عادى لغاية لما اهدى لاى سبب العربية تبقى عايزة تبطل ونور الكونتاك يعد ينور ويطفى لو سبتها من غير ما ادوس بنزين تانى تبطل لو فضلت دايس بنزين حتى لو شعرة تبقى دايرة وماشية عادى
ياريت حد يدلنى فين المشكلة ؟؟؟؟؟؟؟

مساء الخير الحل سهل شوف بك السلانسيه ممكن يكون سلكه مهزوز او ممكن البيك يكون عاوز يتنضف البيك مكانه وانت واقف امام السياره بيكون على اليمين فى الكربراتير تحت وش العمه البلاستيك ولو عاوز حاجه انا تحت امرك:w6266d

معلش نسيت اقولك انى البيك الاصلى بيكون كهرباء

بك السلانسيه
المفروض انه لو كهرباء بيعمل تنظيف ذاتي
ممكن البك نفسه يكون فيه مشكله في الكهرباء او محتاج تغيير

تمام حضرتك انا لقيته على اليمين وداخله سلك بس عايز استفسر من حضرتك اكشف عليه ازاى من حيث القطع فى الكهربا ولا عايز ينضف ولا هو بايظ اصلا
وشكرا على ردود حضراتكم والمساعدة

صباح الفل ممكن حاجه من 3:w6266d اول حاجه حرك سلك البك والعربيه دايره شوف ممكن يكون العيب فى ترمله السلك الى هيى ركبه فى البك :w6266dثانى حاجه بطل العربيه وفك البك هو سهل الفك بل ايدى في جزء فى الاخر نحاس به ثقب اسحبه لبره وشوفه سالك ولا لا ممكن يتسلك بلنفخ او اى حاجه مرنه بلاش ابره :w6266d ثالث حاجه اختبر البيك بعد فكه من العربيه جسم البك ارضى ومكان الترمله كهرباء 12فولت من البطاريه المفروض تسمع
صوت زنه متوسطه مع فيبريشن والابره الداخليه للبك تتحرك بسرعه :w6266d

اقتباس:

---

المشاركة الأصلية كتبت بواسطة hugan

بك السلانسيه
المفروض انه لو كهرباء بيعمل تنظيف ذاتي
ممكن البك نفسه يكون فيه مشكله في الكهرباء او محتاج تغيير

---

لوالسدد بسيط بيتسلك اتوماتيك عن طريق الابره الداخليه لكن لو السدد كبير يبقى لازم:x1[1]::x1[1]::x1[1]: تسليك يدوى

الحمد لله المشكلة اتحلت وغيرت البك وركبت واحد عادى مش كهربا بس كنت عايز اتاكد من حضراتكم هو البك العادى يختلف عن الكهربا يعنى حيأثر معايا ولا هو ده ذى ده
وشكرا لحضراتكم على المساعدة

ليه حضرتك عملت كده لو كان ده ذى ده مكنوش عملوه كهرباء:majd(4): الكهرباء بيحافظ على نسبه المعايره اتوماتيك وبيعمل على راحه المحرك (نسبه الخليط) عيبه انه غالى الاسبانى ب175 والاصلى ب350 بش القديم اكشف عليه ذى مقلتلك انا عندى في مشكله فى الترمله فا لحمتها بلعجينه السحريه والحمد لله كله تمام ياريت تحاول مع البك الكهرباء تانى وان امكن تالت
ملحوظه:w6266dالبك الكهرباء بيقلل استهلاك البنزين بعكس البك العادى:bye:

ححاول اكشف عليه زى ما حضرتك قولتلى بس لو معرفتش حضطر اشترى واحد كهربا وامرى لله بس الميكانيكى مقاليش على موضوع نسب الخليط هو قالى ده زى ده وبالعكس العادى حيريح دماغك بدل ما كل شوية الكهربا يتحرق منك ( منه لله )
شكرا لحضرتك على المساعدة جزاك الله كل خير