اقتباس:
المشاركة الأصلية كتبت بواسطة amrsabet
استاذن حضرتك ممكن تقولنا عيب شائع بناء على احصائية تم اجرائها على ملاك الفانتازيا وال a5 وطلع نسبة العيب اد ايه
لان كلمة عيب شائع معناها ان كل ملاك ال a5 والفانتازيا فى مصر عندهم مشكلة فى التكييف وكان سعتها الناس مش هتسكوت وفى ناس كانت هترفع قضية على التوكيل , على سبيل المثال مشكلة الفتيس mmt فى التويوتا دى مشكلة عامة وسعتها التوكيل اخذ اجراء تجاه مالكى السيارة
لكن بالمنطق ده اعتقد ممكن يكون فعلا فى عيوب فى الكمبورسور بتاع التكييف للعربيات a5ولكن منقدرش نقول ده عيب شائع زى بالظبط حضرتك لما اى حد بيشترى منتج وارد ان فى ناس بتشتكى منه وفى ناس معندهاش اى شكوى خالص
وعشان اثبت لحضرتك كلامى انا كان عندى نيسان سوبر صالون وغيرت ضفيرة الكهرباء فى الضمان بعد 3 ايام من شراء العربية هل ده معناها ان نيسان صنى اللى باعت 30 الف عربية من 2006 وحتى الان فيهم مشكلة عامة ان التوكيل بيغير الضفيرة لكل الناس , اعتقد الاجابة لا لانى شخصيا ليا صديقى الشخصى مدير مودرن موتورز (احد موزعى نيسان ) اكدلى ان نسبة تغيير الضفيرة فى النيسان لا تتعدى نصف فى الالف وانها فعلا حظ ممكن تلاقى واحد مبسوط من النيسان وواحد تانى عنده عيوب الدنيا والاخرة
انا لست مالك للفانتازيا ولا الجيتا عشان ادافع عنهم ولكن فعلا انا اعرف ناس كتير معاهم العربيات دى ومعندهم مشكلة فى التكييف
وفى النهاية ارجو ان تتقبل وجهة نظرى بصدر رحم
اقتباس:
المشاركة الأصلية كتبت بواسطة inspiron
إنت راجل معلم وقولت اللي عاوز أقوله .. لأن مش فاهم بصراحة علي أي أساس بقيت الفانتازيا كخه هي والـ a5 ونازلة بعيب ((((شائع )))) في التكييف.
أنا قولت اللي عندي.كلمت التوكيل وقالولي الفانتازيا مفيهاش أي عيب في التكييف,,وبصراحة أنا مسمعتش علي الأقل في المنتدي هنا عن حد إشتكي من تكييف الفانتازيا.ولا حتي بره المنتدي..يبقي إزاي نرمي عليها شبهة التكييف دي.
وبالنسبة للـ a5 لحد 2007 شوفت كام عربية كده فيهم مشكلة في التكييف..2008 2009 مفيش أي مشاكل.ومثال حي معانا محمد عباس عضو في المنتدي وخالد أيمن.
وفي النهاية ممكن نقول مش معني إن 30 وللا حتي 50 عربية أوكتافيا طلع فيهم مشكلة في التكييف يبقي ده إسمه عيب شائع..
اولا انا من مويدى الاسكودا جدا مش بس كدة انا بعض الاسكودا كمان
انا مش مصلجتى حاجة لما اقول حاجة عارفها ومتاكد منها ولا انا عايز اضر سمعة العربية
انا بعمل تنبية مش اكتر حتتة الكمبريسور بتاع التكييف دة شوف كام واحد هنا فى المنتدى باظ منة الكمبريسور فى الفنتازيا والجيتا والاكتافيا اية فايف(كلهم نفس الكمبريسور)
ثانيا اسئل فى الورش بتاعة التكييف انا من خلال لقى فى ورش التكييف ودة جزء من شغلى
يعنى غاظ من عنى اسئل كدة على الفنتازيا كذا صنايعى من ضمنهم مركز العشماوى فى مصر الجديدة
وشوف كام فانتازيا هتعدى فى اليوم الواحد وائلة هو شخصيا عن الكمريسور بتاعها
ثالثا ادخل التوكيل جوة فى ورش الصيانة وبص بعينك مش بالتليفون شوف كام عربية بيتغيرلها فى مشاكل فى التكييف
كل دة انا شفتة بعينى على اساسة انا بتكلم غير طبعا عربية خالى لسة كنت بغيرلها كمبريسور (فانتازيا)
تقبل خالص احترامى
م-فادى