الموضوع: تقرير عن معرض اوتوماك بصور عالية الجودة

تصوير جامد :D
ياريتني كنت معاكو :DDD

بس حاسس ان المعرض فاضي بس نازل فيه موديلات جديده




فيه حاجه كمان

الصوره دي جايه غلط :DDDDDD

بصراحة الصور تحفة و مبينة العربيات من زاوية مختلفة عن موضوع الاستاذ mazagngi

و ماشاء الله موهبة فى التصوير فعلا ..

بس مقولتلناش رأيك فى العربيات اللى هناك و اكثر عربية عجبتك ؟

الأستاذ مزاجانجي استاذي بكل المقاييس طبعا يا فندم بس هوة بصراحة راح المعرض من بدري ولو انا كنت اعرف كان ها يبقى ليا الشرف اني ازور المعرض معاه يا فندم بجد :d
وربنا يكرمك على مجاملة التصوير هههه ده انا يا دوبك لسة بدور على طريق الصفر والله :d
بصراحة من ضمن كل السيارات عشان اكون صريح مفيش عربية واحدة لفتت انتباهي اكتر من الـ bmw 118 السيريس دي بصراحة بدأت احس انها موجهة لفئة معينة من الشباب !! والفئة ناجحة جدا من وجهة نظري ولكن السعر مبالغ فيه !! ولكن انا شايف انه الفكرة تستاهل بصراحة العربية لقيتها ممتازة وانا كنت اعرف السيريس دي من ايام برة مصر ولكن دي اول مرة اركز معاها بصراحة .. :d
اكتر عربية حسيت بفقدانها السنادي جيب في المعرض العربية دي بحس انها ملكة متوجة ومتربعة على عرش االـ 4x4

الله ينور يا سيد بيه
صور هايله
و زي ما قاله الشباب زوايا صح الصح
انا بحب اخد العربيات من نفس الزوايا تقريبا و لو شفت مواضيعي هتتاكد بس فرق الكاميرا بقي
و مش كنت تسيك صور الستيرلنج موس في النص
كنت خليت الشباب يتهبل و يروحوا يدوروا عليها ههههههه

ههههه انتا لسة فاكر الإسترلينج موس هههههه تصدق بالله !! انا ساعات بنام بحلم بيها والله !! ومش عارف ايه علاقة ده بإني مجرد ركبتها بس حاسس اني كسرت حاجز الخيال بالنسبة ليا لأنه اول مرة شوفتها قدامي معرفتش ايه دي اصلا ولكن لما رجعت مصر وبشقلب في النت عرفت اني كنت قدام مثلا عربية فيراري في ايام الفراعنة وانا معرفش !! ازاي كان فيه تحفة زي دي ومتباركتش بيها واتمسحت في ترابها :d
انا بحب الزاوية دي جدا بصراحة مقدمة جانبية للسيارة بتبرز الضخامة والهيبة ويا سلام لو الخلفية ورا بعيدة بتحصل على صورة وهمية :d

جميل جدا
لكن فين السياره محطمه القلوب وسالبه العقول ومطمع كل المصريين شبابا ونساء وعواجيز
اسبرانزا
ولا ابو الفتوح مش عايز يشترك في المعرض

والله يا فندم زي ما قولت لحضرتك سيارات كتير رائدة مشاركتش في المعرض وده مسبب علامة استفهام كبيرة جدا هل معنى كده انه معندهمش جديد يقدموه ولا معتبرين المعرض وسيلة للفشخرة بدون اعلان مش عارف بصراحة يعني انا نفسي معرض اوتوماك يتحول لمعرض دولي فعلا لموديلات اول مرة ترى النور !! (حلم)

الله ينور يا ابو السيييييييييييد
متالق كالعاده :)

تلميذك يا دكترة :d ماشيين بتوجيهات معاليك يا فندم :d

جميلة الصورة يا سيد ..و عجبنى قوى البنوتة اللى فى واحدة فى صورك دى ..واضح انها كانت واقفة عشان حد تانى و انت لحقتها بالكاميرا بتاعتك ...

و الكاميرا كمان واضح انها جيدة كمان لان معظم الصور بدون فلاش ..لان الاضائة الداخلية كافية ...

الصور قليلة شوية لكن معبرة فى معظمها ..طبعا انا عارف ان التصويرفى المعارض مش بيكون سهل بسبب الاضائة و بسبب الزوار و الحركة عموما ..

والله يا فندم البنت دي انا مصور العربية دي صورتين واحتفظت بدي بالذات لأنها عجبتني انها تلقائية تماما بصراحة d:
للأسف انا كنت تقريبا ها اتشل جوة المعرض انا 90% من الصور دي مصورها على وضع الأوتو لأني فيه كل عربية اضاءة مختلفة وعايزة ضبط وقصة تانية بصراحة والمشكلة انه في خلال دقيقة ظروف الإضاءة بتختلف والسينسور بيدي اصلا قراءات مختلفة كتير جدا (غالبا بسبب حركة الناس حوالين مني ) فكنت بطر اني استعمل سرعة شتر عالية مع الفلاش عشان الحق !! لكن الوحيدة اللي خليتها على المانويال صورة البايك واخدها بفتحة عدسة واسعة جدا جدا تقريا كانت 4.5 تقريبا وكانت بشتر بطئ نسبيا الى حد ما ولكن المشكلة انه كل ما اجي اقعد على الأرض قدام عربية عشان اخد الشوت الاقي الناس بتبص ولا كأنه حاوي بيرقص تعبان !! واللي مجرد ما يشوفني زبطت كل حاجة يجي يروح واقف في الكادر وحلني على ما يستوعب انه مبوظ اللقطة :d

تصوير جامد :d
ياريتني كنت معاكو :ddd

بس حاسس ان المعرض فاضي بس نازل فيه موديلات جديده

بصراحة ملقتش هناك عربية مكنتش اعرف هنا كله معروف واتركب ومحفوظ كمان :d
وبالنسبة للماروتي تصدق بالله جيت بقول للراجل المشرف ممكن افتحها قالي يا باشا روح براحتك انتا اول واحد يجي جنبها النهاردة :d