الموضوع: استفسار عن 520

أخي العزيز مايكل

العربية دي عن تجربة شخصية قوية جدا جدا وأمان وواسعة ولذيذة بس اللي مخليها في سعر الفئة التالتة أولا إن ما فيش منها أربعة سلندر أو 1600 سي سي حسب علمي

ثانيا إن الفئة التالتة بيفضلها الجماعة الشباب أكتر من دي علشان بيعرفوا يروشنوها وكده

والله أعلم

انا كان معايا 535 ودي موتورها كبير 3500 سي سي
استهلاكها كان أعلى من المرسيدس شوية بسيطة

داخل المدينة طبعا عالي يعني التانك بتاعها كان ممكن يميشي 250 كيلو

خارج المدين بيبقى إستهلاك الستة سلندر الموتور الكبير تقريبا بيزيد تلاتين في المائة عن الاربعة سلندر الموتور ال 1600 وبيفرق حسب سرعتك يعني والسرعة الإقتصادية هي بين المائة والمائة وعشرين أكتر من المائة وعشرين بتبدأ العربية وزنها النسبي يخف ومقاومة الهواء تزيد واستهلاك الموتور يعلى طبعا

هي واسعة أوسع من المرسيدس العيون وحتى الكرولا لو حضرتك ركبت حاجة فيهم والكنبة الخلفية تحس إنها عميقة جدا

لو اشتريت واحدة وجبتلها كراسي جلد أصلي ليها هتحس بالفرق

انا هنا في الإمارات ما شفتش منها اربعة سلندر حتى 520 ستة سلندر

مش عارف قطع غيارها في مصر سعرها إيه لكن هي منتشرة خالص في الإمارات وده مخلي أسعار قطع الغيار المستعملة مرتاح

الموديل اللي حضرتك بتتكلم عليه سعره هنا في الإمارات ما يزيدش عن 4000 درهم يعني قول 6500 جنيه وده لو حالتها كويسه


بصفة عامة لو موتورين لنفس المصنع ليهم نفس السعة هتلاقي استهلاكهم على الطرق السريعة متطابق نوعا ما لكن داخل المدينة هتلاقي الاربعة سلندر فيهم بتستهلك اقل من الستة سلندر

أما المواتير الجديدة ففيها أفكار كتيرة لتوفير الاستهلاك داخل المدينة زي الهوندا بدأت تطبق نظرية التشغيل والتوقف يعني لما تكون مهدي جامد او واقف في إشارة الموتور يغذي اتنين سلندر فقط أو يطفي بالكامل ويشتغل أول ما تدوس بنزين ومن غير ما تحس بيه


تحياتي لك

السلام عليكم و رحمة الله و بركاته

أنا كنت سألت عالعربية دى من مدة لأنها كانت عجبانى لنفس الأسباب اللى أنت قلت عليها و اللى ردوا عليا من الأعضاء الأفاضل, قالولى, أن حاجتها مش موجودة كتير زى الفئة التالتة و أنا موتى و سمى, العربية اللى حاجتها مش كتير و تخلى بتوع قطع الغيار يبيعوا و يشتروا فيا.