أولا .. احب أوضح ان العربية اللي معايا هي أول فئة من الألنترا الجديدة يعني مافيهاش abs و لا أي وسائل امان سوي البارات الحديد اللي قدام و ورا
ثانيا.. بالنسبة للفرامل الحمد لله لحد الأن كويسة جدا و لو أنها لم تختبر بشكل جدي نظرا لحرصي الشديد في القيادة حاليا و نظرا لرغبتي في أعطاء السيارة فترة كافية للتليين و عدم الشد و الحرق و الكلام ده لكنها كويسة او معقولة بالنسبة للموتور و حجم العربية
لكن مع وجود ال ABS أعتقد انها ستكون أفضل بلاشك كوسيلة مساعدة في حالات التوقف الطارئ أو المطر و اتاحة الفرصة للتحكم في مسار السيارة أثناء الفرامل مع ملاحظة ان وجود ABS لايعني التسرع أو القيادة بسرعات عالية معتمدا عليه
ثالثا.. طبعا شراء سيارة من الخارج سيكون بها كل مواصفات الامان الغير متاحة هنا لأن ده الفرق بين الفكر خارج مصر و داخلها حيث يعتبرها الكثيرين هنا و اولهم وكلاء السيارات من الكماليات في حين أنها بالخارج شئ أساسي , انا شخصيا لو فكرت أشتري سيارتي الخاصة سأجلبها من الخارج في حاوية مقفولة لايتم فتحها ألا امام منزلي
رابعا.. بالنسبة للتكييف فهو ممتاز كعادة التكييفات الكورية للسيارات حتي الأن لم أضطر لأستخدامه علي طاقته القصوي بل علي العكس المروحة علي 2 كحد اقصي و مفتاح ضبط التبريد علي المنتصف أو 3/4 كحد أقصي
من الاخر لو عاجباك الالنترا الجديدة توكل علي الله و هاتها و لو من بره هاتكون أفضل 100 مرة
مع خالص تحياتي
م/ سمير الشهاوي
المفضلات