Mazda RX8

**Ashraf_Ibrahim** · 01-10-2011 02:49 AM

ازيكم يا شباب مازدا
اول مرة ادخل منتداكم العظيم
بصراحة سبب دخولي هي السيارة صاحبة العنوان
المازدا RX
كانت اول مرة اقابل هذه السيارة وجها لوجه
ما شاء الله عليها تجميع عالي جدا واداء وقدرة على المناورة غير عادية !
انا النهردة كنت مسافر على طريق اسكندرية الزراعي
ماشي في حالي 90 زي بقية البشر عادي جدا
لقيتها جاية من ورايا هي وبي ام دابليو i بس مهمنيش البي ام اوي ولكن المازدا كانت غريبة بالنسبالي
عدوا من جنبي صواريخ ما شاء الله عليهم الاتنين
طبعا انا سخنت
وان كنت عارف ان عربيتي عمرها ما تقدر تجاري الاتنين ولكني أصريت اني لازم احصلهم وقد كان
الطريق مكانش فاتح قوي فقدرت اعديهم على 140
جت المازدا كانت في ضهري على طول فانا هديت عشان كان قدامي عربية نزلت ل 120 لقيته خلع من جنبي صاروخ وقام واخد حتة غرزة مستحيل عربية تاخدها على السرعة دي الا لو كانت ثابتة جدا لأني انا عن نفسي بصراحة فقدت الثقة في عربيتي انها تقدر تاخدها لأني عارف عربيتي كويس
انا اه بجري بس بعقل مينفعش اجري كدة وخلاص
اول ما عديت من الحتة دي قمت فاتح برده ويعني فضلنا نسخن في بعض
هو طبعا مكانش فاضيلي اوي لأن كان جنبه خطيبته او مراته الله اعلم يعني فكانوا قاعدين مندمجين
حابب اعرف معلومات اكتر عن العربية دي يا شباب !
للعلم بس انا كنت بعافر معاه بالفيرنا بتاعتي بس هي أدت برده مش وحش يعني اني اخليه في ضهري دا شيء كويس - انا عارف انه مكانش بيجري كدة تقريبا -

**Ashraf_Ibrahim** · 02-10-2011 01:28 AM

ما شاء الله
الأخت طلعت 1400 سي سي وطلعت عيني على الطريق الحقيقة
هههههههههههههههه
بس حقيقي تحفة فنية ماشية على الأرض !

**MaZaGAngeE** · 02-10-2011 02:14 AM

المشاركة الأصلية كتبت بواسطة evo

1300 cc روتاري
9000 rpm ريد لاين
فعلا تتميز بالثبات في المناورة على سرعات عاليه
لكن مش قوية دي 230 حصان بس

بس كده ........... يعني زي اي 128 عادية في بلدنا
انا كنت فاكرها وهمية

**Ashraf_Ibrahim** · 02-10-2011 02:36 AM

اولا هي تصميم تحفة بكل ما تعنيه الكلمة
قوة اندفاع غير عادية
انا بقالي زمان محرقتش على الغيارات ولا سقطت نقلات
انا كنت بسقط نقلات على 110
ههههههههههههههههههههههههه ه
بس عيب عليكم الفيرنا عملت شغل برده :d