-
اختيار صعب !!!!
اختيار صعب < نيسان صني سوبر صالون هاي لاين ولا تيدا هتشباك ولا تيدا سيدان ولا نيسان ليفينا ولا كيا كارينز ولا كيا سيراتوا ولا هيونداي الانترا 2012 أو 2010 ..... الخ > مع معلومة اني اخري 130,000 و إني يهمني إنه يكون موتور محترم ويعيش وعفشة تستحمل طرقنا الجميلة وتكون واسعة عائلية يعني وتكيف حلو و تكون زيرو و اهم من كل ده اننا مش هنبيعها غير بعد عمر طويل إن شاء الله يعني من 20 ل 50 سنة إن شاء الله ههههههههههه < من الآخِر عربية العمر >
-
انا ركبت الصني وسوقتها
وركبت التيدا ومسوقتهاش !!
وركبت الالنترا وسوقتها
وركبت السيراتو
واشتريت من 3 ايام نيسان ليفينا
انطباعي عن كل عربية منهم . . الانطباع دة اول حاجة بتلاحظها في العربية . . ممكن تكون ميزة او عيب . . وممكن يكون في العربية خواص غيرها كتير لكن دة اول حاجة بدرت لذهني لما ركبت او سوقت العربية دية
الصني قوية جدا صاج ناشف . .
التيدا . . . شبابية جدا . . من كل الاوجة
الالنترا 2011 . . . واسعة جدا . . . ضعيفة
السيراتو . . .!! استحالة تكون دية عربيات زيرو ههههههههههه عيوب صناعة كتير واعطال كتير مش عارف دة حظ الي اعرفهم والي بشوفهم ولا اية بظبط بس تحس انها ضعيفة جداااااااااااااااا جداااااااا بكل منتجتها . . انا كنت هجيب كارينز بلمناسبة . . . .
الليفينا . . . ودية اشتريتها . . . انطباعي اول ما شفتها . . قوية وعائلية وجذابة
---------------
اسباب اختيار لليفينا . . ان لسة هينزل منها سنة او اتنين او ربما اكتر بنفس الشكل والنظام ودة افضل من كل الاوجة
العربية نفس ماتور وفتيس التيدا في نفس قوتها . . . لكن من الفئة الي بحبها الي بيسموها في مصر عائلية . . . وعالية وكدة !!
نصيحتي لحضرتك خليك في الياباني مدام عايز عربية تعيش وتتمتع معاها . . .
-
كلام حضرتك جميل جدا متشكر قوي :))
-
حضرتك شايف إيه الفرق بين التيدا والليفينا ؟؟
-
أنا شايف إن التيدا أفضل بالرغم من إنها أقل في الارتفاع عن الأرض من الليفانا ب 7مم بس هي واسعه وشبابيه مثلما قيل واللي موجود منها دلوقتي مكسيكي بس تقفيله كويس أوي، وحاول تشتري اليومين دول علشان فيه خصومات على موديل 2011 وعلشان المعرض
ومبروك مقدما
-
فى الموضوع ده حتكلم على الحاجة اللى تخصنا فى القسم .. اللى هو الصنى والتيدا والليفينا
باقى العربيات زى الهيونداى والسيراتو هما اللى يفيدوا حضرتك .. لان افضل حاجة تسال حد من الملاك مش حد يقولك سمعت .. وغير كدا انا مجرتش العربيات الاخرى عشان المعلومة لازم اقولك عليها صحيحة لان الكلام ده حتحاسب عليه قدام ربنا
بخصوص الصنى والتيدا .. فى موضوع فى القسم سبق واتكلمنا فيه عنهم الاتنين فى مقارنة .. وبصراحة الاتجاه كان لصالح التيدا .. لاى حد امكانيته تسمح تجيب التيدا ..
وده لينك الموضوع .. وحضرتك اقرا صفحة صفحة فيه .. لان كل صفحة فيه فيها معلومات
http://www.nilemotors.net/Nile/241647-a.html
ودلوقتى حاليا فى عروض على التيدا موديلات 2011 والاسعار رخصت لصالح العميل
وبخصوص قطع الغيار متوفرة فى التوكيل واسعار مثلا قطع الغيار فى التيدا او فى اى عربية كورى من توكلهم غالية .. وتيل الفرامل فى التيدا هو هو ويكاد ارخص حاجة بسيطة مثلا من السييراتوا فى التوكيل
ده بخصوص اسعار قطع غيار السيارات فى التوكيل
اما الاسعار قطع الغيار بره التوكيل بخصوص التيدا .. ده لينك الاسعار خارج التوكيل وحضرتك تحكم بنفسك افضل
http://www.nilemotors.net/Nile/243798-a.html
نيجى بقا للامان العربية .. صاج عربيات نيسان وعوامل اللامان فيها ممتازة عن اى عربية اخرى بصراحة .. وده شوفته بعينى من كتر من بروح مراكز الخدمة واتفرج على العربيات اللى عاملة حوادث .. اغلب الكباين بتطلع سليمة بصراحة ..
وبخصوص العزل فى التيدا والليفينا عالى جدا متسمعش اى اصوات ابدا ولا من ماتور ولا من الشارع ابدا
وبخصوص كمان الباور بتاع التيدا والليفنيا باور كهرباء .. وهنا بقا نقطة مهمة لازم نيجى عندها
وهى فتى وكلام الناس على الباور الكهرباء وقصة انه مش بيفصل وبيعلق والكلام ده
بصراحة فى نيسان مفيش الكلام ده ابدا .. الباور ناعم اه .. ومش خفيف للدرجة اللى تخوف وبيفصل على الطريق بعد 120 بالظبط وتقيل .. وفى عربيات بتعمل صيانة 300 الف ومحدش اشتكى ان الباور باظ وجراله حاجة ابدا
واذا جراله حاجة لقدر الله موجود ومتوافر فى السوق استيراد ب1000 استراد .. وموجود فى موضوع اسعار قطع الغيار
وفى مييزات كتير على التيدا حضرتك اقرائها فى اللينك اللى بعتهولك فى المقارنة بين التيدا ولصنى
نيجى بقا لليفنا .. العربية ممتازة وشنطتها واسعة .. هى العربية تقفيل الصين فى مصنع نيسان هناك .. ولو اتفرجت على العربية دى على الطبيعة ومحدش قالك انها متقفلة فى الصين حتصدق .. لان تقفليها عالى بصراحة جدا .. وفيها حاجة كويسة مش موجودة فى التيدا وهى الاسمارت كى
وهى هى ماتور التيدا .. بس التيدا التورك وعزم العربية اعلى من الليفينا ..
والحمد لله ان التيدا والليفنيا والبلوبيرد والقاشقاى محدش سمع ان فيهم مشاكل صناعة او عيوب بايخة بتظهر فيهم .. وفى التوكيل بيتمنوا ان الصنى كمان تكون زيهم
وبخصوص توكيل نيسان عموما .. توكيل محترم بشهادة الناس .. وكل اللى مش معاه عربية نيسان .. بيتمنى يجيب عربية نيسان عشان توكيلها ...
وفى النهاية لك الاختيار .. واسال باقى ملاك العربيات الاخرى عشان يفيدوا حضرتك
وبالتوفيق
-
نصيحتى ليك فكر بجد تشترى الصـنـى
معايا من 2008 وسوبرصالون على فكره عربيه قوية وكفاءة من كل النواحى عمرها ما هتكسفك ابداً
-
متشكر قوي أستاذ أحمد مصطفى خدماتك مغرقانا واللهِ ..
و أنا اسف إني تعبتك :)
-
طب بعد اذن حضرتك أستاذ أحمد مصطفى : هي تيدا 2012 في مصر هي هي بتاعت 2010 2011 ولا هيبقى في اختلاف عشان لو هتنزل ممكن الواحد يصبر شوية إيه رأي حضرتك ؟؟
-
رأيى الخاص
1- ليفينا
2- صنى سوبر صالون
3- تيدا
وحرام تدفع 100 الف فى الانترا ولا سيراتو ان شالله يكونوا 2013
Content Relevant URLs by
vBSEO 3.6.0 PL2