ماذا لو عاد الزمان للوراء ؟هل كنت ستشتري عربيتك ؟ و لماذا؟

**vooooo** · 12-06-2007 08:43 PM

منغير مانرجع بالزمن لورا
لكن لو هتكون العربيه جديده أكيد هفكر كتير قبل ما اقرر لوجود تقارب فى الأسعار و الأمكانيات و كل سنه بتنزل عربيه جديده بموديل جديد
و الأستقرار على رأى صعب فى الحاله دى
لكن لو هشترى عربيه مستعمله
هتكون الفولفو طبعآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآ
مع انى بتخنق منها كتير و ممله فى المشاوير داخل البلد لكن تحفه على الطرق السريعه
لكن عربيه أصيله و بتستحمل كتيييييييييييييييييييير

**أبو عبدالله** · 15-06-2007 02:06 AM

انا عن نفسي كنت هجيب نفس العربيه ولكن كنت ممكمن اشتريها من الخارج الدفع الرباعي بتاعها الرياضية

وممكن كنت لو استنيت شويه كنت اشتريت الماتيريا ولكن السيريون حلاوتها ان ادائها رياضي شويه عن الماتيريا ولكن برضه الماتيريا ماتور 1500 سي سي اعلى شويه

ولو شويه حبتين كنت تركت دايهاتسوا واشتريت الهوندا السيفيك الجديه بصراحه والله تحفه .......... انا لما ركبتها بصراحه مكنتش مصدق ان العربيه سعرها كده .

**Dr Ahmed** · 15-06-2007 02:17 AM

لو الزمن رجع لحد امتى بالضبط؟؟
لحد ما كنت بشترى العربية؟ هشتريها هى هى بس كنت هجيبها سودة...

انما لو كان معايا أكتر بصراحة كنت اشتريت كورولا أو هوندا .

**TAG_Turbo0** · 15-06-2007 10:50 AM

لو الزمن رجع كنت هجيب برده نفس العربية لأنها كنات احسن أختيار بالنسبة ليا فى السعر بتاع 70 ألف
بس كان ممكن يكون فى شوية تردد علشان موضوع ان العربية واطيه على الارض وبتحط كتير فى المطبات

**Nile Heart** · 15-06-2007 11:50 AM

المشاركة الأصلية كتبت بواسطة FANTOMASS

اشتريت نفس سيارتي العزيزة - الاسبوع الماضي عملت لها صيانه (تنظيف كربيراتير + قطع غيار + بقشيش) ب 20 جنيه مصري - اتحدى احد في هذا المنتدى يدفع هذا المبلغ في صيانه سيارته -
مع سلاماتي و تحياتي

ربنا بياركلك فيها ويكرمك ان شاء الله بمرسيدس
ال 127 اللى معاك دى احسن عربيه فى مصر طبقآ لمبدأ Value-for-the money

العربيه دى كانت معانا 13 سنه اتعلمنا عليها انا واخواتى ووالدتى وبهدلناها وفى الأخر اتباعت سنه 97 ب 11 الف !!
والله بكيت لما المشترى جه واخدها!!

عربيه اصيله

**AlmAhAtmA** · 15-06-2007 05:09 PM

لو لم اكن من المقيمين في الهوندا سيتي
لتمنيت الطيران علي متن الهوندا سيفيك

**aeltokhy** · 15-06-2007 07:13 PM

طبعا أنا بقى مثال حى للوفاء للويرا فلثد بعت مو 2000 وإشتريت 2004 وبعت 2004 وإشتريت 2005 وناوى أأعد أغير فيها إلى أن يبطلوا يصنعوعا فعامل السعر مخلينى ماخرجش بعيد عنها لانها فى رنج ال50000 طيب لما تبيع وتيجى تشترى نفس الإمكانيات هتكون فى حدود ال70000 اللآنسر

**sab3aawy** · 15-06-2007 07:36 PM

لو عاد بى الزمان ثلاثة شهور للوراء

لاحترت بين الأوبترا والإلانترا واللانسر والكورولا والصنى والماتريكس كما كنت فى ذلك الوقت

ولحذفت الأوبترا و إلانترا بسبب تجربة سيارات يابانى وكورى من نفس الفئة عمرها عشرة سنوات واحساسى بالفرق

وسأحذف الماتريكس بناء على عدم اقتناع السيدة زوجتى بشلكها (مع انى بحب شكلها)

وسأحذف الكورولا للمبالغة بشدة فى سعرها بدون داعى

وتبقى المنافسة الاخيرة بين اللانسر والصنى واللى تعبت فيها جدا محاولا الإختيار بين لانسر 1300 مانيوال او لانسر 1300 اوتوماتيك او صانى 1600 اوتوماتيك او لانسر 100 اوتوماتيك

اولا انا كنت رافض فكرة اللنسر الخليجى علشان قصة الضمان والاوراق وعلشان انا بحب اشترى من الموزع ومش بحب وجع القلب

وكما تم استثناء كل اللنسر الخليجى، تم استثناء اللنسر المانيوال لانى كنت عايز اوتوماتيك، وتم استثانء اللانسر 1300 اوتوماتيك لأحساسى وعن تجربة ان الأوتوماتيك قليل عليه محرك ميتسوبيشى 1300
وبقيت الصنى واللانسر 1600 اوتوماتيك، وبعد بحث طويل جدا تم استبعاد الانسر لأنى لم اجد فروق جوهرية عن الصنى تبرر ال11000 جنيه الفرق (الى جانب ان الصنى فيها كاسيت وانذار فابريكة مش موجودين فى اللانسر)، خصوصا وانى غير مصاب بعقدة الخواجة، وهكذا استقريت على الصنى

وبالتالى لو رجع الزمان اعتقد انى هختار نفس الإختيار، والحمد لله الأيام والتجربة مكسفتنيش

**memoo305** · 16-06-2007 10:50 AM

لورجع بي الزمن للوراء ماكنش أخذت قرار شراء السيارة الدايو المستعملة إلى معايا .كنت أستنيت لغاية ماإدخر مبلغ دايو أوفرنا زيرو وجبتها .نصيحة لكل واحد مفدم عل شراء سيارة مستعملة لو الفرق بين الجديد والمستعمل مش كتير .أزنق نفسك وهات الجديد فوراً.

**محمدايهاب** · 17-06-2007 02:17 AM

أنا معاك و عندي قصص كتيير المجال لا يتسع لها الأن لكن هيجي وقتها

الموضوع: ماذا لو عاد الزمان للوراء ؟هل كنت ستشتري عربيتك ؟ و لماذا؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

ماذا تختار ؟ لانوس ولا فيرنا و لماذا

لو رجع بيك الزمن للوراء ... كنت هتتجوز ولا لأ ؟

لو عاد بك الزمان للوراء كنت حاتشترى نيسان صنى تانى

ماذا تفضل من هذة السيارات و لماذا ؟ برجاء المشاركة لا تبخل برأيك

ماذا تفعل اذا توقفت عربيتك صباحا

الكلمات الدلالية لهذا الموضوع

المفضلات

المفضلات

ضوابط المشاركة