عرض للطباعة
الحيرة هاتقتلني...عايز أجيب للمدام عربية صغيرة أوتوماتيك و الإختيارات محيرة جداً:
بالنسبة للزيرو:
أي 10 زيرو
بيكانتو 2011 زيرو
بالنسبة للمستعمل:
نفس السيارات اللي فوق بس كسر زيرو
سيريون سبورت في حدود 20000كم
جيتز أوتوماتيك في حدود 20000كم
بيكانتو 2012 كسر زيرو
دماغي رايحة ناحية المستعمل اكتر لتوفير الفلوس و القيمة مقابل السعر...بالإضافة أنها هاتكون لسة مبتدئة في السواقة فمتوقع العديد من التجريحات و الخبطات في الأول...
لو انتم مكاني تختاروا إيه؟ و ممكن إضافة بدائل أخرى إن وجد
انا شايف ان حضرتك بتفكر صح فى موضوع المستعمل بالذات لو كسر زيرو و حالة نظيفة .. هتبقى حضرتك عليت بالفئة و دفعت نفس المبلغ .. اهم حاجة تكشف فى حتة محترمة ( يفضل التوكيل ) و تتأكد من سلامة الورق عشان الدنيا دلوقتى زى ما حضرتك عارف مش امان
انا رأيى الجيتز تستبعدها عشان الجيتز مفهاش وسائل امان كافية .. و العربية هتستخدمها المدام فهتفقد الميزة الاساسية بتاعتها و هى التسارع العالى بتاعها
السيريون سبورت اعتقد اعلى فئة فى السيريون .. بس للاسف معنديش خلفية عن الاوبشنز بتاعتها .. لو فيها abs و airbag اعتقد انها تبقى اختيار كويس لأنها عربية حجمها مناسب و شكلها حلو
البيكانتو الجديدة انا حاسس ان مبالغ فى سعرها جدا
الزيرو زيرو ياباشا
عربية خارجة من المصنع عليك عدل
نصيحة خليك فى الزيرو
اللوجان أختيار رائع قيمة مقابل الفلوس وفى نفس الوقت زيرووووووووووو ( بس مانيوال طبعاً مفيش أوتوماتيك )
وربنا يوفقك
استاذ نادر نبيل انا ساكن جنبك وتقريرك هو اللى خلانى اجيب اللوجان
واعرف العربية اللى كانت فى التقرير وهى الوحيدة اللى لونها فضى اللى بتركن فى صقر قريش ( صح )
طبعا اول لما دخلت قولت اكيد حاطتت فى الاختيارات لوجان او سانديرو بس لقيت كلمة اتوماتيك وصغيرة
فهسيب الاجابة للناس اهل الخبرة بالعربيات التانية :]
اقتباس:
المشاركة الأصلية كتبت بواسطة ayman1204
استاذ أيمن...مظبوط هي العربية دي...بس مباقتش الفضي الوحيدة...في عربية تانية فضي فول اوبشن في العمارة اللي قدمنا ...بس لسه جديدة مبقلهاش شهر :)
اللوجان و السانديرو كانوا هايبقوا على قمة الإختيارات لو كانوا أوتوماتيك...بس للأسف الحلو مايكملش...
هو ده اللي مخليني اميل ناحية المستعمل كسر زيرو...اقتباس:
المشاركة الأصلية كتبت بواسطة rs12
السيريون هي أفضل قيمة مقابل سعر بس الصيانة و قطع الغيار هايبقوا مشكلة...و هي فعلاً فيها ABS, 2 Airbags, جنوط سبور, 4 زجاج كهرباء, مرايات كهرباء, سبويلر خلفي...بس مش منتشرة قوي...عشان كده صعب تلاقي واحدة نضيفة
اقتباس:
المشاركة الأصلية كتبت بواسطة nadernabil
انا بسمع سمع خير عن توكيل دايهاتسو .. مش عارف اسعار قطع الغيار بصراحة نظامها ايه .. هى العربية مش منتشرة اوى و اكيد الفئة ديه برضه مش منتشرة لانى اعرف انها زيرو فى حدود 95 الف ، بس ماشاء الله اوبشنز كويسة
بيكانتو 2011 أفضل اختيار
السيريون عربية كويسة وتكيلها ممتاز