ربنا يحفظهالك بس عايزين تقييم بقي للعروسة الجديدة
ربنا يحفظهالك بس عايزين تقييم بقي للعروسة الجديدة
الموضوع ده ححاول اتكلم فيه باستفاضه شويه
اولا انا من شهر لو كان حد جاب سيرة الهوندا وخصوصا سيفيك ما كانش بياخد معايا حق ولا باااطل ودي فعلا عربيه مالهاش حل اقصد السيفيك ولكن حقول ايه اللي خلاني اقرر القرار ده واسمحولي ادوشكم شويه
انا بعتها 130 الف وسعر الوكيل 139 يعني معقول السعر
فات عليها سنه وانامن سكان الحلميه الجديده كلها مطبات عشان الغاز الطبيعي والعربيه العفشه اتبهدلت مني
الجراج اللي تحت العماره كان بيركنها في الشارع بره فاتملت خرابيش وخبطات خفيفه سدت نفسي ناحيتها
العربيه واطيه اوي يا جماعه وده بيخلليني وسط الزحمه حاااسس اني مخنوق خصوصا ان اغلب ان لم يكن كل تحركاتي في وسط البلد
الفرش البيج بتاعها بيتوسخ بسرعه وده طبعا شيئ ثانوي مش مهم اوي
موديل 2007 يعني السنه اللي فااااتت ومهما كان بقى اسمها ( مستعملة ) وانا بحب الزيرو اوي اوي
مميزاااات تيريوس عن سيفيك :
عاليه عن الارض .. عسل في المطباااات ولا بتحس بيها خالص .. فرشها من رأي الشخصي ويمكن كثير يخالفوني احلى من فرش سيفيك .. فيه مفتاح للتابلوه بينما سيفيك ما فيهاش ..دي زيرو وسيفيك موديل السنه اللي فااااتت وشبعت منها خلاص
ضهر تيريوس احلى من ضهر سيفيك
مميزاااات سيفيك عن تيريوس :
الكروووز ..+ محرك جباااار كنت بقطع بيه والله كل العربيات بدون استثناء بدءا من 316 ومرورا بالكرورلا ومتسوبيشي ومازدا 3 ومن على شاكلتهم
الكونسول اللي في الوسط كنت بريح جسمي عليه انما تيريوس لأ
النقل بين الغيارات انعم بكثير
وش السيفيك خرافي .. سيفيك ارقى من تيريوس عند كثير من اصحااابي واغلى
ده على عجاله وحبقلى ازود في المقارنات بعد فترة التليين
تحيتي لك ..
الله يبارك في عمرك .. حكتب ان شاااء الله هنا كل خواطري اول باول
شرفتني استاااذي ..
لا اخوي معاذ .. المعرض هو اللي اشتراهالي من التوكيل عشان موضوع الاستبدال ده .. التوكيل معندوش استبدال وهو تقريبا جابلهالي من فرع مصر الجديده وانا لما رحت التوكيل النهارده سالت المسئول دي من عندكم .. فحصها وقاللي من عندنا ياباشا :)
ألف مبررررروك
فعلا عربيه جميله و اختيار موفق ما شاء الله
ربنا يبارك لك فيها ؛؛؛؛
ايوه مصري والحمد لله بس بشتغل مضارب في البورصه السعوديه وبقعد كل يوم ما يقرب من 12 ساعه مع اصدقائي في المملكه اثناء التداول وبعدها وخصوصا اني مشرف عااام في منتدى البورصة السعوديه فمعلش لو كلامي فيه كلمات سعودي وهما على فكره بيكلموني بالمصري :) .. ههههههههه
وعموما كلنا مسلمين و عرب وانا مش معترف خالص بموضوع الحدود والجنسيات ده .. وبعتبر الدول العربيه كلها زي مثلا اهل بورسعيد لهجتهم غير الصعيد غير النوبه غير سيناااء
معلش فوتولي بالله بعض الكلمااات .. انا قلبي ابيض من اللبن الحليب :)
الف مبروك يا م. تيمور
عقبالي...!!
ربنا يباركلك فيها
اخبار التكييف بتاعها ايه؟
ايه رأيك في نور التابلوه بتاعها؟
السحب بتاعها عامل ايه؟
مش حاسس بفرق في الفخامه من الهوندا للتريوس من جوه؟
شجعني عشان انا ناوي بس مقلق شويه ومحتار
ربنا يباركلك فيها ويعطيك خيرها ويكفي عنك شرها ان شاء الله
ههههههه انا بس استغربت بعض كلماتك ...بس ما دام تعاملك مع سعوديين انا عاذرك...انا مريت بالموقف ده اول مرجعت من مكة...و كان اصحابي بيقولولي .هوه انت بتكلم سوداني ليه يا علاء http://www.nilemotors.net/Nile/images/icons/icon10.gif لغاية ما تعودوا ..اوانا اتغيرت الله اعلم :)
شوف ياسيدي ..
التكييف نصحوني الاخوان هنا ما شغلوش قبل صيانة الالف
نور التابلوه جميل وعملي اوي بس السيفيك احلى طبعا .. لكن دي نقطه ثانويه
السحب انا مجربتوش بس طبعا سيفيك تقطع ابوها .. لكن انا استعمالي ليها عملي في مشاوير وسط البلد وعلى الطريق الصحراوي مره كنت سايق بالسيفيك على 240 والرادار يا معلم لقطني واللجنه وقفتني وانا نسيبي ظابط وكان ممكن اتصل بيه لكن من كسوفي من اللجنه وهما بيبصولي على السرعه سيبتلهم الرخصه وماليش عين اتكلم .. طيب واخرتها ايه ؟ ..
انا شبعت سحب وشد مع خلق الله فعلا شبعت وعاوز بقى اسوق بدون خوف من الرادار وبدون سحب رخص واي عربيه بتفوت قدامي مش فارق معايا دلوقتي اني اسبقها
سحب التيريوس بعد صيانة الالف حلو وتقريبا رااائع لاني قريت لاحد اخواني هنا انه شد بيها مع عربية جين 2 وسد معاها ..
العربيه من جوه والله حلوه ومريحه عن السيفيك والوانها انيقه وانا بقوللك اني راضي عنها واهلي ركبوا معايا وعجبتهم ..
ألف مبروك يا باشا ...إختيار موفق إن شاء الله ....ربنا يبارك لك فيها و يحفظهالك