عايز دكتور اسنان اطفال في مدينة نصر

**shaddadfalcon1** · 01-10-2011 02:29 PM

السلام عليكم
محمد ابني عنده 3 سنين ونص وضرسه مسوس خالص وعمال يعيط من البارح واخدته النهارده وديته مستشفي الشامله في كفر الدوار قالولي ان مينفعش يتخلع عشان لسه صغير وانه هيتحشي عصب بعد تنضيف التسوس منه بس انا اعرف ان حشو العصب ده بيموت الضرس خالص بس هو قالي انه بيشيل جزء بس واني اوديه عياده او كلية طب اسنان الأسكندريه بس المشكله اني مسافر القاهره انا والاولاد النهارده وهبقي قاعد في مدينة نصر عند انبي في شارع زاكر حسين من قصاد الوفاء والأمل وعايز مستشفي او دكتور كويس
خايف اوديه كيلة طب القاهره او عين شمس يجربو فيه او يخلو الطلبه اللي تكشف عليه

انا عايز دكتور محترم وشاطر ومش مهم الفلوس عشان انا لسه عامل حشو عصب وعارف الالم عامل ازاي وهو صعبان عليا جدا ومنمش طول الليل وجسمه سخن

**khaloooda** · 01-10-2011 03:12 PM

اعتقد في الاسنان ميفرقش اسنان اطفال او اسنان عادي
بص ... عموما
في دكتور كويس في شارع مصطفي النحاس قدام بيتزا هت او قبلها بشوية مش فاكر
قالي عليه واحد صاحبي وكنت ناوي اروحله
اسمه محمد زمزم
وكمان بيروح مستشفي كيلو باترا في مصر الجديدة ممكن تروحله هناك
ممكن تجيب عنوانه وتليفونه بالظبط من الدليل

وربنا يطمنك عليه

**shaddadfalcon1** · 01-10-2011 03:24 PM

بتفرق ياباشا لان التعامل مع البالغين مش زي الأطفال وفي بعض الحالات اللي حاسس ان ابني هيبقي منها ودي حصلت مع بنت جاري اخدت بنج كلي عشان يعلمها ضرسها

انا لسه حاشي عصب من شهر والدكتور ممتاز بس مش بيشتغل اطفال

الدكتور اللي في مصطفي النحاس ده اطفال ولا كله وياتري المكان فين بالنسبه لعباس العقاد مثلا عشان انا معرفش حاجه في القاهره

**khaloooda** · 01-10-2011 07:57 PM

والله يا باشا انا كمان معرفش مكانه بالظبط ده واحد صاحبي قالي عليه وبيشكر فيه اوي
هو استاذ في كلية طب اسنان
وبيروح كذا مكان بجانب العيادة منهم مستشفي كيلوباترا اللي في الكوربة

اما موضوع بيشتغل اطفال ولا لأ معنديش فكرة
ممكن تجيب تليفونه من الدليل وتتصل بيه

وربنا يطنك

**shaddadfalcon1** · 01-10-2011 11:56 PM

تسلم ياغالي

**Dojuar** · 02-10-2011 12:11 AM

المشاركة الأصلية كتبت بواسطة shaddadfalcon1

تسلم ياغالي

لقيت والا لسه؟؟

في مركز عند مول السراج

و مركز تاني في مكرم عند الأسواق الحرة

**mohamed_selim** · 02-10-2011 12:14 AM

انا بنتى حشت عصب و هى 5 سنين بس انا وديتها اول ما لاحظت التسويس فمكانش فى التهاب ... ابنك طالما سخن يبقى فى التهاب و الدكتور هيديلو مضاد حيوى و مش هيشتغل غير لما الالتهاب يخف
مفيش اى خطر منه لأن دى اسنان لبنيه و العصب ده على كلام الدكتور مش الاساسى بتاع الاسنان الدايمه (ممكن مكونش انا فهمت كويس بس اللى انا متأكد منه انه ان شاء الله ملوش تأثير سيئ فى المستقبل)
العياده اللى بروحها عند دار الدفاع الجوى بس مش معايا التليفون دلوقتى ... فى دكتوره هناك اطفال ...
الكشف ب 100 على قد مانا فاكر و بعد كده بيحددلك ايه اللى هيتعمل و يكلف كام ... هو المكان غالى حتى لو قارنتو بأماكن تانيه بس نضيف جدا و تعقيم على اعلى مستوى و اشعه حديثه بتطلع على الكمبيوتر و انت شايف كمان بيستخدمو خامات ممتازه فى الحشو و العلاج و البنج... انا فاكر كنت عايز اكشف على سنان ابنى (اصغر من اخته بسنه) و بعد ما خلصت الدكتوره اصرت نروح غرفه تانيه متعقمه عشان اللى احنا فيها لازم تتعقم (على الرغم انا كنت متخيل ان مفيش مشكله الولد و البنت اخوات و سن صغير يعنى اختماليات عدوى و كده مش موجوده بس هو نظامهم كده ... بس فى المقابل بندفع كل ده فى مصاريف الكشف و الشغل)

لو عايز النمره ابعتلى على الخاص و انا ابعتهالك مع وصف المكان و ربنا يشفى الاستاذ الصغير ان شاء الله

**shaddadfalcon1** · 02-10-2011 10:50 AM

المشاركة الأصلية كتبت بواسطة mohamed_selim

انا بنتى حشت عصب و هى 5 سنين بس انا وديتها اول ما لاحظت التسويس فمكانش فى التهاب ... ابنك طالما سخن يبقى فى التهاب و الدكتور هيديلو مضاد حيوى و مش هيشتغل غير لما الالتهاب يخف
مفيش اى خطر منه لأن دى اسنان لبنيه و العصب ده على كلام الدكتور مش الاساسى بتاع الاسنان الدايمه (ممكن مكونش انا فهمت كويس بس اللى انا متأكد منه انه ان شاء الله ملوش تأثير سيئ فى المستقبل)
العياده اللى بروحها عند دار الدفاع الجوى بس مش معايا التليفون دلوقتى ... فى دكتوره هناك اطفال ...
الكشف ب 100 على قد مانا فاكر و بعد كده بيحددلك ايه اللى هيتعمل و يكلف كام ... هو المكان غالى حتى لو قارنتو بأماكن تانيه بس نضيف جدا و تعقيم على اعلى مستوى و اشعه حديثه بتطلع على الكمبيوتر و انت شايف كمان بيستخدمو خامات ممتازه فى الحشو و العلاج و البنج... انا فاكر كنت عايز اكشف على سنان ابنى (اصغر من اخته بسنه) و بعد ما خلصت الدكتوره اصرت نروح غرفه تانيه متعقمه عشان اللى احنا فيها لازم تتعقم (على الرغم انا كنت متخيل ان مفيش مشكله الولد و البنت اخوات و سن صغير يعنى اختماليات عدوى و كده مش موجوده بس هو نظامهم كده ... بس فى المقابل بندفع كل ده فى مصاريف الكشف و الشغل)

لو عايز النمره ابعتلى على الخاص و انا ابعتهالك مع وصف المكان و ربنا يشفى الاستاذ الصغير ان شاء الله

جزاك الله كل خير يااستاذ محمد وياريت تبعتلي مكانه اروحه ازاي وياتري الحشو والكلام كله يكلف كام

**shaddadfalcon1** · 02-10-2011 10:53 AM

المشاركة الأصلية كتبت بواسطة dojuar

لقيت والا لسه؟؟

في مركز عند مول السراج

و مركز تاني في مكرم عند الأسواق الحرة

لسه والله بدور بس الحمد لله هو احسن كتيير النهارده وخايف اسكت الدنيا تبوظ
ممكن اروح اشوف اللي عند السراج مول النهارده بس ياتري اسمه ايه ومكانه فين بالظبط

معلش بتقل عليكم بس انا بجد معرفش اي حاجه في القاهره

**Dojuar** · 02-10-2011 10:59 AM

المشاركة الأصلية كتبت بواسطة shaddadfalcon1

لسه والله بدور بس الحمد لله هو احسن كتيير النهارده وخايف اسكت الدنيا تبوظ
ممكن اروح اشوف اللي عند السراج مول النهارده بس ياتري اسمه ايه ومكانه فين بالظبط

معلش بتقل عليكم بس انا بجد معرفش اي حاجه في القاهره

هو في الممر الجانبي بتاع العمارة اللي فيها مول الكمبيوتر اللي جمب السراج مول

اسمه مركز حمدي الزاهد

المركز اللي في مكرم في العمارة بتاعت السوق الحرة واسمه تقريبا المركز المصري للاسنان

اللي عند السراج أغلى من اللي في مكرم

ومتسكتش على الولد الله يكوت في عونه و يشفيه