السلام عليكم،
أنا بدور اني أخوض كورس في ال- PMP و- كنت عايز أعرف فيه أماكن في مصر الجديدة أو مدينة نصر بدرسها ولا لأ وإيه الاماكن البديله .
(Project Management Professional
عرض للطباعة
السلام عليكم،
أنا بدور اني أخوض كورس في ال- PMP و- كنت عايز أعرف فيه أماكن في مصر الجديدة أو مدينة نصر بدرسها ولا لأ وإيه الاماكن البديله .
(Project Management Professional
في مكان ممتاز بس في المهندسين
تصدق انا كمان كنت عاوز اسال نفس السؤال
فين اللي في المهندسين ده ؟
وعليكم السلام ,,
الغرفة الامريكية احسن مكان من وجه نظري بس لازم يكون عندك خبرة حوالي 3 سنين ونص او تاخد الي هو بدون خبرة
Certified Associate in Project Management (CAPM)
ومبروك الجين2 يا باشا :))
انا عندي خبره 5 سنين عاوز اعرف ايه الكورسات الافضل والسعر
اكاديميه ايماك تبع مؤسسه الخرافي 20 ش دمشق متفرع من شارع سوريا
السلام عليكم،
الله يبارك فيك يا باشا بس الغرفة الامريكية اسعارها غالية عليا الايام دي، كمان أن مكانها بعيد أوي بس متعرفشي أي أماكن تانية غيرها، أصل مع الشوارع الجميلة في البلد :_Alshmokh08[1]: عشان أروح من مصر الجديدة إلى المهندسين، أكيد حنام في الكورس.
وعليكم السلام,,
هو مش المهندسيين بس بيدوا في جامعات عين شمس وحلون و6 اكتوبر وكدا ,, وفية اسعار خاصة للطلبة الي هما متخرجيين 2009 - 2010 - 2011 ( لو انتا متخرج بدري يعني )
ماعرفش اماكن تانية والله ,بس لو دورت علي جوجل ممكن تلاقي ,, بس يكون مركز محترم ولا حاجة ,,
السلام عليكم ,
أنا أخدتها فى معهد ريتى فى الزمالك و كل المدرسين واخدين شهادة pmp و كمان بعد ماتخلص الكورس و عايز تمتحن عندهم كورس تجهيز للامتحان و بالتوفيق ان شاء الله
مفيش مكان في مصر الجديدة أو مدينة نصر أو المعادي ؟
فى معهد imi فى المعادى قرب مستشفى القوات المسلحة , أنا أخدت فيه دبلومة 9 شهور فى ادارة المشروعات من جامعة كمبريدج و كان محترمين جدا
انا اخدت الكورس فى OTT وكان ممتاز والسعر كويس جدا وفيه شركة برده متخصصة فى ادارة المشاريع فقط cmcs-mena.com
الشركتين معتمدين من PMI وتقدر تدخل الإمتحان عن طريقهم
انا في الأكاديمية البحرية والترم ده بناخدها بس هيا بتندرج تحت اسم management2
انا معايا فايل اكسيل بس للاسف فى الشغل فى كل الاماكن اللى بتدى الكورس ده ومواعيده والتكلفه ان شاء الله يوم الاحد لما نرجع من الاجازه ابقى ابعته لحضرتك , بس عامه انا اخدت الكورس ده فى مدينه نصر فى مركز اسمه جويبتر 2000 كان ب 1800 جنيه والمواعيد كانت من 7-10 مساء يومين فى الاسبوع لمده خمس اسابيع , المركز ممتاز والميعاد كان مناسب لمواعيد شغلى وبعد الكورس امتحنت ونجحت وخدت شهاده pmp
مبروك ياباشا - حد يقدر يفيدنا ايه نظام الامتحان يعني بمجرد متاخد الكورس تتخدل تمتحن والا انا سمعت انك بتقدم عليه وبيتبعت بره مع شهادات خبره وحسابات مشاريعك السابقه ومين الريفرنس للكلام ده لاتقل عن 4500 ساعه كمدير والكورس بتاع التدريب لايقل عن انك تكون اخذت 35 ساعه
هل الكلام ده صحيح ؟ ده كدا يبقا موضوع معقد للحصول على شهاده ال pmi