الموضوع: شقة ايجار جديد بزهراء المعادى بيتشو

معلش يا باشا هسأل سؤال و اخرج عن اموضوع


ليه فى شقق فى بيتشو سعرها عالى جدا و شقق أخرى سعرها معقول و بنفس المواصفات تقريبا واحدة


هل فى مشاكل او سبب للتفاوت دة؟؟

مش ممكن تكون المواصفات واحدة بالنسبة للموضوع بتاعى الشقة الاخيرة تم صرف عليها فلوس اسانسير زيادة وانتركم وكمان تحسين فى مواسير المية والخزان اما باقى الشقق عموما فشوف حضرتك الاختلاف كلة فى المساحة وكمان الشقة بتبص على الشارع الرئيسي ولا الداخلى
المساحات من 75 و 105 و130و150و160و180و210 تقريبا وكمان فية شقق بتطل كلها على شارع داخلى مابين العمارات حوالى 10 متر ودى المفروض انها رخيصة وفية اللى بتطل كلها على الشارع الرئيسي ودة 24 متر وفية اللى بيطل على الرئيسي والفرعى معا ودى الشقة اللى انا عارضها والمفروض زى ما انا سامع ان دى احسن تقسيمة للشقة ولو حضرتك عندك اي استفسار انا تحت امرك

اه وفية حاجة كمان الشقة فى اى مرحلة يعنى اتسلمت ولا لسة علشان فية ناس بتبيع الشقق اللى لسة متسلمتش ومعروف ان كان فية مشاكل مع الشركة علشان هى سلمت شقق المرحلة الاولى متأخر بس الحمد لله سلمت فى الاخر بس بعد ما طلعت عنينا وسلامى لحماية المستهلك المصرى اللى كل الشركات بتعاملة على انة فريسة الموضوع دة يا صديقى انا ممكن اكتب فية كتب من الحجم الكبيير بس هقول اية غير حسبى الله ونعم الوكيل فكل من استحل مال المصريين

المشاركة الأصلية كتبت بواسطة hema_lancer

طيب ممكن اعرف لو 75 او 105مثلا وفي شارع جانبي تعمل في رينج كام ؟

والله ياباشا كان بودى المساعدة بس انا مش تاجر ولا سمسار شقق الحكاية وكل ما فيها اننا كنا حاجزين الشقق دى من اكتر من 6 سنوات وكنا المفروض هننقل فيها بس بعد ما حصل التأخير فى الاستلام اتصرفنا وقعدنا فى شقق تانية وبعد الاستلام قولنا نأجرها فانا معرفش اسعار الشقق بالضبط كام

ربنا يوفق لما فيه الخير ان شاء الله

السلام عليكم
الشقة لازالت موجودة علشان السماسرة وجعين دماغى والناس اللى بيجيبوهم بصراحة مقلقين جدا