ينفع ننقل الفتيس الأتوماتيك والعربية ماشية؟

**TefaShoman** · 07-10-2011 11:22 PM

المشاركة الأصلية كتبت بواسطة ayman_83

عادي جدا مفيهاش اي مشاكل
وانك تنقل من ال 3 ال dعادي برضه عشان افرض انك بتشد او طالع مطلع بس طبعا غلط تجيب ال r او ال p وغلط انك تكون ماشي علي سرعه عاليه وتنقل علي ال 3 او 2 او l
وربنا يستر طريقنا جميعا

كلام سليم 100 %

**mohammadrashee** · 12-10-2011 11:30 PM

المشاركة الأصلية كتبت بواسطة killypunto

طب هو ليه لو البطاريه نايمه مش ممكن نزق العربيه؟! هو مش ممكن مثلا نزق و هى على ال n و بعد كده ننقل d او 2 و هى ماشيه و ندور؟!

ممكن حد من الخبراء يجاوب على السؤال ده

**IronHead** · 12-10-2011 11:38 PM

المشاركة الأصلية كتبت بواسطة mohammadrashee

ممكن حد من الخبراء يجاوب على السؤال ده

العربيات الاوتو عمرها متدور بالزق ولو بالطبل البلدى, مافيش حل غير انك يبقى معاك وصلة كهرباء سالب وموجب وتكون بتتحمل تيار عالى (ب70 جنينه) فى شنطة العربيه, الوصلة دى للعربيات الاوتو لاغنى عنها زى الكوريك بالظبط

**yousef1978** · 12-10-2011 11:44 PM

المشاركة الأصلية كتبت بواسطة ahmad_ezoly

بحكم الطبيعة الجغرافية يلي ساكن فيها ( جبلية ) فأحياناً كثير بحس نفسي محتاج أريح العربية شوية خصوصي عند المنحدرات فاللي بعمله إني بحط الغيار على n بس قلت لازم أسأل الأول ، وفعلاً ... نصحني ميكانيكي مختص بصيانة علب السرعة إني ممكن أتنقل من n إلى d بس لازم تكون السرعة تحت 50 عشان ما يحصلش خطأ في قراءات الكومبيوتر + إطالة لعمر علبة السرعة

والله أعلم

بالعكس

انت لما تكون نازل منزل جامد المفروض تغير على ال 2 أو ال 3 علشان الموتور يساعدك في ضبط سرعة السيارة وتقليلها بدل ما يكون الحمل كله على فرامل العجل

المفروض الواحد لو حب ينقل بين n و d و 2 و 3 يراعي سرعة دوران الموتور علشان لو انت فضيت الفتيس وبعدين عشقته والسيارة ماشية بسرعة كبيرة فالتروس هتتعرض لصدمة قوية وده بيأثر على كفائة الفتيس وكمان هتلاقي سرعة تردد الموتور رفعت بطريقة كبيرة علبال ما الفتيس يغير وياخد التالت والرابع وكده - وطعبا لما سرعة تردد الموتور تعدي ال 5000 وكده ده بيأثر على كفائته وعلى مواصفات الزيت اللي جواه

أما بخصوص البطارية
لو السيارة فتيس عادي فانت بتعشق الفتيس بالعجل بالموتور بطريقة يدوية وما فيش مشكلة
ولما تزق العربية العجل هو اللي بيحرك الموتور وده بيشغل الدينامو فيولد كهرباء كافية إنها تشعل الموتور وكده العربية تشتغل

لما بيكون معاك عربية فتيس اتوماتيك فالموضوع يختلف
لأن الفتيس الاتوماتيك بيتعشق ويغير بطريقة اتوماتيكية عن طريق طاقة ضغط بياخدها من المتور
يعني انت لما بتحط العصاية على ال d انت كده بتحدد فقط اتجاه الفتيس لكن هو مش بيبقى معشق لأن ما فيش ضغط جاييله من الموتور
وطبيعي مهما زقيت فالفتيس مش هينقل أي حركة من العجل للموتور وعمر ما السيارة هتشتغل

تحياتي للجميع

**mememsaid** · 13-10-2011 03:39 PM

الله ينور يارجاله علي المعلومات الجمده

**Ahmed Nasser** · 15-10-2011 12:10 AM

كلام مفيد بجد

**mshaheen1** · 15-10-2011 01:23 AM

شكرا لرجالة بروتون حقيقى أساتذة

جزاكم الله كل خير على المعلومات القيمة

**tutankhamoun** · 15-10-2011 07:43 AM

يا شباب
طيب ليه ننقل و العربية ماشية
مع أنك لو عملت تعجيل مفاجئ (كيك داون ) هاتعمل تسقيط غيار ؟؟؟؟

فأنا بصراحة شايف (رأي شخصي ) بلاش من موضوع تغيير الفتيس و العربية ماشية .
أنا قعدت قرأت كتير على النت و سألت ناس كتيرة و الأغلبية أجمع على التعجيل المفاجئ أفضل من النقل أثناء الحركة .
و في النهاية أحنا الصالح العام لينا كلنا و مش عايزين نبوظ حاجة في العربية .
فأيه رأيكم ؟

**farag_alla_83** · 17-10-2011 11:55 AM

كل التحية للكلام الجميل اللي بيتقال أحب أزود رأي شخصي وحاسس انه ممكن يكون برده صح إن السيارة الأوتو مابدورش إلا علي P or N عشان كده برده لو نقلنا على D مشحدور والله أعلم

**killypunto** · 17-10-2011 12:29 PM

المشاركة الأصلية كتبت بواسطة farag_alla_83

كل التحية للكلام الجميل اللي بيتقال أحب أزود رأي شخصي وحاسس انه ممكن يكون برده صح إن السيارة الأوتو مابدورش إلا علي P or N عشان كده برده لو نقلنا على D مشحدور والله أعلم

شكراااااااااااااااااااااا ا فعلا فاتنى الموضوع ده .....معظم العربيات الاوتو ده ان ماكنش كلهم, مش بتدور الا لو على N او P و بعضها لازم تكون دايس فرامل كمان و انت بتنقل من ال D لاى حاجه تانيه

شكراااااااااااااااااااااا اااااااااااااااااا

بس كده للاسف الواحد لو اوتوماتيك و بطلت منه لازم يجرها بقى او يقومها ببطاريه تانيه