الاحتفاظ ولا التغيير

**حماده المصري** · 02-10-2011 08:12 PM

152 الف كيلو و 11 سنه اسنى العفشه يبقى فيها حاجه عدله اساسا كله في الضياع خلاص

انا لو منك لو مش محتاج فلوس في حاجه ممكن اغير لاحسن يبقى اوتوماتك وكده

لو فكره الاوتوماتك او التغيير مش في دماغك اوي او الفلوس محتاجها في حاجه خلاص شد العربيه

العفشه كلها على بعضها تعملها 1500 جنيه بالكتير اوي مساعدين وكبالن وبطاحات وكوبايات وتيش وبارات

وشوف الفرش الداخلي ده بمزاجك من اول 200 جنيه لاحد 1000 جنيه واعلى كمان دي حاجه ترجعلك

وشوف بقى انت محتاج ايه تاني تبقى عايزه للعربيه وتمشي بيها عدل

بس برضو خلي بالك لو العربيه متهانه اوي كده سعرها هقع في البيع الا لو جتلك فرصه تبيعها لحد مش فاهم بس هيبقى حرام عليك تشيله كل الي في العربيه من الافضل انك تشد العفشه والكاوتشاتت والصوت العالي ده مش مشكله ممكن يبقى شكمان طقم سيرفس حاجات بسيطه يعني وتقعد فيها فتره ولما تبيعها تبيعها ماسكه نفسها برضو

**magid1010** · 02-10-2011 08:16 PM

المشاركة الأصلية كتبت بواسطة donzi

دا يتوقف على حاجات كتير اولها هاتغير بمستعمل ولا زيرو و هاتزود قد ايه على تمن العربية و هاتغير تجيب ايه ؟ يعني هاتستفيد ايه من التغيير مجرد موديل احدث ولا زيرو ولا اتوماتيك مثلا ؟؟

و الفرق اللي انت هاتحطو محتاجو في حاجة تانية ولا دا اصلا للعربية ؟ و العربية لو اتظبطت هاتكمل معاك قد ايه على ما تفتح بقها ؟؟؟

معلش اسئلة كتير بس عشان الصورة تبقى اوضح

والله أنا كمان بفكر شكرا لمساعدتك

**adham_gouda** · 03-10-2011 09:24 AM

متشكر جدا على الردود ولاهتمام الجميع وانا حاشوف واحد كويس بتاع عفشة بس هل ممكن المساعدة لميكانيكى كويس علشان صوت الموتور العالى مع العلم انى اسكن منطقة المقطم ومتشكر جدا لمساعدة الجميع واهتمامهم بالرد وتقبلوا تحياتى

**adham_gouda** · 03-10-2011 09:38 AM

بالمناسبة ردود الاخوة الاعضاء على العفشة مظبوط بس اللى مخلينى متردد ان التوكيل قال تمام وواحد ميكانيكى وعفشجى قال قدام حتحتاج بطاحات وواحد عفشجى قال نفس كلام الاخ الفاضل تغيير مساعدين وبطاحات وجلب وحاجات كتيرة الحاجة الغريبة ان مفيش توحد للكلام ودة بيخلى الواحد يفكر ربنا يسهل للخير والاقى انسان امين وواضح فى استبيان العيوب الخاصة بالصوت العالى والاتفاق على موضوع العفشة لان العربية مش متهانة وبحب احافظ عليها اسف انى طولت عليكم ولو حد كويس فى المقطم ياريت اعرفة

**Donzi** · 03-10-2011 09:40 AM

المشاركة الأصلية كتبت بواسطة moustafa_saad

ماشاء الله .......... ماشاءالله

ده انتى بقيتى خبره جامده فى العربيات

عموما لصاحب الموضوع انت بتقول حاتشترى زيرو واوتوماتيك يعنى حتتنقل نقله تانيه وللاحسن جدا
يبقى رائى تغير وتستمتع بحياتك

احم احم
بعض ما عندكم يا فندم و انا كمان بقول يغير العربية افضل

**Donzi** · 03-10-2011 09:44 AM

المشاركة الأصلية كتبت بواسطة magid1010

والله أنا كمان بفكر شكرا لمساعدتك

العفو على ايه

المشاركة الأصلية كتبت بواسطة faraun555

بالمناسبة ردود الاخوة الاعضاء على العفشة مظبوط بس اللى مخلينى متردد ان التوكيل قال تمام وواحد ميكانيكى وعفشجى قال قدام حتحتاج بطاحات وواحد عفشجى قال نفس كلام الاخ الفاضل تغيير مساعدين وبطاحات وجلب وحاجات كتيرة الحاجة الغريبة ان مفيش توحد للكلام ودة بيخلى الواحد يفكر ربنا يسهل للخير والاقى انسان امين وواضح فى استبيان العيوب الخاصة بالصوت العالى والاتفاق على موضوع العفشة لان العربية مش متهانة وبحب احافظ عليها اسف انى طولت عليكم ولو حد كويس فى المقطم ياريت اعرفة

اخويا ساكن في المقطم هسألو و ان شاء الله يطلع عارف حد كويس