قدرالله وماشاء فعل : اول خبطة للعربية

**sameh.acc** · 16-05-2008 01:28 AM

النهاردة الساعة 9 بالليل عند الصينية بتاعة جنينة الحيوانات كنت واقف مستنى الاشارة تفتح واحد بعربية ريتمو لونها ازرق جاى من ورا وقف ورايا قام مشاور عقلة وكان عايز يمشى على طوول بدل مايلف الصينية زنق نفسة ورايا وجة يطلع سمعته حك فى الاكصدام الخلفى من الجنب ببص ولسة هنزل لقيتة جرى بالعربية على طوول قولت اكيد بسيطة ركنت على جنب ببص لقيتة حافر خربوش عميق شوية فى الاكصدام من الجنب وهو بيطلع بطول 10-15 سم كدا دة طبعا غير الحكات الخفيفة اللى جنبة والله اتضايقت اوى من الناس اللى معندهاش ضمير ولا بتراعى ربنا فى الناس اللى طالع عينها فى الفلوس بالأمانة كرهت كل حاجة ساعتها انا مكنتش هدفعة حاجة اساسا والله مهما حصل لانى مأمن كدا خلية ضمية يأنبة بقى دة لوعندة ضمير اساسا ,,,,, قدر الله وماشاء فعل والحمدلله على كل شىء الحمدلله مأمن بس طبعا مش هروح اعملة دلوقتى التأمين هيعتبرها حادثة وممكن يسمكر ويرش الاكصدام ويفرق فى اللون او يغيره خالص وكدا لولاقدر الله حصل حادثة تانية خلال السنة هيكون فية نسبة تحمل علشان كدا عملتها بالبولش معادا الخربوش العميق منفعش هركب علية باكيتات لانة مكانهم بالظبط ,,,,,,,, فية حاجة اتعلمتها من الموضوع دة نصيحة اخ الباكيتاااااااااااااااااا اااااااااااااااااات مهمة جدااااااااااااااااا والله لو كان فية باكيتات مكانش دة حصل وكان الموضوع رسى على باكيتة شيلتها ورميتها الحمدلله على كل شىء والحمد والشكر ليك يارب

**ASD peugeot** · 16-05-2008 01:39 AM

قدر الله وما شاء فعل الحمد لله انها بسيطه و اهم حاجه سلامتك
انت بس حرص شويه لان الطريق محتاج منك تفكير في كل حاجه تيجي علي بالك و اللي ميجيش في بالك هو انا هقولك علي اللي بيحصل
انا الحمد لله لغايه دلوقتي ربنا سترها وربنا يسترها مع الجميع

**hazem_khidr** · 16-05-2008 04:46 AM

قدر الله و ما شاء فعل
و ان شاء لله حترجع زي الاول و احسن
بس سيبها شويه تاخد عينها

**mahamedaraby** · 16-05-2008 05:26 AM

ده حال اى عربيه زيرو فى مصر

بجد لازم لازم لازم اكيد يعنى ان العربيه تتخدش معرفش بيقول عين ولا ايه انا معرفش بجد نفسى اعرف ايه سبب الحكايه دى

وقدر الله وماشاء فعل ومتزعلش وربنا يعوضك خير ان شاء الله