معايا 60 الف وعايز عربيه زيرو..تنصحوني بأيه؟

ياجماعه انا معايا 60 الف وعايز عربيه جديده زيرو....
انا كنت ناوي عالمستعمل بس انا عايز اركب حاجه زيرو واريح دماغي..
بس عايز عربيه قويه وحلوه واقتصاديه في البنزين وشكلها شيك..
وعربيه بتستحمل لأني ممكن اسافر بيها اسكندريه مرتين في الشهر بس مش دايما ...
وعاوز سعر اعاده بيع جيد جداااااا...ووقت ما أقول يابيع الاقي لها نصيبها...
واهم حاجه اسعار قطع الغيار والصيانه في المعقول...
والأهم طبعاااااااااااا توكيل محترم محترم محترم عشان مش غاوي وجع دماغ ..
اسف للأطاله...بس انا تعبت وعايز اخلص في موضوع العربيه :( وان شاء الله هعمل اللي هتقولو عليه...
والله الموفق.....وشكرا :)

هات افيو و قسط ال 13 باكو

والله لو ينفع تقسط هات ياريس
لكن لو كاش خليك فى المستعمل

اللحق اللانوس يا sammor
واتصرف فى الباقى .. او اقسطهم

اللانوس هى حل المعادلة فى الفئة دى ... بس ادعى ربنا يديمها نعمة ويحفظها من الزوال

هي الانوس بس مش موفره

انا متشكر جدااااا ياجماعه على الرد والشتراك بس انا مش هقدر ادفع قرش واحد تاني...
وبعدين الانوس والأفيو عربيات حلوه اه بس تاكل بنزين وانا عاوز حاجه صغيره يعني اقصاها 1300 cc رغم اني عارف انو ما فيش 1300 محترم بالسعر ده..
فياريت لو في حاجه 1000cc او 1100cc او1200cc
معلش انا بتقل عليكم بس بصراحه انا اتخنقت من المستعمل والبنزين وعايز حاجه زيرو..
واقتصاديه في البنزين..وشكرا

انا عندى ليك عربيه هديه بس تزود 1000 جنيه

كيا بيكانتو

انا شايف ان العربيه دى حيكون ليها شأن كبير الفتره القادمه

ana m3rfsh bs hdelk nse7a ab3d 3n el hyundai verna l2nha by2olo bt2lb 3ala el sr3at el 3lya asle
ana 7bet 22olk 3ala asas hya b 65


anta momken tgeb kia pikanto
aw spranza 1600 cc

aw lada b2a

شكرا لكل من اهتم ورد وفعلا البيكانتو عربيه حلوه واسمع انها عمليه وجميله...
شكرا ياأبو شريف..
ومستني اراء باقى الأعضاء:)

ايه ياجماعه فين باقى ردود الأعضاء :dunno::whistling:

لما قريت العنوان
داخل علشان اقول
كيا بيكانتو
بس لقيت الشباب قام بالواجب:)
عربيه ممتازه و موفره و توكيل محترم و 2008 شكلها تحفه الصراحه.
او هيونداي i10
نفس البيكانتو كموتور و شاسيه لكن شكل مختلف و توكيل مش بقوه توكيل كيا ابدا

الف شكر ليك ياحازم هى البيكانتو عاجباني فعلا جدا جدا....
بس انا سمعت ان السبارك الموتور بتاعها زي كيا في الهورس باور...
فهل بكده يبقى السبارك افضل من حيث السعر ولا الكيا ...
مع العلم انا لا ركبت دي ولا دي...

كيا بيكانتووووووووووووووووووو ووووووووووووووو
مفيش إختيار غيرها
وبعاً متنساش صلاة الإستخارة
والله المستعان

ِa11 هاف أوبشن - ويا سلام لو كسر زيرو === أو لانوس كسر زيرو

اقتباس:

---

وبعدين الانوس والأفيو عربيات حلوه اه بس تاكل بنزين وانا عاوز حاجه صغيره يعني اقصاها 1300 cc رغم اني عارف انو ما فيش 1300 محترم بالسعر ده..

---

اية يا sammor انت هاتعمل ذى الناس اللى مش فاهمة و بتاخد بالاشاعات و الانطباعات ..دة انت راجل خبرة دلوقتى

اللانوس عربية استهلاكها للبنزين فى الطبيعى خالص وبعدين اللى هاتصرفة سنة فى البنزين هاتوفرة فى قطعة واحدة من قطع غيارها
يعنى ممكن اقولك عشر عربيات 1000 cc موفرة جداً فى البنزين .. بس هاتغير فيها حاجة واحدة بمشى سنة من بنزين اللانوس

ولو ماظبتش معاك تمنها شوف كسر زيرو لها برضو هايببقى تمام
الببكانتو حلوة وكل حاجة بس ماتنفعش عائلية خالص

فكر واوزنها و استخير .. وربنا معاك

لو عربيه صغيره هات البيكانتو ولو حبيت التميز " شكل عربيه مميز " هات i 10

اما لو عاوز سيدان فانا ارشح الفيرنا بعد اذنك ياسيات لافر :oops:

رأيي الشخصي هات لانوس عربيه معروفه ومتجربه وليها سمعتها وسعر اعاده بيعها ممتاز

i like i10

يص حضرتك :
انا شايف الكيا عربية حلوة وتوكيل كويس قوى
انما لو انت بتدور على عربية عائلية . يبقى الانوس خلوة واستهلاكها فى البنزين عادى وقطع غيار موجودة وسعرها كويس .

ممكن i10 او لو تقدر تزود 1000 و تجيب picanto half option او زود 4000 وجيب picanto full option .

بجد انا متشكر جدااااااا ياجماعه على تفاعلكم وردكم عليا....
وشكر خاص للمهندس عمرو على نصيحته الغاليه...
انا هستخير ربنا وهرد عليكم باللى ربنا وفقني ليه ان شاء الله...
والف الف شكر لأعضاء منتدى نايل موتورز...

سوزوكى التو 1100 عربيه ممتازه جدا وبستخدم فى السعوديه فى التوصيل وطول النهار لف فى الحر وشغاله كويس جدا

ممكن تاخد نوبيرا موديل 2006 مثلا بالمبلغ ده بحاله ممتازه جدا وهى فعلا عربية جميله ( المانيوال )
وفيها كل اللى انت عاوزه