عرض للطباعة
كنت عايز اعرف هل الميجان سيدان احسن و لا ميجان هاتش باك و لا متفرقش خالص
و هل المواصفات واحده و لا ايه الفرق
انا كنت بسمع ان الهاتش باك ثبات و اعتماديه اكتر من السيدان و ده مش ف الرينو بس لا ده تقريبا في اي عربيه هاتش باك
رجاء الافاده حيث نويت علي شراء الميجان ولا اعرف ما هو الاحسن
ياريت حد يرد , انا عايز اشتري و مش عارف اختار ايه
الفرق ان الهاتش باك تقفيل فرنسى والسيدان تركى والاعتمادية والثبات واحد لان العربية هى هى فى العفشة والماتور وكل حاجة فرق التقفيل فقط .....
الموضوع ده قتل بحثاً قبل كدة وممكن تدور عليه في الموضوعات القديمة على المنتدى هنا.
عموماً الهاتشباك تقفيل فرنسى وهو اعلى شوية من التقفيل التركي للسيدان والثبات كمان اعلى شوية زي اي هاتشباك بس الفروق مش كبيرة اوي ومساحة الكراسي الخلفية تقريبا واحدة والشنطة اكبر في السيدان بس برده مش الفرق الفظيع. الشكل بقى دي بتاعتك انت ( انا بفضل الهاتشباك:)
اهم حاجة الحالة العامة للعربية سواء كانت سيدان او هاتشباك وتكشف عليها في مكان محترم
الهاتش باك
ممكن لينك للفروقات ديه اصل م عارف اجيب
حضرتك ناوى على زيرو و لا مستعمل ؟؟
الميجان ii ....الهاتشباك فرنساوى و السيدان تركى
الميجان iii ...حتى الهاتشباك أصبحت تركى ( النسخة المبيعة فى مصر )
انا ناوي علي مستعمل ميجان2 بس كنت عايز اعرف ايه الاحسن و انا ميال الهاتشباك و كنت عايز اعرف اخر موديل نزل في الهاتشباك ميجان2 سنه كام و شكرا
أنا إللى أعرفه إنه 2008
بس مرة شفت عربية فى تعديلات 2009 هاتشباك....لكن حصلت مرة...و ممكن يكون صاحبها هو إللى مغير شبكة التهوية العلوية و أضاف الحلية الكروم فى الشبكة السفلية و غير الفوانيس بالتانيين ذوات الخلفية المدخنة....
الفروق بين السيدان و الهاتشباك..طفيفة للغاية...زى الكراسى أطرى شوية فى الفرنساوى و تنجيد السقف أمتن شوية
لكن الصالون فى اتساعه واحد
الفرق فى المساحة موجود و أبصم بال 20 صباع عليه ..فى الشنطة
شنطة السيدان ممكن تحط فيها الكاوتش بتاعك.....
لكن الهاتشباك..تسلم على الفرد القديمة و هى على الأرض فى محل الكاوتش لإن عمرها ما تدخل فى الشنطة
فى الاستجابة و السحب..فى الطلعة الأولى..الهاتشباك أخف بشكل طفيف...
على الطرق المفتوحة..مافيش فرق
بس الهاتشباك نادرة و بالذات من 2007 و إنت طالع..اتباعت زيرو قليل..و إللى جايبها و عارف قيمتها و بيحافظ عليها مش هايفرط فيها بسهولة....أقل واجب يوم ما تطلب معاه تغيير عربية هايديها لواحد معرفة
فإنك تلاقى هاتشباك صعب..و كمان هاتشباك بعد 2007 ..صعب أوى
السيدان أكثر عرضا بكتير,,,و الأهم العربية إللى حالتها كويسة..بغض النظر