جنوط وكاوتشات جديدة وممكن نعدل الفرامل بالمرة

انا عندى الجنوط خلاص جابت اخرها وفردتين كاوتش كمان فقررت اغير الجنوط و الاربع فرد كاوتش وابدأ على نضافة :))))))))

وسمعت هنا عن تعديل لفرامل اللانوس بفكر برضه اعمله وبجملة المصاريف

المهم دلوقتى انا كان راكب عندى الجنوط ال 13 بتاعت العربية وكاوتشات بريدجستون وكنت عاوز اعمل list بالحاجات اللى محتاجها عشان اعمل ميزاينية للموضوع ده

1- 4 فرد جنوط 14 (لسه هاشوف الانواع والاسعار)
2- 4 فرد كاوتش 14/60/185 زى ما الناس بتنصح فى المنتدى
3- ................................ (مش عارف محتاج ايه تانى عشان تعديل الفرامل)


ياريت لو حد عمل الموضوع ده قبل كده يقولى جاب ايه واتكلف كام

شكرا

ماستر فرامل عمومى نوبيرا
طنابير سبيرو \ لانوس 1600\ اوبل فكترا A
كالبرات سبيرو \ لانوس 1600 \ اوبل فكترا A
طقم تيل فرامل نوبيرا لو جبت كالبرات سبيرو او لانوس او طقم تيل فكترا A لو جبت كالبرات فكترا A
علبة زيت فرامل

الماستر هيعمل 450 و الطنابير حوالى 300 و الكالبرات 200

MMamdouh

يعنى 450+300+200 = 950 ونقول كمان 100 مصنعية يعنى 1050 ولسه التيل وعلبة الزيت
مممم شكلها كده هتوسع :(

طيب هوانا ينفع اركب الجنوط ال14 من غير ماغير حاجة وعلى الشهر الجاى مثلا اجيب الحاجات دى

ويا ريت تقولى اجيبهم منين عشان حاجات الاسبيرو واللانوس 1600 حاسس انى مش هلاقيها بسهولة

وشكرا ليك يا كبير

اقتباس:

---

المشاركة الأصلية كتبت بواسطة mmamdouh

ماستر فرامل عمومى نوبيرا
طنابير سبيرو \ لانوس 1600\ اوبل فكترا a
كالبرات سبيرو \ لانوس 1600 \ اوبل فكترا a
طقم تيل فرامل نوبيرا لو جبت كالبرات سبيرو او لانوس او طقم تيل فكترا a لو جبت كالبرات فكترا a
علبة زيت فرامل

الماستر هيعمل 450 و الطنابير حوالى 300 و الكالبرات 200

mmamdouh

---

الله ينور عليك
1- معني كلامك ان أي نوع كالبر يركب علي اي نوع طنابير من المكتوبين
2- هل الطنابير فيه منها جديد في ال 3 أنواع؟
3- طبعا الكالبرات مفيش منها جديد...طيب ايه المتوافر أكتر ويكون أجدد المستعمل ؟

تيل النوبيرا الاصلى ب 160 و تيل الاوبل الريمسا فى نفس الحدود او اقل

ينفع طبعا تركب الجنط ال14 بدون ما تعدل اى حاجة فى العربية

اللى متلاقيهوش سبيرو هاتة اوبل... الاوبل اكتر بكتير... و الماستر العمومى مفيش فيه اى مشكلة

MMamdouh

منتا ممكن تعمل التعديل من غير ما تشترى الماستر و تاجله لغايه ما يجيلك الفلوس

بس انصحك بانك تعمل كله مره واحده يعنى خلص موضوع الجنوط و هاتها كويسه - علشان متحسش ان الفلوس هتخلص و تجيب حاجه اى كلام - و بعد كده عدل الفرامل براحتك

خلاص انا هاجيب الجنوط والكاوتشات دلوقتى وبعدين اعمل موضوع الفرامل بعدين
خصوصا ان لاقيت الجنوط الاندونيسى ب 1200 والكواتشات البيريللى ب 1680
يعنى 2880

بس عاوز اتاكدمافيش نوع جنوط معين يبقى انسب من غيره يعنى اى جنط وخلاص
وعايز اتاكد كمان من مقاس الكاوتش 14/60/185

شكرا

مقاس الكاوتش مضبوط

MMamdouh