كام واحد فى المنتدى معاه فلوانس
انا عايز اعمل احصائية كده اشوف كام واحد فى منتدى نايل موتورز عنده فلوانس لانى فى الحقيقة انا عرفت ان رينو مصر بتبيع حوالى 3000 عربية فى السنة من الفلوانس فتفتكروا الاعضاء اللى فى المنتدى يمثلوا قد ايه من المبيعات اللى حصلت للعربية منذ 2010 وحتى الان لان ده ممكن يوضح مدى تاثير المنتدى عل نجاح او فشل جزء من مبيعات السيارات فى مصر خاصة ان العضو الواحد لما بيدى رايه سلبى فى عربية عقبال ما يتنقل الكلام من واحد لاخر بيوصل لحد عدد 250 واحد بكلام مختلف تماما عن اللى قالوا الشخص الاصلى
وده يخلى التوكيلات تعمل حساب لقوة اعضاء المنتدى لان سمعتهم مرتبطة بانتقال كلام من الاعضاء الى اصدقائهم واقاربهم وعملهم ايضا عشان كده احنا لازم يكون لينا تاثير فى حالة لاقدر الله وجود اى شكوى من الاعضاء لدى احد التوكيلات بصفة عامة و eim بصفة خاصة للاعضاء ماكلى سيارات رينو بكافة انواعها
انا عارف ان توكيل eim سمعته كويسة جدا من تجارب الاعضاء لكن لازم يكون للمنتدى دور فى تغيير فكر المصريين عن سيارات رينو وسمعتها اللى باظت بسبب عربية واحدة من عربيات رينو وهى الميجان
لو كل واحد قال لاصدقائه عن جودة السيارات الرينو الان وخدمة مابعد البيع بطريقة مقنعه اكيد ده فى خلال عام هيغير فكر ناس كتير عن العربيات الرينو
يعنى من الاخر فكرة الاشاعات العنكبوتية بس فى الحالة دى هنقول الحقيقة مش اشاعات لاسمح الله ويمكن ده يكون سبب فى بقاء اسعار عربيات كل الاعضاء فى المنتدى على حد امن زى بقيت العربيات فى فئتها عند البيع نتيجة تغيير السمعه وزيادة الطلب على العربية مقابل نقص العرض نتيجة احتفاظ الاعضاء بعربيتهم لجودتها الفعلية
ده مجرد اقتراح وبداية قد يكون لها اثر على مستقبل سمعه صانع فرنسى فى مصر زى رينو
وشكرا