عيوب ومميزات تيوتا كرولا 2012

**Dr.M.Mowafy** · 02-10-2011 01:49 AM

سلا م عليكم
السؤال باين من الموضوع
ياريت الرد وجزاكم الله خيرا جميعا

**omar-saad** · 02-10-2011 01:58 AM

العيوب
من وجهة تظرى الشخصية
العربية غالية جدا مقابل كماليات اصبحت معتادة وفقيرة جدا بالنسبة للمنافسين
اعادة سعر البيع بقت بتنزل جدا بعكس موديل 2007 اللى لسة لحد النهاردة بيتباع بتمنه زيرو
انتا ممكن تدور على بدايل تانية احسن بكتير من الكورولا
زى الفيلونس تحفة فعلا وفيها ثبات وهاندليج جميل وغير الاوبشنز الكتيييير اللى فيها فى اعلى فئة
او فورد فوكاس فى خصم هايل على الهاى لاين
او تزود شوية تركب اسكودا او جيتا
وكل العربيات اللى ذكرتها احسن من التويوتا بوجه عام
وربنا يوفقك للخير

**Dr.M.Mowafy** · 02-10-2011 02:56 AM

طيب بالنسبه لاستهلاك البنزين مين احسن واحده فيهم
وجزاك الله خيرا

**party_0000** · 02-10-2011 03:07 AM

سكودا افضل من الجيتا علشان مشاكل فتيس الجيتا
اعتقد الكورولا فعلا سعرها بقا مبالغ فيه قوي

**medo_sirion** · 02-10-2011 03:09 AM

المشاركة الأصلية كتبت بواسطة dr.m.mowafy

طيب بالنسبه لاستهلاك البنزين مين احسن واحده فيهم
وجزاك الله خيرا

التيوتا :b4_388:

**hazimtahaz** · 16-10-2011 12:16 AM

لما الانترا تبقى ب140 ولا 150 الف ودب عربيه كوري ....ومستحيل توصل لجوده الياباني وبالتحديد تويوتا ....يبقى الكورولا سعرها غير ما بالغ فيه في راي.....بصراحه الكوري اوبشن....الكورولا اليباني فقيره فعلا بالاوبشن بس انت بتاخد جوده وعربيه تاااانيه خالص.....موضوع ان الجيتا والسكودا احسن ده....بيعتمد على معايير تانيه خالص....كل عربيه تتفوق على التانيه في حاجات وحاجات....مهي الجيتا هيقولك الفتيس....السكزدا عفشه...وهكذا
يعني السكودا والجيتا بيتفوقوا على الكورولا في الثبات ...الكورولا عفشه احله بكتير واعلى ....استهلاك اقل...وكيل احسن الوحشين....الجيتا برده الماني وعربيه جميله جدا....وهكذا قصدي يعني من الاخر مافيش عربيه احسن في كل حاجه.....حضرتك شوف المميزات والعيوب بتاعت كل عربيه ...وعلى اساسها اختار عربيتك
انا مثلا بعشق السيفك...بس للاسف ما جبتهاش علشان واطيه قوي...ووكيل وقطع غيار وحش جدا جدااااااااااااا...
التويوتا يا باشا معروفه من اقل العربيات استهلاك بنزين في العالم كلو
عارف اني رغيت كتير بس يا رب اكون قدرت اوصلك ازاي تفكر وانت بتتختار تشتري العربيه

**abo_anas** · 18-10-2011 01:36 AM

المشاركة الأصلية كتبت بواسطة hazimtahaz

لما الانترا تبقى ب140 ولا 150 الف ودب عربيه كوري ....ومستحيل توصل لجوده الياباني وبالتحديد تويوتا ....يبقى الكورولا سعرها غير ما بالغ فيه في راي.....بصراحه الكوري اوبشن....الكورولا اليباني فقيره فعلا بالاوبشن بس انت بتاخد جوده وعربيه تاااانيه خالص.....موضوع ان الجيتا والسكودا احسن ده....بيعتمد على معايير تانيه خالص....كل عربيه تتفوق على التانيه في حاجات وحاجات....مهي الجيتا هيقولك الفتيس....السكزدا عفشه...وهكذا
يعني السكودا والجيتا بيتفوقوا على الكورولا في الثبات ...الكورولا عفشه احله بكتير واعلى ....استهلاك اقل...وكيل احسن الوحشين....الجيتا برده الماني وعربيه جميله جدا....وهكذا قصدي يعني من الاخر مافيش عربيه احسن في كل حاجه.....حضرتك شوف المميزات والعيوب بتاعت كل عربيه ...وعلى اساسها اختار عربيتك
انا مثلا بعشق السيفك...بس للاسف ما جبتهاش علشان واطيه قوي...ووكيل وقطع غيار وحش جدا جدااااااااااااا...
التويوتا يا باشا معروفه من اقل العربيات استهلاك بنزين في العالم كلو
عارف اني رغيت كتير بس يا رب اكون قدرت اوصلك ازاي تفكر وانت بتتختار تشتري العربيه

لالالالالالالالالا رغيت ايه دا انت الله ينور عليك

**ranon73** · 19-10-2011 06:49 PM

سلام يا جماعة انا قلت اقول لكم راى عن تجربة انا معايا الان كورولا 2010 اتوماتيك عادى و عن تجربة بعد اوكتافيا جيتا كورولا 2007-1600 سىسى التويوتا الجديدة هائلة فعلا من حيث كل حاجة حتى قطع الغيار للعلم غيار زيت فتيس اوكتافيا حوالى 1300 جم للعلم مشاكل السكس فالف فى جيتا بشعة و تمنة حوالى 14 الف جم مستعمل !!!! بس بردة 2007 - 1600 سى سى كانت قوية جدا بس ثبات الشكل الجديد اعلى و دية تجربة شخصية للعلم

**ahmedsadek82** · 20-10-2011 01:05 AM

السلام عليكم , طبعا سعر الكرولا مبالغ فيه جدا لان بالسعر ده ممكن تركب عربيات عائلية محترمة و مليانة اوبشنز و امان عن الكرولا :
1) فوكس هاي لاين (قطع غيار رخيصة جدا + مواصفات اوروبي من امان و ثبات)
2)فلونس بكمالياتها و توكيلها المحترم + قطع غيار معقولة
3) مازدا 3 هاي لاين ب 158000 ج و فيها كل ما تتمناه + ثبات و عفشة ماتي لنك محترمة
4) هوندا سيفيك اثبت و احلى تصميم من الكرولا و نفس اسعار القطع تقريبا
5) اوكتافيا حبيبة الشعب و اول سلم السيارات المحترمة الفخمة و توفر قطع غيار بأسعا معقولة + مواصفات الاوروبي
ملحوظات هامة : مينفعش نستهون بالثبات بتاع العربية على اساس انه كمالية لان الثبات ده ممكن لا قدر الله يضيع يعني متقوليش اصل الكرولا حلوة بس بتعوم لأ التعويم ده كارثة + مينفعش ندفع 160000 ج في عربية من جوة ولا الميكروباص دي ال2011 هه ! , في حد ادنى من النستوى في التجهيزات للفئة السعرية اعالية ديه ! , ميزة كرولا في مصر و دي انا شايفها الميزة الوحيدة هي سعر اعادة البيع و ديه مابقتش زي الاول في الموديلات من اول 2008 ,, فكر في كلامي و اسألني عن اي تفاصيل.