عاوز مكان كويس للترصيص في مدينه نصر

**ASD peugeot** · 16-05-2008 02:15 AM

انا عاوز مكان كويس في مدينه نصر اظبط زوايا و اتزان وارصص العجل
انا كنت عملت الموضوع ده من فتره و بعدها العربيه بقت كويسه بس دلوقتي الدركسيون فيه رجرجه كبيره علي سرعه 100 و بتزيد لما بمسك فرامل و الدركسيون تقيل بالرغم اني بشحم علي طول .
العجل بيطلع صوت زي صفاره في الملفات بالرغم اني باخد الملف بالراحه بس ده عيب زوايا..
المهم عاوز مكان كويس يكون في مدينه نصر قريب من المعهد بتاعي في مكرم عبيد و السعر ايه للعجله و مكان موثوق منه عن تجربه و اسعار كويسه اهم حاجه دنا غلبان 2000 سي سي يا عالم

**Nader** · 16-05-2008 02:20 AM

انزل على بريدجستون في كالتكس عباس العقاد.

السعر بقى حراق شوية ... بس شغل نضيف.

عاوز تسترخص انزل الحي السابع روح عند مطعم ابو رامي

اللي امام الموقف وادخل من عندة يمين وادخل بعد كدة من عند

اول تقاطع يمين في يمين وامشي شوية هتلاقي ورشة اسمها

ضبط زوايا واتزان وجنبها ميكانيكي وكهربائي ومحل اكسسوارات.

**casper2010** · 16-05-2008 02:21 AM

1- مركز بريدجستون - عمارات العبور ... دا ظبطلتي العربية في الترصيص بعد ما كانت بتغربل علي 90 باجيب 120 و ما بتغربلشي الحمد لله
مركز شكله نضيف جدا جدا و المعاملة راقية في وسط عمارات العبور تقريبا

2- ( الدركسيون تقيل ) هما في ظبط الزوايا بيخفوا او بيتقلوا الدركسيون -

**sammor_28** · 16-05-2008 02:24 AM

بقولك انت كاتب انك من شبين القناطر ....
يعني ممكن تأخد طريق مشتول وتطلع على الزقازيق عند واحد اسمه سيد شيبوب..
اعتقد ممكن تكون سمعت عنه.. ده استاذ في ظبط الزوايا والترصيص عن تجربه 8 سنين..
لو بعيد عليك في واحد في مشتول بس الله وأعلم بيه بس الناس بتقول كويس..
والله وأعلم..ارجو اني اكون قد افدتك انا عارف انك عايز في مدينه نصر بس انا قولت عاللى اعرفه

**Nader** · 16-05-2008 02:25 AM

شوف يا محمد كدة عندك 3 بيدجستون في دقيقة واحدة:)

خلاص روح لبريدجستون بقى:)

**ASD peugeot** · 16-05-2008 02:32 AM

المشاركة الأصلية كتبت بواسطة sammor_28

بقولك انت كاتب انك من شبين القناطر ....
يعني ممكن تأخد طريق مشتول وتطلع على الزقازيق عند واحد اسمه سيد شيبوب..
اعتقد ممكن تكون سمعت عنه.. ده استاذ في ظبط الزوايا والترصيص عن تجربه 8 سنين..
لو بعيد عليك في واحد في مشتول بس الله وأعلم بيه بس الناس بتقول كويس..
والله وأعلم..ارجو اني اكون قد افدتك انا عارف انك عايز في مدينه نصر بس انا قولت عاللى اعرفه

انا فعلا من شبين القناطر بس علي طول اتجاهي دايمان للقاهره الزقازيق يعني الشرقيه ايه اللي هيوديني هناك في مكان مش عارف فيه اي حاجه

**Nader** · 16-05-2008 02:45 AM

في البنزينة نفسها يا محمد.

-

-

-

الموضوع: عاوز مكان كويس للترصيص في مدينه نصر

LinkBack

أدوات الموضوع

عرض

عاوز مكان كويس للترصيص في مدينه نصر - انشر الموضوع فى :

-

-

-

-

المواضيع المتشابهه

عاوز مكان كويس اخد كورسات انجليزى

افضل مكان للترصيص

فين احسن مكان للترصيص فى اسكندرية ؟

حد كويس للترصيص وضبط الزوايا في دميااط

عاوز اعرف مكان جيم كويس

الكلمات الدلالية لهذا الموضوع

المفضلات

المفضلات

ضوابط المشاركة