تخفيض جمارك السيارات ذات المنشأ الأوروبى

**Rsarabia** · 03-10-2011 02:42 PM

التخفيضات دى مش هنحس بيها ابدا فى الفئات الصغيرة اللى هى 1600 سى سى و انتا نازل
عشان تحس فعلا بتخفييضات بص على العربيات الفارهة هى اصلا بكام و بتنزل بكام و مع التخفيضات هتبقى بكام بس مش هنستفيد حاجة لان محدش مننا معاه بورش او مازيراتى

**Omar_H** · 03-10-2011 03:42 PM

أدي دقني لو فيه عربية رخصت جنيه ... و هو هيفضل الوضع ده كل سنة كده العربيات الجديدة سعرها يا زي ما هو يا بتغلى على اساس إن نسبة التخفيض في السنة دي حاجة بسيطة قوي فا التوكيلات تستهبل يعني لحد ماهيعدي ال 10 سنين و ميبقاش فيه جمارك و اسعار العربيات زي ما هي ... من يوم ماتولدنا مشفناش حاجة رخصت في البلد دي

**BMW5260** · 03-10-2011 11:02 PM

كله ضحك على الدقون وعالم مين يعيش لــ 2019 يكونوا إخترعو 100ألف وسيلة وضريبة تعوض الجمارك

**raedegypt** · 06-10-2011 03:25 AM

المشاركة الأصلية كتبت بواسطة year183

أكد أحمد فرج سعودي رئيس مصلحة الجمارك أنه سيتم اعتبارا من يناير المقبل تطبيق التخفيض التدريجي الثاني على الرسوم الجمركية للسيارات الأوروبية بنسبة 10 % لتكون مصر قد خفضت شريحتين منذ بدء تطبيق اتفاقية الشراكة مع الاتحاد الأوروبي.
وأشار سعودي إلى حرص مصر على تطبيق اتفاقية الشراكة مع الاتحاد الأوروبي بخطى ثابتة برغم الظروف التي تمر بها البلاد حاليا.

عفوآ الدنيا تغيرت وناس كثير راحت انت لسه قاعد انت والشله.... اتمنى من كل قلبى اقصاء هذا الجهاز الفاسد بجهاز اخر بناس تانيه وفكر جديد وقواعد وشفافيه .... ملايين تسرق من وراء هذة المافيا .