صيانتى مع الانترا 2007

**bigheart35045** · 02-10-2011 05:43 AM

من اسبوعين اشتريت و الحمد لله النترا 2007 اتوماتيك بس كانت محتاجة شوية ضبط
تغيير الكبالن و طبعا مش صينى و سعرهم 650 جنيه
عمل طقم صيانة كامل أو حشو مش فاكر اسمه بالضبط وتكلف 350 جنيه
شراء كف مرايا جانبية يمن اصلى 100 جنيه
ضبط الصليبة اسفل قطمة الدريكسيون 50 جنيه
فك الريادتير و غسله واعادة توصيل التكييف الساخن فى السيارة لانه كام ملغى التكلفة 60 جنيه
مصنعية 100 جنيه
والميكانيكى قالى ان العربية محتاجة 2 مساعد امامى و قالى ان سعرهم 550 جنيه وانا اتأكدت من السعر ده

**HOSSAM99** · 02-10-2011 05:51 AM

ألف مبروك علي حضرتك العربيه
و ربنا يحفظها و يحفظك
يا ريت أماكن بيع قطع الغيار و الصنايعيه و خطوات غسيل و تغيير مياه الرياداتير
و بالتوفيق

**Hacker5** · 02-10-2011 02:31 PM

الف مبروك يا باشا ربنا يباركلك فيها و يكفيك شرها
و حضرتك حطيت زيت موتور ايه ؟

**bigheart35045** · 04-10-2011 02:28 PM

الصناييعية كانوا فى منطقة ارض اللواء منطقة فيها كل الصنايعية فيهم اللى بيفهم و منهم اللى على قده , بس الصراحة العفشجى اسمه ابراهيم ولد محترم جدا وعنده ضمير و فاهم شغله كويس وهو اللى راح اشترى الحاجة من وسط البلد من شارع شامبليون اصله كان شغال هناك وعارف كل المحلات واسعارها وانا اتأكدت من اسعار قطع الغيار اللى اشتارها عشان اتأكد من صدقه و فعلا اسعاره كويسة ده حتى كمان كان بيفاصل الاسعار مع المحلات علشانى مع انى اول مرة اتعامل معاه
بالنسبة لغسيل الريادتير فى ورشة جنبه مباشرة بتاع تكييف هو اللى وصل التكييف السخن عشان صاحب العربية كان لاغيه مش عارف ليه كل اللى عملى خرطومين توصيل و4 قفيز و شكرا بالمرة قلت ليه اغسل الريادتير فكه الصراحة مقرف شوتين عشان لازم يفك الشبكة الامامية و السربنتينه وشغلانة
المهم فكه وغسلة بالماء والصابون من الداخل والخارج وشكرا طبعا معرفش يخرج المياه اللى فى الدورة داخل المحرك وده ما عجبنيش عشان انا كنت عايز اغسل الدورة كلها المهم كان طالب 100 جنيه كلمت ابراهيم العفشجى خلاهم 60 جنيه وكان مرضى و اسمه يحيى
على فكرة صحيح الكبالن لما تتحل زيت الفتيس بينزل فلازم تزوده ابراهيم قالى غيره احسن روحت محطة بنزين موبيل و اشتريت 4 عبوات زين فتيس اتوماتيك الواحدة لتر بـ 25 جنيه وحطهم فى الماكنة وحسيت بفرق رهيب فى سحب العربية . سبحان الله
مشكلة حصلت بعد ما خلصنا شغل استمر 12 ساعة فؤجنا بلمبة الباور منورة و مش عايزة تطفى قالى روح شارع العشرين فى فيصل فيه واحد هناك متخصص عربيات انجكشن وعنده جهاز كمبيوتر ها يفرمت الكمبيوتر وهتبقى تمام واسمه احمد السمانى رحت هنا تانى يوم قالى عليك وعلى التوكيل يا ريس !!!!!!!!!!!! المهم رحت الوكيل المعتمد اللى فى شارع الميثاق بمدينة نصر خلف سوق الحى الثامن واسمه كارفان بجوار بنزين الغاز الصراحة محترمين جدا من حيث الخدمة واماكن الانتظار ودى اول مرة ادخل فيها اى توكيل سيارت فى حياتى بعد توكيل شركة النصر عشان اصلح عربيتى الشاهين المهم مكان انتظار مكيف كراسى جيدة جدا تلفزيون كبير بوفيه شبكة واى فاى بس كانت عطلانة اليوم ده بس دخلت على شبكة تانية كنت لقطها و فى خلال ساعتين استلمت العربية ودفعت 66 رسوم الكشف فقط واللمبة طفت والحمد لله . ثانى يوم لقيت العربية بتسقف كأننى حاطط فيها بنزين 80!!!!! رحت على ميكانيكى فى الحى العاشر متخصص قالى نكشف على البويجهات وجدتها سيئة جدا جدا غيرتها بـ 50 جنيه يابانى بس الصوت التسقيف موجود بس بسيك وعلى سرعة 40 - 60 لو حد يفيدنى فى الموضوع ده
اسف جدا جدا على الاطالة
الطريق الى المنطقة فى ارض اللواء:
شارع جامعة الدول العربية يكون فرغلى على يمينك هتلاقى مطلع كوبرى اطلعه و انزل المنزل اليمين بعد نهاية المنزل هتلاقة صنايعية كتير على الشمال اسأل على ابراهية العفشجى

**Hacker5** · 04-10-2011 03:29 PM

المشاركة الأصلية كتبت بواسطة bigheart35045

الصناييعية كانوا فى منطقة ارض اللواء منطقة فيها كل الصنايعية فيهم اللى بيفهم و منهم اللى على قده , بس الصراحة العفشجى اسمه ابراهيم ولد محترم جدا وعنده ضمير و فاهم شغله كويس وهو اللى راح اشترى الحاجة من وسط البلد من شارع شامبليون اصله كان شغال هناك وعارف كل المحلات واسعارها وانا اتأكدت من اسعار قطع الغيار اللى اشتارها عشان اتأكد من صدقه و فعلا اسعاره كويسة ده حتى كمان كان بيفاصل الاسعار مع المحلات علشانى مع انى اول مرة اتعامل معاه
بالنسبة لغسيل الريادتير فى ورشة جنبه مباشرة بتاع تكييف هو اللى وصل التكييف السخن عشان صاحب العربية كان لاغيه مش عارف ليه كل اللى عملى خرطومين توصيل و4 قفيز و شكرا بالمرة قلت ليه اغسل الريادتير فكه الصراحة مقرف شوتين عشان لازم يفك الشبكة الامامية و السربنتينه وشغلانة
المهم فكه وغسلة بالماء والصابون من الداخل والخارج وشكرا طبعا معرفش يخرج المياه اللى فى الدورة داخل المحرك وده ما عجبنيش عشان انا كنت عايز اغسل الدورة كلها المهم كان طالب 100 جنيه كلمت ابراهيم العفشجى خلاهم 60 جنيه وكان مرضى و اسمه يحيى
على فكرة صحيح الكبالن لما تتحل زيت الفتيس بينزل فلازم تزوده ابراهيم قالى غيره احسن روحت محطة بنزين موبيل و اشتريت 4 عبوات زين فتيس اتوماتيك الواحدة لتر بـ 25 جنيه وحطهم فى الماكنة وحسيت بفرق رهيب فى سحب العربية . سبحان الله
مشكلة حصلت بعد ما خلصنا شغل استمر 12 ساعة فؤجنا بلمبة الباور منورة و مش عايزة تطفى قالى روح شارع العشرين فى فيصل فيه واحد هناك متخصص عربيات انجكشن وعنده جهاز كمبيوتر ها يفرمت الكمبيوتر وهتبقى تمام واسمه احمد السمانى رحت هنا تانى يوم قالى عليك وعلى التوكيل يا ريس !!!!!!!!!!!! المهم رحت الوكيل المعتمد اللى فى شارع الميثاق بمدينة نصر خلف سوق الحى الثامن واسمه كارفان بجوار بنزين الغاز الصراحة محترمين جدا من حيث الخدمة واماكن الانتظار ودى اول مرة ادخل فيها اى توكيل سيارت فى حياتى بعد توكيل شركة النصر عشان اصلح عربيتى الشاهين المهم مكان انتظار مكيف كراسى جيدة جدا تلفزيون كبير بوفيه شبكة واى فاى بس كانت عطلانة اليوم ده بس دخلت على شبكة تانية كنت لقطها و فى خلال ساعتين استلمت العربية ودفعت 66 رسوم الكشف فقط واللمبة طفت والحمد لله . ثانى يوم لقيت العربية بتسقف كأننى حاطط فيها بنزين 80!!!!! رحت على ميكانيكى فى الحى العاشر متخصص قالى نكشف على البويجهات وجدتها سيئة جدا جدا غيرتها بـ 50 جنيه يابانى بس الصوت التسقيف موجود بس بسيك وعلى سرعة 40 - 60 لو حد يفيدنى فى الموضوع ده
اسف جدا جدا على الاطالة
الطريق الى المنطقة فى ارض اللواء:
شارع جامعة الدول العربية يكون فرغلى على يمينك هتلاقى مطلع كوبرى اطلعه و انزل المنزل اليمين بعد نهاية المنزل هتلاقة صنايعية كتير على الشمال اسأل على ابراهية العفشجى

مبروك يا باشا
بالنسبة للتسقيف ممكن يكون البوجيهات الجديدة مش كويسة او واخدة رطوبة
انا دايما بجيبها من التوكيل و حتى السن بتاعها اعلى شوية من البوجيهات اللى فى السوق
او السبب التانى يكون البنزين اللى فى التانك مغشوش
استنى لما تخلص التانك و حط بنزين من محطة محترمة و جرب
و ياريت بالمرة تحط منظفة دورة البنزين من محطة موبيل اسمه mobile stp بحوالى 27 جنيه تقريبا
اما بالنسبة لغسيل دورة التبريد فى الردياتير دى بتتعمل فى المحطات انا عملتها فى محطة شل اللى شارع احمد عرابى ممتازة جدا و العربية نزلت بلاوى من الخراطيم و الردياتير و العربية بعدها فاقت و شغلهم نضيف الصراحة
و ياريت تقولنا على اسعار القطع اللى حضرتك مركبها
و مبروك العربية