سؤال عن موتور d15b كربراتير مزدوج

**ahmedhonda** · 02-10-2011 09:45 AM

كنت عاوز اعرفوتور رايكم اية فى الموتور d15b كربراتير مزدوج عاوز اسقطة فى عربيتى بس عاوز اعرف هو قوتة كام حصان؟ وسعرة يعمل كام؟ وتكلفة تركيبة كام؟ ويا ترى يركب على نفس عفشة وفتيس الكربراتير الواحد ؟

**No Comment** · 02-10-2011 02:46 PM

الـ D15B يتراوح القوة الحصانية ليه ما بين 105 حصان لـ 130 حصان .
الـ 130 حصان بيطلعوا بـالـ V-tec أو بالدابل كربراتير .
أما السينجل كربراتير فبيطلع 105 حصان .
سعره بيتراوح ما بين 3500 و4500 والله أعلم .
تكلفة تركيبة متهيألى دى تقديرية للصنايعى وحرفيته فى التسقيط ومعالجة المشاكل اللى ممكن تواجهه .
أما من حيث أنه يركب على عفشة وفتيس الكربراتير الواحد فمش عارف بصراحة وأن كنت اعتقد والله أعلم انه يركب .

**SAMEH_FOUAD** · 02-10-2011 11:22 PM

اهلا وسهلا بيك

بالنسبة لل d15b فاحسنلك تجيبة انجيكشن لانة هيوفر معاك فى البنزين عن الكربراتير وفية عندك نوع من ب double vtec ودة كويس جدا بردة وممتاز

بالنسبة للقوة الحصانية ال d15b انجيكشن vtec بيخرج قوة 130 حصان ونفس القوة للمحرك ال d15b double carb

سعر ال d15b vtec بيعمل 4000 جنية من بورسعيد وهنا 4500 جنية شامل الضفيرة والكنترول
ال double carb قليل شوية وبيعمل 4000 جنية هنا وفى بورسعيد 3500 جنية

بالنسبة لسعر التركيب المصنعية هنا 300 جنية وحد اقصى 350 جنية

لو انت كربراتير وهتجيب كربراتير يبقى مش هتحتاج تغير الضفيرة

لكن لو انت هتجيب المحرك الانجيكشن يبقى هتركب الضفيرة عند كهربائى وتمن التركيب 500 جنية لو الضفيرة شمال لكن لو الضفيرة يمين يبقى هتتحول الى شمال بزيادة 300 جنية يعنى التكلفة كلها هتبقى 750 جنية

بالنسبة للعفشة هية هية عفشة ال1500 بنفس الكبالن ونفس كل حاجة اما الفتيس فلو هتجيب ال1500 كربراتير يبقى نفس الفتيس بتاع ال d15b3

لكن لو هتجيب المحرك الانجيكشن d15b يبقى هتجيب الفتيس بتاعة

**SAMEH_FOUAD** · 03-10-2011 01:33 AM

ياباشا لا شكر على واجب ولو فية اى استفسار سواء بالناس اللى هتنزل تشترى منهم المحرك كلمنى ودة رقم تليفونى وان شاء الله اقدر اجيبهولك اقل شوية

دة رقم تليفونى 0103088605

على فكرة اى محرك بتشترية بيبقى معاة ( المحرك + الفتيس + الضفيرة + الكنترول )

بالنسبة لل SiR بينزل بكل دة + العفشة الامامية فقط + الهيدر فقط

**SAMEH_FOUAD** · 03-10-2011 04:16 PM

المشاركة الأصلية كتبت بواسطة aboulojain

d15b

found in:
- 1988 honda crx 1.5x (rare)
- 1990 honda civic 25xxt formula (japanese market)
- honda civic ferio mx (japanese market) eg8
- 1998–2001 honda capa ga4 (japanese market)
  - displacement : 1,493 cc (91.1 cu in)
  - bore and stroke : 75 × 84.5 mm (3.0 × 3.33 in)
  - compression : 9.2:1
  - power : 103 hp (77.23 kw, 105 ps) at 6,800 rpm
  - torque : 14.1 kgm (133.4 nm) at 5,200 rpm
  - rev limiter : 7,200rpm
  - valvetrain : Sohc (4 valves per cylinder)
  - fuel control : Twin carburetor/fuel injected

103 مش 130

التوبيك دة من ويكيبيديا للاسف هما كانوا حاطين 130 حصان ومش عارف مين اللى غيرة وخلاة 103 حصان
بس الصح هو 130 حصان

ولو عايز تتاكد من كلامى مش هقولك مواقع ولا اى حاجة هات اى واحد معاة سيفيك فيها الماتور دة وهات اى عربية تانية فيها المحرك ال d15z6 او ال d15z8 والمفروض ان دول 114 حصان وشوف مين اللى هيسبق

الماتور دة متجرب كتير جدا

على فكرة انا عندى موقع ال jdm نفسة يعنى احسن من ويكبيديا لان الموقع دة مش اى معلومات تاخدها منة ثقة لان اللى بيحطها اشخاص