الموضوع: شوفوا الميكانيكى عمل ايه؟؟؟؟؟؟؟!!!!!

المشاركة الأصلية كتبت بواسطة romieh

الميكانيكى ولا نصاب ولا حاجة

الاول نتفق على ان دور البطارية هو إدارة العربية فقط

أمل بعد كده فبيكون حمل كهرباء العربية كله على الدينامو

حضرتك لما رحت تجيب المياه السخنة ، الميكانيكى حط البطارية السائلة اللى معاه ودور بيها العربية

بعد لما العربية دارت هو راح شايل البطارية وفضلت العربية دايرة بفعل الدينامو (طبعا حضرتك لما رجعت ومالقتش أى بطارية أستغربت)

هو راح حاطط البطارية بتاعتك علشان تشحن من الدينامو وقالك ان الدينامو هيشحنها (ده على اعتبار ان البطارية سليمة ولكنها فضت شحن بس)

لما حط البطارية وأستنى شوية جاب هو افوميتر وقاس شحن البطارية لقاها مديه قراية تقارب للصفر

فعرف ساعتها ان البطارية نفسها هى اللى باظت مش الشحن فضى

موضوع ان بتاع البطاريات هياخد 60 جنيه ويديك واحدة شغالة

بتاع البطاريات هيديك واحدة مستعملة ولكنها تعمل (أكيد مش بنفس كفاءة الجديد)

الافضل ليك انك تروح تشترى بطارية جديدة

ملحوظة : لما تيجى تشترى بطارية جديدة الراجل هياخد منك القديمة ولازم يخصم تمنها من الجديدة (اللى هو بيكون فى حدود 50 جنيه)

شكرا جزيلا على التوضيح ..لكن اسمحلى ممكن تفهمنى اكتر ... يعنى نعتبرها قاعده انه طالما البطاريه سليمه بس فاقده الشخن بنشحنها من الدينامو...؟؟ طيب وامتى بنشخنها عند الكهربائى؟؟؟
انا ما شفتش اى افوميتر معاه وهو لما قرر ان البطاريه مش بتستجيب دخل العربيه لقيت العربيه انطفت ومش دارت تانى فخرج من العربيه وقالى البطاريه بايظه؟
هو قالى ان الكهربائى هيدينى بطاريه بالكرتونه بتاعتها ؟؟؟!!!! مش مستعمله ..بس برضه هيشترى المستعمله ليه طالما بايظه ..السؤال ده هيجننى؟؟؟؟

المشاركة الأصلية كتبت بواسطة mohammettt

شكرا جزيلا على التوضيح ..لكن اسمحلى ممكن تفهمنى اكتر ... يعنى نعتبرها قاعده انه طالما البطاريه سليمه بس فاقده الشخن بنشحنها من الدينامو...؟؟ طيب وامتى بنشخنها عند الكهربائى؟؟؟

البطارية طالما سليمة يبقى بتتشحن من الدينامو (وده بيحصل طبيعى فى الاوقات العادية والعربية بتكون ماشية)

البطارية بتتشحن عند الكهربائى (ودى فى حالة السائلة فقط) علشان تعادل الحمض اللى فى البطارية (وده بيتم كل فترة ولتكن 6 شهور)

أما البطارية الجافة فلما بتفضى يا إما بتتشحن بالدينامو عادى ، يا إما بتوديها للكهربائى يشحنها بدل ما فضل مدور العربية ساعة ولا ساعتين او تاخد العربية مشوار (إستسهال يعنى)

المشاركة الأصلية كتبت بواسطة mohammettt

انا ما شفتش اى افوميتر معاه وهو لما قرر ان البطاريه مش بتستجيب دخل العربيه لقيت العربيه انطفت ومش دارت تانى فخرج من العربيه وقالى البطاريه بايظه؟

ممكن هو ساب البطارية تشحن شوية وبعدين طفى العربية وحاول يدورها

لما البطارية ماعرفتش تقوم العربية هو استنتج انها كده باظت

بس برضه لا يدل على ان البطارية فعلا باظت لان ممكن تكون مدة الشحن مش كافية

علشان تتأكد ان البطارية باظت لازم البطارية تتقاس

المشاركة الأصلية كتبت بواسطة mohammettt

هو قالى ان الكهربائى هيدينى بطاريه بالكرتونه بتاعتها ؟؟؟!!!! مش مستعمله ..بس برضه هيشترى المستعمله ليه طالما بايظه ..السؤال ده هيجننى؟؟؟؟

الكهربائى عمره ماهيديك بطارية ب 60 جنية وتكون جديدة أبداً

لانها تمنها أكتر من كده بكتير

اما موضوع انه هيشرى منك القديمة فده طبيعى فى البطاريات لاغراض إعادة التدوير

يعنى هو بياخد منك القديمة وبيروح يبيعها للمصنع بتاع البطاريات والمصنع بيفكها وياخد الاجزاء اللى فيها يعمل منها البطاريات الجديدة

كلام الاخوه سليم
ومن الاخر اى حد عايز يعرف ان البطاريه اللى معاه جابت اخرها يعمل حاجه واحده بس
انه لما يكون راجع من مشوار والعربيه شغاله يطفى ويفك اى فرده من اقطاب البطاريه لمده يوم
ولما يجى تانى يوم يوصل البطاريه ويدور لو مدارتش يبقى يجب بطاريه تانيه
لان فى الحاله دى البطاريته فضت شحن وهيا مش متوصله فى العربيه تبقى بايظه


ملحوظه : البطاريته عملها فى تدور العربيه فقط
لكن اثناء التدور الحمل على الدينامو وهوا اللى بيشحن البطاريه .. لذلك الى بيسيب عربيته فتره طويله مدارتش بيلاقى انها صعب تدور لان البطاريته بتكون متوصله فى الماكينه وفضت شحن ومخدتش اى شحن من الدينامو

الله يرضى عليكم ... نورتونى الله ينور عليكم... فعلا مدة الشحن ما كانتش كافيه والميكانيكى مدور العربيه ...وعلشان برضه مظلمش حد انا هاحدها عند كهربائى تانى وهخليه يشخنها واشوف هيقولى ايه؟؟؟؟؟؟ بس السؤال بقه المفروض يقرر صلاحيتها من عدمه بعد مده قد ايه على التونجر؟؟؟
ولو خلاص هى سلمت النمر ......طبعا هشترى جديده عايز اشتريها من مكان موثوق فيه التوكيل بتاعها مثلا اصلى عايز نفس النوع acdelco
سمعت ان التوكيل بتاعها هو بريدجستون طيب ممكن العنوان؟؟؟؟؟؟ معلش تقلت عليكم والله يجازيكم خير

كمان تاريخ الأنتاج بتاعها مقبول لغاية امتى ؟؟؟؟؟ شهرين مثلا من تاريخ الأنتاج؟؟؟

وهل التوكيل بياخد البطاريه القديمه؟؟ السؤال ده مهم قوى الله يرضى عليكم