الموضوع: مشكلة طرمبة البنزين .... سخونة ولا كهربا ؟؟؟

المشاركة الأصلية كتبت بواسطة amirboulos

الأعضاء الكرام
كنت بعت مشكله قبل كده بتحصل معايا وهي طرمبة البنزين الكهربا اللي انا مركبها في عربيتي والمشكله انها في الطرق الزحمه والإشارات والمشي البطئ بتسخن واول ما الطريق يفتح وامشي العربيه تبطل واعطل في نص الشارع (صباح البهدله) واتكرموا الأعضاء وردوا عليا وكان رائيهم اني اركب طرمبه في التانك بعيد عن حوض الموتور خالص ....امبارح كنت سألت ميكانيكي علي المشكله دي او بمعني اصح كنت عايزه ينقلهالي عند التانك ...فقالي المشكله دي ممكن تبقي كهربا ... يعني الكهربا اللي داخله للطرمبه مش مظبوطه .. يعني مثلا ممكن تكون الكهربا بتوطي او تتأثر والعربيه مش عاليه او مش دايس بنزين ....... ايه رائيكم في الكلام ده فتاوي ولا ممكن يكون صح ولا السخونه فعلا هي السبب؟؟؟
مع الشكر لكل من اهتم قبل كده واللي هيتم دلوقتي :)

14 زائر ولا واحد عبرني ؟؟؟؟ هو الموضوع صعب ولا ايه ؟

المشاركة الأصلية كتبت بواسطة ayabooy

مفيش اي طرمبة بنزين كهرباء بتركب جو الحوض بتاع الموتور
لما تقطع منك لف عليها فوطة مبلولة و هاتدور على طول

شكرا علي النصيحة بس معني كده اني انقلها من حوض الموتور بقي صح ؟؟