والله يا باشا القصة مش قصة كاوتش خالص بالعكس
انا كدة او كدة كنت ناوي اغير الكاوتش في الوقت الحالي لانه معايا من سعت ماجبت العربية من 2007
بس مش بمشي كتير عشان كدة العربية مش عاملة الا 30 الف كيلو بس الاخوة هنا في المنتدى نصحوني انه لسه بدري على الكاوتش وانه بالعداد مش بعدد السنين
بس برضوا مش دي القضية
انا كان اهم حاجة عندي اني احافظ على اداء العربية واحسنو يعني الجنط عشان اثبت العربية نوعا ما
فبرضوا من خلال كلام الاخوة هنا في المنتدى والسؤال في اكتر من مكان تاني
اكتشفت حاجتين ودول اللى خلوني بعد ماكنت رافض جنط ال 15 بقيت مضطر اني اركبه وياريت لو تقولي مدى صحة المعلومتين دول
1- ان كل مايكبر حجم الجنط كل ماياثر بالعكس على طلعة العربية وسحبها
2- الجنط بيزود الثبات نوعا ما بس مش هو الاساس عشان العربية تثبت
فبالتالي بقى الجنط اللى هجيبه هيبقى للشكل اكتر ماهو للفائدة لانه هيزود الثبات بنسبة بسيطة
وانا اهم حاجة عندي سحب العربية وقوة الماتور فلو فعلا الجنط ال 16 هيضعفه يبقى بلاش منه وده السبب الرئيسي اللى مخليني رافض الجنط ال 16
وياريت لو تقولي معلومات اكتر عن الفلنشات اللى بتزود الثبات واسعارها وهي عبارة عن ايه بالظبط والاماكن اللى ممكن اسال عليها فيها
انا والله مش مقتنع بالجنط ال 15 ابدا بالعكس انا حاسس انه مش هيمشي مع حجم العربية وخاصا ان العربية عالية عن الارض
والقصة برضوا مش قصة كاوتش لانه معايا بقاله داخل في خمس سنين يعني كدة او كدة ممكن شهرين تلاتة بالكتير واغيره
بس كل مافي الموضوع ان اللى فهمته ان لو ركبت جنط اكبر هيقلل الاداء ودي حاجة انا مش عايزها لاني عايز احافظ على اداء العربية مش اقلله على حساب المظهر الخارجي
وانا والله خبرتي على قدي في مجال الجنوط والكاوتشات وسمعت كلام من هنا ومن هنا
وبصراحة مابقتش عارف الصح فين :majd(4):