هو لازم كل الفيليشيا تسخن ولا ممكن تكون فى حالات مش بتسخن
يعنى ممكن يكون فيليشا 98 تسخن وواحده تانيه برضو 98 مش بتسخن
ولا بلاش منها الفليشيا اصرف نظر عنها ولا ايه
جننتونى بموضوع الحراره ده
عرض للطباعة
هو لازم كل الفيليشيا تسخن ولا ممكن تكون فى حالات مش بتسخن
يعنى ممكن يكون فيليشا 98 تسخن وواحده تانيه برضو 98 مش بتسخن
ولا بلاش منها الفليشيا اصرف نظر عنها ولا ايه
جننتونى بموضوع الحراره ده
زي مقولتلك لازم تكون مهتم بالعربية و هي عمرها مهتسخن, انا أول ما اشترتها كانت بتسخن معايا لقيت العيب و حلته, المهم انك تلاقي العيب.
الموضوع منتشر ليه انا مش عارفّ!!! اصل الفليشيا هي قول عربية ليا, بس واضح انها حساسه في موضوع الحرارة اي اهمال بيبان عليها مش عارف بقيت العربيات كده ولا ايه .
ثانياً لازم تقارن بين كل العربيات كل عربية ليها عيوب و مميزات, ومفيش حاجة اسمها العربية بتسخن كده و خلاص اكيد في عيب في العربية نتيجة اهمال و محدش اهتم بحله.
للاسف انا اكتشفت العيب الي بيخلي العربيات كلها تسخن ومش عايز اعمله في عربيتي
هتروح لواحد بتاع ردياتير تقوله انقل ليه ساعة المروحه او الثرومستات (الي هي بتشغل مروحة التبريد)من الشمال لليمين يعني من جهة خروج المايه للماتور الي جهة دخول المايه للماتور ولو عربيتك دورة التبريد سليمة يعني ردياتير نضيف ترمبه مظبوطه السير بتعها مشدود وكله تمام اتحداك لو سخنت
متشكر جدا على الردود
والله يعنى هى نصيحه من مجرب ابعد بعيد عن العربيه دى خالص انا عملت كل حاجة علشان السخونه دى ومافيش فايدة وفى الاخر طبعا بعتها جابت وش سيلندر مرتين فى 3 شهور ولو العربيه فيها تكيف هتبقى دى بقى النصيبه الكبيرة العربيه ممكن تولع من السخونه غلطت حياتى العربيه دى بصراحه
كتير من الناس بتتكلم عن موضوع السخونة بس ياريت تعرفوا ان تصميم العربية كده عشان دولة المنشأ موضوع السخونة حله
1-نظف الردياتير كويس من الاتربة اللى بتسده
2-اتاكد من ان جميع الوصلات من غير تسريب
3-اتاكد من غطا القربة انه مش بينفس
4-حساس الحرارة هاته واطى
5-حط مية خضرا منعا لتكون الصدا من المية العادية
هتحس بفرق وجرب وقولى
ده ماله ومال قراء الحراره هي الحراره بتتقري من ساعة المروحه
والحكمه في كد ان المروحه بتاعت العربيه بتشتغل بعد مرور المياه السخنه للماتور مش قبل دخولها للماتور المفروض الساعه تكون موجوده في اتجاه دخول المياه للرديتر عشان يحس ان المايه الي داخله سخنه تشتغل المروحه انما كده الساعه في اتجاه خروج المايه من الرديتر معني كده انها بتشتغل بعد لما المايه تخرج من الرديتر وبكده بتروح المايه للماتور سخنه طيب
الماتور<<<الساعه هنا بتحس بالمايه وهي سخنه واريحه للماتور فتشتغل بعد خروج المايه .....الرديتر<< مايه سخنه طالعه من الماتور
الماتور<<<الرديتر.....الساعه هنا بتحس بالمايه ولسه داخله للرديتر فتشتغل عشان تبرد المايه<< مايه سخنه طالعه من الماتور
تصدق حضرتك بقى انا عملت كل اللى انت بتقول عليه بالحرف ولا فيه فايدة
النصيبة السودة لما كنت بشغل التكيف العربيه كانت بتولع بع 5 دقائق
رحت بيها عند اكتر من ميكانيكى ولا حد فاهم فيها اى حاجة
الحمد لله انى خلصت منها رغم خسارة الفلوس بس مش مشكله الواحد مش بيتعلم بسهوله
وكمان فى حاجة نسيت اقول عليها صوت الماتور سير الكتينه بتعها حديد يا سلام بقى على الصوت
بصراحه عربيتة:arab:
بص انا معاك ان العربية حساسة للحرارة يعني لو في اي مشكلة في دورة المياه فعلا بتسخن بسرعة, بس لو انت مظبط كل حاجة عمر ما هيكون في سخونة انا معايا العربية بقلها حوالي 7 شهور أول مجبتها فعلا كانت بتسخن, ورحت لميكانيكي شغال في سكودا بس و ظبطلي الاداء و مش بتسخن خالص اخرها النص (90 درجة) اللي انا شايفه انها محتاجة واحد بيفهم بس.
انا كان عندي تسريب في دورة السخن, الحل لغية دورة السخن
ظبط الكهرباء و التكيهات
وبس