لازم الفليشيا تسخن

**mado83** · 02-10-2011 02:58 PM

هو لازم كل الفيليشيا تسخن ولا ممكن تكون فى حالات مش بتسخن
يعنى ممكن يكون فيليشا 98 تسخن وواحده تانيه برضو 98 مش بتسخن
ولا بلاش منها الفليشيا اصرف نظر عنها ولا ايه
جننتونى بموضوع الحراره ده

**asaid** · 03-10-2011 03:55 PM

زي مقولتلك لازم تكون مهتم بالعربية و هي عمرها مهتسخن, انا أول ما اشترتها كانت بتسخن معايا لقيت العيب و حلته, المهم انك تلاقي العيب.
الموضوع منتشر ليه انا مش عارفّ!!! اصل الفليشيا هي قول عربية ليا, بس واضح انها حساسه في موضوع الحرارة اي اهمال بيبان عليها مش عارف بقيت العربيات كده ولا ايه .
ثانياً لازم تقارن بين كل العربيات كل عربية ليها عيوب و مميزات, ومفيش حاجة اسمها العربية بتسخن كده و خلاص اكيد في عيب في العربية نتيجة اهمال و محدش اهتم بحله.

**AhMeD MeTwAlY** · 03-10-2011 04:24 PM

للاسف انا اكتشفت العيب الي بيخلي العربيات كلها تسخن ومش عايز اعمله في عربيتي
هتروح لواحد بتاع ردياتير تقوله انقل ليه ساعة المروحه او الثرومستات (الي هي بتشغل مروحة التبريد)من الشمال لليمين يعني من جهة خروج المايه للماتور الي جهة دخول المايه للماتور ولو عربيتك دورة التبريد سليمة يعني ردياتير نضيف ترمبه مظبوطه السير بتعها مشدود وكله تمام اتحداك لو سخنت

**mado83** · 03-10-2011 04:27 PM

متشكر جدا على الردود

**ehab_osman** · 03-10-2011 04:38 PM

المشاركة الأصلية كتبت بواسطة xmanx51

للاسف انا اكتشفت العيب الي بيخلي العربيات كلها تسخن ومش عايز اعمله في عربيتي
هتروح لواحد بتاع ردياتير تقوله انقل ليه ساعة المروحه او الثرومستات (الي هي بتشغل مروحة التبريد)من الشمال لليمين يعني من جهة خروج المايه للماتور الي جهة دخول المايه للماتور ولو عربيتك دورة التبريد سليمة يعني ردياتير نضيف ترمبه مظبوطه السير بتعها مشدود وكله تمام اتحداك لو سخنت

ايه الحكمة ؟؟؟؟؟؟؟؟؟؟؟ من نقل ساعة المروحة ؟؟؟؟؟ وده مخالف لبناء السيارة ؟؟؟؟؟؟؟؟؟؟ يعني حيدى قراءة غير صحيحة للحرارة ؟؟؟؟؟؟؟

**tota_ys** · 04-10-2011 03:33 AM

والله يعنى هى نصيحه من مجرب ابعد بعيد عن العربيه دى خالص انا عملت كل حاجة علشان السخونه دى ومافيش فايدة وفى الاخر طبعا بعتها جابت وش سيلندر مرتين فى 3 شهور ولو العربيه فيها تكيف هتبقى دى بقى النصيبه الكبيرة العربيه ممكن تولع من السخونه غلطت حياتى العربيه دى بصراحه

**المنسي** · 05-10-2011 03:13 PM

المشاركة الأصلية كتبت بواسطة tota_ys

والله يعنى هى نصيحه من مجرب ابعد بعيد عن العربيه دى خالص انا عملت كل حاجة علشان السخونه دى ومافيش فايدة وفى الاخر طبعا بعتها جابت وش سيلندر مرتين فى 3 شهور ولو العربيه فيها تكيف هتبقى دى بقى النصيبه الكبيرة العربيه ممكن تولع من السخونه غلطت حياتى العربيه دى بصراحه

كتير من الناس بتتكلم عن موضوع السخونة بس ياريت تعرفوا ان تصميم العربية كده عشان دولة المنشأ موضوع السخونة حله
1-نظف الردياتير كويس من الاتربة اللى بتسده
2-اتاكد من ان جميع الوصلات من غير تسريب
3-اتاكد من غطا القربة انه مش بينفس
4-حساس الحرارة هاته واطى
5-حط مية خضرا منعا لتكون الصدا من المية العادية
هتحس بفرق وجرب وقولى

**tota_ys** · 06-10-2011 01:11 AM

المشاركة الأصلية كتبت بواسطة mr_megahed

كتير من الناس بتتكلم عن موضوع السخونة بس ياريت تعرفوا ان تصميم العربية كده عشان دولة المنشأ موضوع السخونة حله
1-نظف الردياتير كويس من الاتربة اللى بتسده
2-اتاكد من ان جميع الوصلات من غير تسريب
3-اتاكد من غطا القربة انه مش بينفس
4-حساس الحرارة هاته واطى
5-حط مية خضرا منعا لتكون الصدا من المية العادية
هتحس بفرق وجرب وقولى

تصدق حضرتك بقى انا عملت كل اللى انت بتقول عليه بالحرف ولا فيه فايدة
النصيبة السودة لما كنت بشغل التكيف العربيه كانت بتولع بع 5 دقائق
رحت بيها عند اكتر من ميكانيكى ولا حد فاهم فيها اى حاجة
الحمد لله انى خلصت منها رغم خسارة الفلوس بس مش مشكله الواحد مش بيتعلم بسهوله
وكمان فى حاجة نسيت اقول عليها صوت الماتور سير الكتينه بتعها حديد يا سلام بقى على الصوت
بصراحه عربيتة

**asaid** · 08-10-2011 07:11 PM

المشاركة الأصلية كتبت بواسطة tota_ys

تصدق حضرتك بقى انا عملت كل اللى انت بتقول عليه بالحرف ولا فيه فايدة
النصيبة السودة لما كنت بشغل التكيف العربيه كانت بتولع بع 5 دقائق
رحت بيها عند اكتر من ميكانيكى ولا حد فاهم فيها اى حاجة
الحمد لله انى خلصت منها رغم خسارة الفلوس بس مش مشكله الواحد مش بيتعلم بسهوله
وكمان فى حاجة نسيت اقول عليها صوت الماتور سير الكتينه بتعها حديد يا سلام بقى على الصوت
بصراحه عربيتة

بص انا معاك ان العربية حساسة للحرارة يعني لو في اي مشكلة في دورة المياه فعلا بتسخن بسرعة, بس لو انت مظبط كل حاجة عمر ما هيكون في سخونة انا معايا العربية بقلها حوالي 7 شهور أول مجبتها فعلا كانت بتسخن, ورحت لميكانيكي شغال في سكودا بس و ظبطلي الاداء و مش بتسخن خالص اخرها النص (90 درجة) اللي انا شايفه انها محتاجة واحد بيفهم بس.
انا كان عندي تسريب في دورة السخن, الحل لغية دورة السخن
ظبط الكهرباء و التكيهات
وبس