استلمى الشقة يوم 19 اضمنلك من المماطلة و دورى ع واحد ياجرها ف ساعتها عشان يبقى ارتحتى منها + غيرى كالون الباب
عرض للطباعة
استلمى الشقة يوم 19 اضمنلك من المماطلة و دورى ع واحد ياجرها ف ساعتها عشان يبقى ارتحتى منها + غيرى كالون الباب
ياريت لو حد من الاخوة المحاميين يردو على السؤال دة
حسب معلوماتى وتعاملي مع محاميين
الكلام دة ف حالة مرور سنوات على العقد المنتهى
مش ايام او شهر حتى .. بل بالعكس الشهر الزيادة لصالح حضرتك ف الحكم لانك
اعطيتيها مهلة .. ياريت حد من الاساتذة الخبراء يعدلوا على كلامى ان وجد
فهميها ان معاها لحد اخر اكتوبر بعد كدة مفيش غير قسم الشرطة .. ولو امكن حد من السماسرة
لو حضرتك تعرفي حد فيهم يشوف لها شقة ف حدود الايجار اللى بتدفعة حاليا َ .. خصوصا ان عندها اولاد
ووحيدة .. وربنا يضع ذلك ف ميزان حساناتك .. وهانت يا استاذة نور ..
بعد كدة مفيش غير :crashcomputer3:
اخر شهر 10 هيبقى فاضل 6 ايام على العيد وطبعا هتقولك لبعد العيد ومش هالحق ومش هعرف والعمال نزلو يعيدو(ودى حقيقة) هتترمى بعد كده لاخر 11
اوعي ثم اوعي ثم اوعي تتهاوني لانك مش حتاخدي شقتك غير بالقرف
انت حكيتي بالضبط على ساكن طلع عنينا
واوعي تفتكري لما حتنفذي الانذار حيحصل حاجه برضه مش حيطلع الا بطلوع الروح
ولما حاولنا نحجز على عفشه اتقلبت الآية ومراته جت تعيط وانتوا ميرضيكوش عفشي يروح مني
والعفش ده انا اللي شارياه وانا زي اختكم الصغيرة وخلي قلبكوا حنين عليا
وفي النهاية قعدوا شهرين زيادة من غير ما يدفعوا الايجار واستلمنا الشقة فيها ازاز متكسر كتير ومخدناش حاجه
مش حقولك غير الحزم ثم الحزم ثم الحزم
فى قول مأثور...مش ممكن نطبقه فى كل حاجة بس فى الحاله ديه مطلوب...
"اللى يصعب عليك يفقرك"
الشغل مفيهوش عواطف
عندى واحد زى كدة ما يدفعش الا بالطرد
هيا كدة عقدها خلص
وانتى عملتى انذار بالاخلاء
قدامك حلين
شوية ناس وعفشها يترمى فى الشارع
او تشوفى المحاكم
وممكن تقرفيها
قطع كهربا عن الشقة
لب وكبريت فى كالون الشقة
اقفلى المياة لو ليها محبس وعداد مستقل
ناس تييجى تشوف الشقة كل شوية
خلاص هو خير الامور الوسط بلاش الاسبوع ده وبلاش اخر الشهر عشان موضوع العيد ميبقاش حجة
وعلى فكرة هي مدعية انها وحدانية
لان اللي جه اجر الشقة من سنتين كان طليقها ودفع شهر ايجار وشهرين تأمين وبعد شهرين تلاتة طلبت تغير العقد باسمهاوبعد مرور سنة جينا بنطالبها بال 10% الزيادة بتاع السنة التانية المنصوص عليها في العقد قالت خلاص مش عايزة شقة انا هروح اقعد عند اختي كانت معتقدة اننا هانمسك فيها تقعد لقيتنا مرحبين ومصدقنا وجات هي رجعت في كلامها
وعلى رأي قرصان المنتدى الشر سككه كتيرة نقدر نقطع كهربا ومية وهوا بس ربنا مدي للواحد طولة بال معاها
أنا مش فاهم يعني هي قاعدة في الشقة وأنتوا بتدفعولها الكهربة؟
دة انتى طيبة قوى