ابتعد عن القصر العينى .....
يوجد مظاهرات لعمال النقل العام هناك والشارع واقف
الكلام منقول وليس بالعين
عرض للطباعة
ابتعد عن القصر العينى .....
يوجد مظاهرات لعمال النقل العام هناك والشارع واقف
الكلام منقول وليس بالعين
و الله بقينا محتارين نبتعد عن ايه و الا ايه
كان فين التحذير ده من امبارح :)
اظرف حاجه مذيع الأخبار في الراديو - تم الإنتهاء من ازمة اضراب عمال النقل والعمال عادوا للعمل اليوم
اعلام لا يمت للواقع بصله
احنا اسفين يا سارة
بس ابقى قولى خط سيرك الاول
ماهو ده الاعلام بتاع "أسقطنا 90 طائرة للعدو" في حين أن العدو كان قد ضرب كل طائراتنا و هي علي الارض و يحلق فوق رؤوس المصريين بمنتهي الحرية
ليت الطيران الاسرائيلي وقتها قام بضرب مبني الاذاعة و التليفزيون
لكن الحرب خدعة و هم يعلمون أنهم بتركهم لهؤلاء المنافقين المضللين سوف يؤدون أفضل خدمة لليهود في خداع هذا الشعب و تضليله
:C_laugh[1]:
فكره حلوه اوي ياريت ننفذها في المنتدى كله
وبعدين خط سير ايه والطرق كلها ابتعد ابتعد
ابتعد عن كوبري الجامعه علشان السفاره
ابتعد عن تحت كوبري الجامعه علشان السفااااااااره برضه
ابتعد عن شارع مراد علشان مجلس الدوله
ابتعد عن القصر العيني علشان مجلس الشعب والإضرابات
ابتعد عن صلاح سالم علشان خنوفه وغيره قاطعين الطريق
ابتعد عن التحرير وما حول التحرير
ابتعد عن 15 مايو علشان ماسبيرو
ابتعد عن العباسيه علشان وزارة الدفاع
ابتعد عن اي مكان علشان طريقك مسدود مسدود :))
ماهو للأسف الإعلام شكله مش عايز ولا ناوي يتغير
على فكرة انا ساكن هناك والدنيا هادية جدا مافيش اى حاجة انا راجع امبارح وانهاردة اة كانوا قاعدين قدام مجلس الشعب بس قليلين جدا ومالهومش صوت
قصدك نبتعد عن كل شوارع البلد
كل الشوارع زحمه موت والكل الشوارع مقفوله والفوضى المروريه لا مثيل لها والواحد بقى بيتشاهد على روحه فى الخروح وفى الرجوع
يمكن وقفوا الشارع فى وقت معين انا رايح منة الساعة 6:30 المغرب وراجع الساعة 9 مافيش اى مشكلة كان فاضى تماما
وانهاردة اللى زحمة جدا فعلا بس المشكلة ان الواحد مابقاش يقدر يحدد هل الزحمة دية نتيجة اية بالظبط هل الاعتصامات ولا السيارات ولا اية بالظبط لان فعلا الشوارع بقت غريبة جدا جدا من بعد الثورة والشوارع بقت ازحم من الاول بكتيييييييييير
يعنى قبل الثورة كنت برجع من شغلى من نفق الازهر بمعدل 4 ايام فى الاسبوع ويومين بس هما اللى بيبقوا زحمة او ثلاثة فى اصعب الاحوال
دلوقتى بقى زحمة الاسبوع كلة وموقف صلاح سالم ومابقتش بدخل منة نهائى حتى يوم السبت بقى زحمة موووووووووووت
ربنا يسترها على البلد والناس بتشترى فى عربيات ولسة محدش بعد كدة هيعرف يتحرك
انا لسه واخده كله من نص ساعة ومفيش زحمة، هى لزحمة فقط عند وزارة التعليم العالى وده بسبب اوتوبيسات نقل الموظفين بتوع المصالح الحكومية اللى هناك وبتوع جمعية البترول.
اما الناس اللى معتصمين عند الوزارة فدول كانوا فى شارع جانبى ومفيش زحمة عند مجلس الشعب نوهائى :)
بس الحق يقال انى لما نزلت الصبح (غير المرة دى) الشارع كان زحمة بس انا مكملتش فيه للاخر.
امبارح أنا خدت ساعتين ونص من منزل الزمالك بتاع المحور لغاية وسط البلد
العربيات اللي حولوها من القصر العيني كانت ماشية عكس صفين على الكورنيش
http://www.nilemotors.net/Nile/248875-a-new-post.html
ماشى تمام ماقولتش حاجة بس هما كانوا موجودين باليل وانا راجع بس كانوا قاعدين على جانبي الطريق يعنى ممكن يكونوا بيريحوا عشان يكملوا بكرة اكيد مش هيفضلوا كدة طول اليوم يعنى
وانهاردة الطريق كان فاضى خالص ولا كأن كان فية زحمة بجد انا مش عارف البلد دية ماشية ازاى يوم تلاقيها زحمة مووووووووووووت ويوم تلاقيها فااااااااااضية خالص بدون اى اجازات او يوم سبت او احد , مش عارف نفسى افهم اية اللى بيحصل
واية اللى بيخلى البلد تبقى رايقة كدة يمكن نعرف نحل الازمة المرورية
نسيت اقول كمان ان بنزينة مصر اللى فى ش القصر العينى اللى عند بى- تك بقى فيها بنزين 80 والتاكسيات واقفين بليل والله طابور مش اقل من 300 متر واصلا الشارع بيركن فية عربيات على الجنب وصف العربيات اللى هتمون يبقى كدة مش فاضل غير حارة واحدة فقط ربنا يستر