تحذير من الفيمية

**hugan** · 03-10-2011 05:58 PM

المشكله ان مفيش نظام صح في مصر يعني المخالفه هاتاخدها فاميه
واصلا العربيه نازله زجاج ملون ومثبت في الرخصه
تروح تطلع المخالفات تلاقي مخالفات بالهبل
حلني بقي علي ما تثبت ان عربيتك نازله كده من بلادها ومثبت في الرخصه
وتدخل لوكيل النيابه علشان يلغي مخالفات الفاميه
انا اشك انهم ممكن في ادارت المرور يفصلو بين المخالفات للفاميه المثبت في الرخصه والفاميه الغير مثبت

**mahmoudysf** · 04-10-2011 01:59 AM

المشاركة الأصلية كتبت بواسطة unendlich

أنا مش فاهم إيه الفكرة الصراحة
ما دول العالم كلها مسموح فيها بالفيميه, اشمعنى المحروسة ؟!؟!
هو ممكن يقلي مسموحلك أول 3 درجات مثلا, و أكتر من كده مخالفة
انما نتحرق احنا والظباط والجيش يفيموا و يركبوا ستاير براحتهم و محدش يعرف يقولهم تلت التلاتة كام يبقى قلة ادب و يبقوا عايزين ضرب ال ..... كمان
و قاااالك مفيش تفرقة في النمر, طب و بالنسبة للعربيات اللي أرقامها ب ط ل ؟؟؟
و بعدين سايبين العربيات اللي عمالة تتسرق و سواقين المكروباص والنقل اللي محدش عارف يلمهم و بيدوروا عالفيميه والحزام .... فعلا , لا تعليق

+1

**fineart607** · 04-10-2011 12:10 PM

ايه مشكلة الفامية المتوسط او الخفيف يعنى وبعدين هو لازم نفيم فابريكة علشان يسمحوا لنا طب انا مش معى فلوس اعمل ايه اتحرق انا والطفل علشان مش فابريكة سبحان الله

**mrghost** · 04-10-2011 10:52 PM

انا شيلته لانى كنت مركب فاميه غامق اوى ومكنتش شايف منه حاجه ومش ناوى افيم تانى خلاص

**aboharb** · 05-10-2011 02:07 AM

النهارده فى الركن فى حلوان كان فيه كمين العصر وكان موقف العربيات اللى عليها فاميه وبيخليهم يشيلو الفاميه علشان ميكتبش مخالفه فقررت انى اشيل الفاميه بش مش عارف ازاى علشان انا ممكن اشد معاهم او اقول كلمه مستفذه فالاحسن انى معملش الغلط من البدايه الغريب ان الكمين كله مباحث وشباب صغير ولبسين ملكى