الموضوع: هونا كل خرابة هيطلعلي فيها عفريت؟؟....!!!!

آآآآآآآآآآآآآآآآآآآآآآآآآ آآآه ياني ياني..

بقي انا ياربي كل خرابة تطلعلي فيها عفريت كدا؟؟؟؟

سبنا الدنيا ومافيها ورحنا اخر الدنيا فلشروق ف الفضا....بلونا بالسيد الرئيس وبقي كل ميتحاكم يوقفوا طريق السويس بالساعات وقلنا ماااااااااااااااااااااااش ي


انما كمان القرية الغلبانة اللي شغالة فيها اللي حتي جوجل ماب مش بيلقطها يطلعلي فيها عفريت؟؟؟

النهاردة نزلة الفيوم عادي يعني وكنت متأجرة شوية وبجري....وطبعا الشمس بتقرقض ف البني آدمين فرد فعل طبيعي كنت بتلثم بالحجاب عشان الشمس حارقة

المهم مجرد معديت ملبوابة...لقيت عربية مرسيدس سودا ملاكي اسكندرية واضح ان فيها سواق وحد راكب ورا...وطالع ملبوابة ...وسبقني


أسيبه؟؟؟؟ ....لاااااااااااااااااااااا جريت 140 وجبته خصوصا انه كان ماشي 120 تقريبا ورحت مشية قدامه بالراحة وقعد يحاول يطلع مني يمين وشمال...

إذ فجأة...لقيت فجأة الدنيا إحمرت... لقيت جي ورايا 3 عربيات شيروكي عليها سارينة...و3 موتوسيكلات....وعربيتين ملاكي تبع الجيش وعربيتين اسعاف طلعين ورا المرسيدس دي....

وفجأة الطريق كله مترشق شرطة عسكرية واقفين ضاربين سلام...وتحية...بس طبعا مش لكريستال الدرة الشهية....

انا اتخنقت وكنت عوزة اخرج منهم قلت تلاقيه ابن المحافظ بيلين العربية ولا حاجة....الاقي عربيتين نص نقل مشيين وراهم...يمين شمال مفيش... مش عوزين يعدوني...عاملين زي الملاهي ونا بحاول اخرج منهم...قعدين لازقين قدامي بشكل استفزازي جدا وسايقهم ظباط جيش...وفالاخر واحد طلعلي ملشياك قدام وقعد يشاورلي اهدي اهدي....يادوب العربية الغلبانة اللي لجقتها كانت عربية الاسعاف....سألت السواق..دا مين دا ياخويا


يطلعلي المشير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟

ههههههههههههههههههههههههه هههه..آه وربنا....ضاقت بيه الدنيا خلاص وحبك اليوم اللي ريحة شغلي فيه ينزلي الفيوم..؟؟؟

انا فضلت متنحة شوية وقلت فرصة استغلها وامشي وراهم والطريق سالك...

كنت راشقة معاهم فلموكب اساسا...وعلي كل حفرة ف الارض موقفين عسكري

بجد كان منظر تحفة... :d

اروح منكو فين يا مجلس ياعسكري بس.... !!!


كوالالامبور فيها جيش مصري؟؟؟