الموضوع: اللي عايز ياخد انجليزي في معهد القوات المسلحه

شكرا جدا يا باشا ,,
وانا باخد في المعهد البريطاني لو حد عايز يسال علي اي حاجة :)

السلام عليكم،

أنا كنت بخد كورسات في المركز البريطاني وبرليتز وبصرحة أنا شايف إن المركز البريطاني أحسن بكتير، بس النقطة إنهوم باءو تقريباً بيوصل ال-1000 جنيه، وجهة نظري إن ممكن الواحد يبتدي في حاجة في السعر المعئول لغاية ما يوصل المستوى كويس وبعد كدة ياخد في حاجة من الاسامي الكبيرة.

المشاركة الأصلية كتبت بواسطة midoabdeen

بصراحة مع كامل احترامى لكلام حضرتك
بس انا مش بعترف بمعهد القوات المسلحة اطلاقا لا لغات ولا كمبيوتر

طبعا ده رأيي حضرتك و يحترم

بس اسمحلي اختلف معاك انا من رأيي ان الانجليزي لو عايز تحترفه يبقى الشغل كله عليك
يعني انت لو بتحب الانجليزي ولا هيفرق معاك مكان الكورس او قوته او المدرس طالما انت بتحبه هتذاكر الكورس و تركز مع المدرس و تتفرج على الافلام الاجنبي من غير ترجمه ( او بترجمه انجليزي) و تتشات مع اجانب و تقرأ مجلات و جرايد انجليزي
اما لو مش بتحب الانجليزي اصلا مش هيفرق معاك حاجه حتى لو سافرت امريكا ذات نفسها

عموما هو المعهد فعلا غريب يا يعجب قوي يا ميعجبش خالص :)

و شكرا على وجهه نظرك

المشاركة الأصلية كتبت بواسطة أحمد كمال

حضرت حصتين هناك (بس لغة غير الانجليزي) كنت خلاص هاطق من جنابي


قلة ذوق في التعامل من الضباط

ممنوع تخرج بدري كاننا في سجن





و في الاخر بفلوسنا اصلا ........


و دي كانت نهاية تعاملي مع اي جهة عسكرية بتخدم المدنيين حتى لو ببلاش .......

هما فعلا عندهم الحته الخنيقه دي
الظباط اولا و اخيرا
انا لما رحت اعمل امتحان تحديد المستوى المفروض معاده 10.30 دخلونا حوالي 10.50 و لما سئلنا عرفنا انه كان فيه ظباط و بيعملوا امتحان قبلنا و لوحدهم مع ان احنا جايين قبليهم و المكان كبير و يقضينا كلنا

بس على مين انا ان شاء الله ناوي اشتغلهم ماهو لو هما ظباط انا ابن ظابط

magyver باشا زميل يعني :) انا هاخد ان شاء الله في الفرع الرئيسي بتاع كوبري القبه و اسعار الليفيلات غريبه يعني انا كان الليفل ليا بـ125 دلوقتي بـ115 معرفش ايه السبب !!!! بس كويس طبعا :)

Nistelrooy العفو يا باشا على ايه بس / ان شاء الله لما اعدي كام ليفيل كده هبقى اروح اشوف مستوايا عندكم :)

Mustafa_Farouk مظبوط يا باشا كلام 100/100

استاذ أبومعاذ العفو و احنا في الخدمه :)

المشاركة الأصلية كتبت بواسطة midoabdeen

اة والله ياريت يقولنا اية النظام هناك لانى بجد نفسى ادرس فى المكان دا اوى بس المشكلة الفلوس

ياعنى بكام
كام مستوى
المحاضرين مصرين ولا اجانب

في الاول بتحجز امتحان تحديد مستوي ,, بتحل شوية اسئلة اختيارات جرامير ومعاني وكدا ,,
بعد كدا بيتعملك انترفيو صغير اوي لمدة حوالي 3 دقائق مع واحد اجنبي بيقيمك برضوا ,,


وعلي اساسة بتخش المستوي الي المفروض تخشة ,,
سواء داخل محادثة او ليفيلز عادي او بيزنس انجليش او كورسات تانية ,,


سعر تحديد المستوي 80 جنية غير قابل للاسترداد
سعر الليفل الواحد 1180 , حوالي شهريين مرتيين اسبوعياً كل مرة (16 حصة ) ساعتيين ونص في المرة
سعر ليفيل المحادثة 730 , حوالي شهر واحد فقط ( 18 ساعة )




بالنسبة للمحاضريين اجانب وفي بعض الاحيان القليلة مصريين !
لان الاجانب بيسافروا كتير وكدا ..

من حقك تغير المعاد بتاعك او الراجل الي بيديك بعد اول حصتيين تقريبا ,,

المواعيد فية الصبح وبليل ,, وبتختار الي يناسبك ..( الي بيحجز بدري لية الافضلية )