مأساه انسانيه برجاء التفاعل و المساعده

**amir** · 03-10-2011 01:32 AM

في مأساه انسانيه دلوقتي بجد بتحصل في عياده الدم لمرضي الثلاثيميا عندنا في الدمرداش؛ عندنا ازمه دم حقيقيه في العياده للاسبوع الثالث ع التوالي يتم صرف اكتر من 80% من مرضي العياده من غير ما ياخدوا دم نظرا لعدم توافر الدم؛ النهارده اتكررت المأساه والي يوجع القلب اكتر ان الاطفال النهارده مشيوا ونسبه الهيمجلوبين عندهم وصلت 4 و 5 وات...أجلوا للاسبوع القادم وربنا يعلم حيكملوا للاسبوع الي جاي ولا لأ؛ التبرع دلوقتي بالدم ضرووووووووووووووره لانه انقاذ مباشر لارواح اطفال في عمر الزهور؛ اطفال؛ هما اطفال؛ فالي بايده يتبرع او يعرف حد يتحرك لأن عامل الوقت مش في صالحهم؛

لأي استفسار رجاء الاتصال ع 0166008014 وجزاكم الله خيرا وربنا معانا ياااااااااااااااااااااااا اارب
---------------------------------------------
منقول

**أحمد كمال** · 03-10-2011 02:15 AM

انا فصيلتي O Positive - R1 R1 Kel Negative ....... لو محتاجين انا تحت امرهم

**Ashraf_Ibrahim** · 03-10-2011 02:18 AM

طب مش عاملين حملات في التلفزيون ليه طيب عشان الناس تروح تتبرع؟!

**damasry** · 03-10-2011 02:24 AM

وانا فصيلتى a+ لو متحتاجين

**amir** · 03-10-2011 02:39 AM

المشاركة الأصلية كتبت بواسطة أحمد كمال

انا فصيلتي o positive - r1 r1 kel negative ....... لو محتاجين انا تحت امرهم

جزاك الله كل خير ياريت تتصل و تشوف العجز لسه موجود ولا

المشاركة الأصلية كتبت بواسطة ashraf_ibrahim

طب مش عاملين حملات في التلفزيون ليه طيب عشان الناس تروح تتبرع؟!

انا متأكد من حاجتين اولا حضرتك مش دكتور ثانيا حضرتك مدخلتش مستشفيات وزاره الصحه قبل كده
عموما احمد ربنا علي النعم دي

المشاركة الأصلية كتبت بواسطة damasry

وانا فصيلتى a+ لو متحتاجين

نفس الرد الخاص بأحمد كمال و جزاكم الله خير

**Ashraf_Ibrahim** · 03-10-2011 02:49 AM

المشاركة الأصلية كتبت بواسطة amir

انا متأكد من حاجتين اولا حضرتك مش دكتور ثانيا حضرتك مدخلتش مستشفيات وزاره الصحه قبل كده
عموما احمد ربنا علي النعم دي

لا تأكدك غلط يا سيدي
انا دكتور ويوميا بدخل مستشفيات حكومية تابعة للوزارة !

**amir** · 03-10-2011 02:52 AM

المشاركة الأصلية كتبت بواسطة ashraf_ibrahim

لا تأكدك غلط يا سيدي
انا دكتور ويوميا بدخل مستشفيات حكومية تابعة للوزارة !

يا راجل؟؟
امال ايه السؤال بتاع مش عاملين اعلانات في التلفزيون ده؟؟؟؟

ده احنا عندنا الحاجه لما بتنقص بنعمل طلبيه تاخد بتاع شهرين تلاته و اوقات اكتر قبل ما تيجي ده لو ربنا كرمنا و جت اصلا

**Ashraf_Ibrahim** · 03-10-2011 02:57 AM

المشاركة الأصلية كتبت بواسطة amir

يا راجل؟؟
امال ايه السؤال بتاع مش عاملين اعلانات في التلفزيون ده؟؟؟؟

ده احنا عندنا الحاجه لما بتنقص بنعمل طلبيه تاخد بتاع شهرين تلاته و اوقات اكتر قبل ما تيجي ده لو ربنا كرمنا و جت اصلا

اه والله وما ليك عليا حلفان

بس هفهمك نقطة انا مش دكتور معالج انا صيدلي في شركة ادوية

اما عن الطلبيات اللي بتتأخر فدا بيرجع لنظام المناقصات سواء التأمين الصحي او وزارة الصحة ايا ما كان مش هندخل في تفاصيل ملهاش لزمة
السؤال دا سؤال اعتراضي ليس الا بما ان المفروض ان البلد بتتغير يعني ! انما دا مش عشان انا مبدخلش مستشفيات او ما شابه انا يوميا في مستشفى شكل على مستوى القاهرة

*طيب ايه رايكم لو ننظم يوم للمنتدى ككل ونروح نتبرع هناك ؟!
اعتقد فكرة جيدة ناخد عليها ثواب كبير باذن الله