يا رجالة انا لقيت البيرجيسدون بوتينزا !

**Ahmod** · 03-10-2011 02:35 AM

السلام عليكم ورحمة الله وبركاته

نظرا لاني اليومين دول دائم اللف عند محلات الكاوتشات والجنوط عشان ناوي اجنط العربية

ابشركم ان الحمد لله لقيت نفس كاوتش الياريس البيرجيسدون بوتينزا الياباني

لقيته في فرع بيرجيسدون في شارع مراد

مسؤل المبيعات قالي الكاوتش هيبقى متوفر بداية من الاسبوع القادم ان شاء الله

سعر الفردة للمقاس (185/60 R15 ) نفس مقاس الياريس : 658 جنيه

بيديلك معاه ضمان 4 سنين ضد عيوب التصنيع

---

وبالمناسبة حابب اخد رايكم في الجنط ده

(اول واحد على اليمين الصورة مرة بفلاش ومرة بدون عموما هو لمعته مطفية بس الفلاش مبينه بيلمع )

ده جنط 15 تايلاندي لقيته عند اشرفكو ونفسه عند سعيد علام

ماركة SSW

سعر الطقم 2300 جنيه ايه رايكم ؟

والجنط التايلاندي ده كويس وافضل من التيواني والاندونيسي ؟

**Ahmod** · 03-10-2011 07:36 AM

المشاركة الأصلية كتبت بواسطة BLOODY_STONE

عايز رأيي الصراحة : ولا واحد من الجنوط دي حيبقى حلو عليها ... هما حلوين اوي بس عالياريس ... مفتكرش ....

ولو 15 كمان حيبقى اسوأ لان العربية عالية ...

نصيحة هات 17 احسن ... هو اللي ممكن يخلي العربية تنطق ... او هات شكل قريب لبتاع الياريس الاسبور ... حيبقى حلو برضه ...

دي مشكلة الياريس بقى صعب تلاقي جنط حلو عليها ...

انا متفق مع حضرتك وعارف ان الياريس عربية عالية وممكن جنط صغير زي ال 15 مايبقاش كويس عليها

بس انا اقول لحضرتك انا حسبتها ازاي

اول حاجة استبعدت جنط ال 17 عشان الشارع اللى انا ساكن فيه مكسر ومتبهدل ومش متسفلت واغلب الطرق اللى بمشي عليها كذلك

بالتالي لو ركبت جنط 17 شهرين تلاتة وهودع الجنط والعفشة بالكامل ! !

اما بالنسبة لجنط ال 16

انا كنت في الاول ناوي اجنط عشان احسن الثبات وبعد اللى فهمته من كلام البشهمندس عاصم واكتر من واحد تاني في المجال ده ان التجنيط مش هو الدور الاساسي في الثبات

فبالتالي دلوقتي الجنط بقى لزمته بالنسبة ليا شكل اكتر من فائدة

لو ركبت جنط 16 هضطر اضحي بكذا حاجة

1- بالكاوتش اللى عندي (انا كنت ناوي اغيره بس بعد لف هنا وهنا اكتشفت ان لسه فيه ممكن يمشيني فوق 20 الف او 30 الف كيلو كمان)

2- عزم العربية او سحبها على حسب كلام كتير من الاخوة هنا ان الجنط لما بيكبر عن الحجم الstander ده بيتناسب عكسي مع عزم الماتور او سحب العربية

يبقى لو حسبتها هتلاقي اني هضحي بعزم الماتور وشوية من قوته الى جانب كاوتش لسه فيه يمشيك 20 الف كيلو كمان مقابل جنط شكله احلى !

وبالتالي كنت مضطر اني اختار الجنط 15 واللى شجعني اكتر اني لسه شايف افيو من كام يوم مركبة جنط 15 وحجمها يعتبر مقارب لحجم الياريس وكان شكله فيها تحفة تحفة تحفة

للاسف اني مش لاقي ولا ياريس مجنطة

كله صور من النت

نفسي اشوف واحدة بس على الحقيقة عشان اقدر اتخيل الشكل بس مافيش

**asemx1** · 03-10-2011 10:33 AM

و مع احترامى لك كل الجنوط دى بشوفها على التاكسيات الى فى المنصوره بكثره

اصل مافيش تاكسى هنا مش مجنط كلهم مجنطين فلو عايز فعلا تبىقى حاجه تانيه هاتلك المستعمل ال 17 دا

ملحوظه : التاكسيات فى المنصوره متريشييين اخر حاجه من زى بتوع مصر انا شوفت هنا تاكسى كورولا 2011 كامله فتحه سقف وفى ياريس دا غير بقى الفيرنات الى متظبطه بكثره :d

**Ahmod** · 04-10-2011 06:44 PM

المشاركة الأصلية كتبت بواسطة asemx1

كويس اوى انك قولتلنا على الكاوتش الاصلى انا اول ما هييجى هروح اجيبه فورا واخزنه عندى
تانى حاجه جنط زى دا بيتباع فى المنصوره ب 1800 جنيه بالكتيير لو التاجر حرامى ال 2300 دى تجيبلك حاجه 17 محترمه
تالت حاجه كان فى ادامى جنط اسود بحز برتقالى يابانى 100% مقاس 15 مستعمل نضيف جدا عامله 900 جنيه

بص يا استاذ احمد فى ناس بتبيع جنوط بالكاوتش بتاعها هتلاقى جنط بالكاوتش كت مثلا لا يتعدى تمنه ال 1500 جنيه
شيل الى عندك وتحط دول ولما تزهق تغير دا يبقى احسن بكتير انك تجيب جديد وكاوتش جديد
الكلام دا عندها هنا فى المنصوره منتشر وجنوط تحفه بكاوتشاتها موجوده معرفش الاماكن الى بتبيع الحاجات دى فى مصر فين ؟؟

تحياتى لك .........

المشاركة الأصلية كتبت بواسطة asemx1

و مع احترامى لك كل الجنوط دى بشوفها على التاكسيات الى فى المنصوره بكثره

اصل مافيش تاكسى هنا مش مجنط كلهم مجنطين فلو عايز فعلا تبىقى حاجه تانيه هاتلك المستعمل ال 17 دا

ملحوظه : التاكسيات فى المنصوره متريشييين اخر حاجه من زى بتوع مصر انا شوفت هنا تاكسى كورولا 2011 كامله فتحه سقف وفى ياريس دا غير بقى الفيرنات الى متظبطه بكثره :d

والله يا بشمهندس عاصم انا كاتب موضوع الكاوتش ده مخصوص عشان عارف ان حضرتك بتدور عليه ولو حضرتك ماكنتش شفت الموضوع كنت هتصل بيك اقولك علطول انه موجود ومتوفر

وعلى العموم فرع بيرجيسدون ده قريب جدا عليا بيني وبينه حوالي ربع ساعة لو الطريق معقول وممكن خلال كام يوم كدة اسالك عليه تاني بحيث اول مايكون موجود اديلك خبر

بس هو مش ضرر على الكاوتش انك تشتريه وتخزنه عندك ؟ ؟

----

اما بالنسبة للجنط هو مشكلة الجنط ال 15 انه اشكاله قليلة والتشكيلات بتاعته مش زي مانت عايز

والراجل قال 2300 اول كلمة بعد كدة لما فاصلت قالي 2100 يعني اعتقد لو هخلص فيه ممكن يخلص على 2000

وانا والله لحد دلوقتي محتار مابين ال 16 وال 15

عايز اركب 16 بس مستحرم اغير الكاوتش وهو لسه فيه + خايف فعلا سحب العربية يتأثر

لو وقع قدام حضرتك جنط 15 نضيف ويستاهل اديني خبر علطول والف شكر ليك

**memo823000** · 12-10-2011 02:22 AM

انا راى ممكن تمؤ ماه فى الحرفيين على رجلك كدا وتتفرج على الجنوط الاصليه بصراحه الياريس مبيلقش عليها غير جنوطها الاصليه وممكن تلاقى الجنط الاصلى للياريس تبقى بجد عملت حاجه جامده وكانك راكب ياريس اعلى فئه
وطبعا انا غير متفق انك تركب للياريس جنوط 17 بتبقى عريضه قوى عليها وبايخه بصراحه (دى وجهات نظر)
لو لقيت جنط 16 نضيف وخفيف ركبه متخفش بس لازم تتاكد من مقاس الكوتش لان ساعتها هتدور على المقاس 195/50/16 وده نفس مقاس كوتش الاكسنت ار بى هاى لاين او 185/55/16 وده مقاس الهوندا سيتى هاى لاين فتاكد المقاسين موجودين ولا لا لو مشموجودين يبقى اصرف نظر وخليك فى ال 15
والله المستعان