المشاركة الأصلية كتبت بواسطة ghazy12
طبعاً و قبل اي حاجة... ألف مبروووك على العربية و ربنا يديك خيرها و يكفيك شرها...
بصراحة... انا رحت و اتفرجت على العربية اكتر من مرة, و شفت البيز لاين و الهاي لاين,
أول مرة شفتها كانت بيز لاين... كرهت العربية والله العظيم لاني حسيت انها فقيرة بشكل غير طبيعي
و حسيت ان الهاي لاين مش هتفرق كتييير, بس الحق يتقال بقى, لما شفت الهاي لاين من اسبوع تقريباً
رأي و نظرتي للعربية اتغيرت 180 درجة بجد... السبورتاج هاي لاين مش ناقصها اي حاجة في رأي
اعترف اني كنت ظالم العربية دي في الأول, لكن دلوقتي انا شايف لو فعلاً بعد التجربة الموتور بتاعها
مش زي ما بيتقال عليه انه مخليها تقيلة شوية و كده, و فعلاً بيديك تسارع كويس و صوت منخفض
و على الأقل طلعة كويسة, مش قوية بس كويسة, مع هاندلينج محترم و ثبات على الطريق...
العربية دي تبقى افضل cross suv في مصر, و اكيييد best value for money :))
انا عرفت ان الهاي لاين هتغلى 10000 جنيه كمان, و اظن مش الهاي لاين بس, اكيد كل الفئات بردو !!
طبعاً ده نفس السيناريو بتاع السيراتو أول ما نزلت... بردو رفعوا سعرها بعد كام شهر !!!
اللي نفسي فيه فعلاً... اعمل test drive للعربية دي علشان اقدر اديها تقييم يكون مبني على اساس سليم :))
عموماً... ألف مبروووك على العربية يا باشا, و ربنا يباركلك فيها ان شاء الله...
تحيــاتي..