الموضوع: حصريا اول تقرير مصور عن كيا سبورتاج 2012

المشاركة الأصلية كتبت بواسطة mohamed_selim

مبروك يا باشا ... كام استفسار صغير كده:
-فرامل 7/10 : ليه؟
- اوبشنز محتاجة تزيد كام حاجة خصوصا علي ل سعر ده : زى ايه .. ايه اللى ناقص و انت معاك انهى فئه ؟
-حجم شنطة متوسط مقارنه ب عربيه سيدان محترمه : قارنتها بالكارينز ؟

زي ماقلت أنا معايا ميجان وأي فرامل تانية بـال نسبة ليها ضعيفة فيال ميجان بـتحس إن فيه حد خبطك من قدام وفي نفس الوقت حد شدك من ورا ولو مش متعود عليها ممكن تقف وتخبط اللي وراك
بس ديه (طبعا الحمد لله أنا ماكبستيش فرامل لحد دلوقتي لأن الكتالوج بيقول أول 1000 كيلو ماتتسخديمش فرامل الطوارئ إلى في الضرورة ) فـمستنيها تاخد وقتها
بس برده مش متوقع تحسن كبير نظرا ل حجم العربية
بس هيا كده في اغلب العربية العليا
أنا مااحتجتيش حتى أجيب الدواسة على الاخر لاني بقف قبل ماأوصل ل المستوى ده من الفرملة

الفئه التانية

ماقرينتهاش بالكارينز حابص على الكارينز بكرة إن شاء الله وأرد عليك

ألف مبروك على السبورتاج

و حضرتك بتستعمل فيها بنزين كام 92 ولا 95

علشان واحد قريبي مهتم بيها بس مشكلته البنزين مش عايز يجيب حاجة 95

المشاركة الأصلية كتبت بواسطة sherief85

i want to ask about the engine, is it the same as cerato or completely different.

الانجين 140 عند 6300 rpm حصان (gdi( gasoline direct injection _ مش عارف بـصراحة العزم قد إيه لانهم مش كاتبين
كان مفروض ينزل في السيراتوا مش عارف ليه مانازلهوش

شكرا ل كل اللي بارك وإن شاء الله تجبه أحسن منها 10000 مرة
بـال نسبة ل البنزين زي ماقلت مكتوب فيال كتالوج ال 92 مسموح بيه بس كل 15000 كله نحط منظف وفي الجروب بيتاع التوكيل قالوه بنزين 95 يخليها 140 حصان وبنزين 92 يخليها 133 حصان أنا حطيت 95 علشان التلين وإن شاء الله بعديها حاجرب افضي التنك وأحط 5 لتر 92 وأشوف حتسقف ولا لأ بس أنا سمعت من كتير إنها مش حيجرى حاجة بس برده الناس ديه عايزة تبيع
أنا عملت 300 كيلو النهاردة بس ويوم الخميس إن شاء الله حأسافر بيها القاهرة تعملها 600 كمان وبـ كده التلين يبقه خلاص ونجرب
التلين لمدة 1000 كيلو وما يزيدش الr.p.m عن 3 وما تسيبش العربيه على السالانسه لمدة تزيد عن 3 دقائق وما تسبتش على سرعة لمدة طويلة وما تكبسش فرامل مفاجاه

من الحاجات اللي عجبتني فيها إن نور التابلوه أبيض
2- الكاسيت شيك قوي وفوق الممتاز وفيه اوبشن إنك تطفي النور بتاعه وهو يفضل شغال علشان مايضايقكش في السفر بالليل صوته نقي ودرجة الصوت بتاعه بـتتغير حسب سرعة العربية
3- تكيف جميل جدا هو أوتوا ديوال زون وسرعات المروحة 6 أو 7 مش فاكر قوي
4- التابلوه عموما شكله شيك جدا
إن شاء الله حأحط صور تفصيلية بس افضى إن شاء الله

نسيت اقول مفيش فوج ليت خلفي

المشاركة الأصلية كتبت بواسطة ahmed_911_98

زي ماقلت أنا معايا ميجان وأي فرامل تانية بـال نسبة ليها ضعيفة فيال ميجان بـتحس إن فيه حد خبطك من قدام وفي نفس الوقت حد شدك من ورا ولو مش متعود عليها ممكن تقف وتخبط اللي وراك
بس ديه (طبعا الحمد لله أنا ماكبستيش فرامل لحد دلوقتي لأن الكتالوج بيقول أول 1000 كيلو ماتتسخديمش فرامل الطوارئ إلى في الضرورة ) فـمستنيها تاخد وقتها
بس برده مش متوقع تحسن كبير نظرا ل حجم العربية
بس هيا كده في اغلب العربية العليا
أنا مااحتجتيش حتى أجيب الدواسة على الاخر لاني بقف قبل ماأوصل ل المستوى ده من الفرملة

الفئه التانية

ماقرينتهاش بالكارينز حابص على الكارينز بكرة إن شاء الله وأرد عليك

الف مبروك مره تانيه و ربنا يديك خيرها و يكفيك شرها ...
بالنسبه للفرامل هتلاقيها متظبطه مع حجم العربيه ... يعنى اكيد على كلامك فرامل الميجان شديده بس من وصفك انا شايف انها زياده على حجمها ... انا مع الكارينز شايف ان الفرامل كويسه و أظن ان هتلاقى المنظومه متشابهه فى السبورتاج

بالنسبه للشنطه برضه كان معايا سيينا و شنطتها بحر و من المنظر بتاع الكارينز (اول مره اسوق عربيه شنطتها جواها) حسيت ان الشنطه صغيره ... بس هتعرف الفرق لما تيجى تسافر و تحط حاجات العيله كلها و تقارن بالميجان ... لأن فى الكارينز و السبورتاج هتحسب مساحة الشنطه من الباب للكنبه و من الارض للسقف فهتعرف تحط الشنط واقفه فهتديك مساحات و ترتيب مختلف عن ترتيب العربيه السيدان العاديه ...

مبروك :)

بـ النسبة ل الشنطة عندك حق بس أنا حسب الشنطة لحد قبل الازاز علشان أنا مهم عندي جدا ان اباه شايف اللي وراية فيمصر عنا عايز طبآه شايف اللي قدامك واللي وراك واللي فوقك واللي تحتك لو امكن وكله فينفس الوقت ولو ينفع تركب سلك شائك حوالين العربية وإنت ماشي واللهِ حيبقه مفيد
وال فرامل أنا مقلتش إنها وحشة هي فعلا على حجم العربية مناسبة بس برده مصر هنا عايزاه لو ينفع تركب براشوت يطلع لما تدوس فرامل علشان تقف مرة واحدة برده ح يبقه مفيد لأن فيه ناس بـتمشي من غير نور فرامل وبـ تلاقيها وقفت مرة واحدة ومش بـتحس إنها وقفت إلى لما طبقه قريبه قوي

أنا إن شاء الله حأعمل فيديوهات لكل حاجة فيها علشان طبآه أوضح من الصور