حصريا اول تقرير مصور عن كيا سبورتاج 2012

**محمد بدر** · 15-12-2011 09:10 AM

عايز سبورتاج تسليم فورى اوفر بريس غير مبالغ فيه . ياريت حد يدلنا

**ahmed_911_98** · 15-12-2011 06:37 PM

المشاركة الأصلية كتبت بواسطة wessamsheta

انا عضو جديد فى المنتدى و فعلا انا سعيد للمواضيع الشيقة فعلا مثل هذا الموضوع لان الكيا سبورتاج عربية شيقة شكلا و مضمونا
المهم استفسارى هو كالاتى:
كنت مع احد اصدقائى كان بيشترى سيراتو و رجل المبيعات قالنا ان السيراتو 2012 مختلفة عن 2011 فى توزيعة الاوبشنز يعنى هيحطوا اوبشنز اكتر فى الموديلات الاقل مثل lx & ex و فرق تمن قليل جدا مثل ان البلوتوث من الدريكسيون فى كل الموديلات ماعدا المانيوال مش زى زمان فى الهاى لاين بس و اوبشنز تانية كتيرة نفس النظام.
المهم انا سألت هل برضه ده هيحصل فى السبورتاج 2012 لان اللى فى السوق حاليا تعتبر 2011 بانسبة للخارج هى نازلة من اول السنة
الرجل قاللى معرفش المهم دعبست على النت لقيت فى بعض المواقع ان 2012 فيها فعلا بعض التغييرات فى توزيعة الاوبشنز على كل الموديلات و هى تغييرات مؤثرة فعلا
برجاء الافادة و لو كده متوقع امتى هتنزل لان حرام الواحد يشترى حاجة دلوقتى و بعد 4 الى 5 شهور تتغير للاحسن و بفرق تمن قليل.

و شكرا

لو تعرف تحط لنكات علشان أعرف الفروق إلي حضرتك بتقول عليها و أقولك تستاهل تستنى ولا لا

**wessamsheta** · 16-12-2011 02:30 AM

المشاركة الأصلية كتبت بواسطة ahmed_911_98

لو تعرف تحط لنكات علشان أعرف الفروق إلي حضرتك بتقول عليها و أقولك تستاهل تستنى ولا لا

ده احد اللنكات مؤقتا Kia Media

2012 Kia Sportage Review and Prices | iGuida

منتظر رايكم

**ahmed_911_98** · 22-12-2011 05:28 PM

لو فعلاً إلي بيقوله ال-sites ده صح ف الحاجة إلي شدت انتباهي هي noise, vibration and harshness (NVH)
بس أحسبها معايا الوكيل أدامه 4 شهور علشان يسلم يعني على شهر 4 أو 5
و عبال ما يبدء الموديل بتاع 2013 ينزل لأن دة هو موديل 2012 من وجهة نظر الوكيل يعني أدامك سنة كمان على الأقل
لو عايز تستنى استانة
بس فيه صور لالعربية بفوجت أكبر و بصراحة مش عارف ديه معناها اه موديل أقدم ولا ال-2000 cc ولا ف بلد تانية

**roffa1** · 23-12-2011 12:52 AM

ممكن تقولى -لو كنت متأكد- تمن الفردة 225/60/17 بتاعة الفئة التانيه و الهاى لاين بتتراوح من كام ل كام أصل انا سمعت النهارده بس : ان تمنها حوالى 1500ج .
و انا حجزت الفئة التانيه . فلو كان الموضوع كده اروح اسحب فلوسى . كمان سمعت اشاعه ان كاوتش الجنط ال17 بيعمل بلالين . واحد أكدلى انه كان عنده فى الشركه بتاعته عربيات مختلفه(باسات و جيتا و سيراتو و مازدا 3 ) و كلهم جانط 17 و كلهم عملوا بلالين

**ahmed_911_98** · 23-12-2011 03:01 AM

النسبة لتمن الفردا فدة طبيعي حتى لو عربية صيني فحى يبإه نفس الموضوع لأن الكوتش بيجي من شركات تانية
تمنه أد اه بالظبط معرفش لسة
أما موضوع البالونة أيوا جنت 17 بيعمل بلالين بس على البروفيل الصغير
يعني اه بروفيل يعني قطر المحيط بتاع الكاوتش من برة نشيل منه قطر محيط الجنت
يعني مثلاً العجله بتاعة الجرار تفتكر الجنت بتاعها أد اه أكيد أكيد أكبر من 17 و مش بتعمل بلالين
البروفيل ف السبورتج هو رقم 60
225/60 r 17
أما بئه العربيات التانية فرقم 60 دة أقل حسب كل عربية و كل ما الرقم دة يقل كل ما نسبة طلوع بلونة ف الشوارع المصرية بتزيد
ما تقلقش من العجل بتاع السبورتج أنا أخدت كم مطب حلوين أوي و مفيش بلونة ولا حاجة طلعت
أما بئه بالنسبة لالكاوتش و تمنح الغالي فمن وجهة نظري إن أجيب كاوتش أكبر و ادفع 2000 جنيه زيادة ف ال-4 فرد عن إن أجيب فرد صغيرة و ادفع 2000 جنيه تصليح عفشة معه إنه نفس الرقم بس العربية لم بتتفك عمرها ما بترجع تاني حتى لو ف التوكيل

**roffa1** · 23-12-2011 07:44 PM

المشاركة الأصلية كتبت بواسطة ahmed_911_98

النسبة لتمن الفردا فدة طبيعي حتى لو عربية صيني فحى يبإه نفس الموضوع لأن الكوتش بيجي من شركات تانية
تمنه أد اه بالظبط معرفش لسة
أما موضوع البالونة أيوا جنت 17 بيعمل بلالين بس على البروفيل الصغير
يعني اه بروفيل يعني قطر المحيط بتاع الكاوتش من برة نشيل منه قطر محيط الجنت
يعني مثلاً العجله بتاعة الجرار تفتكر الجنت بتاعها أد اه أكيد أكيد أكبر من 17 و مش بتعمل بلالين
البروفيل ف السبورتج هو رقم 60
225/60 r 17
أما بئه العربيات التانية فرقم 60 دة أقل حسب كل عربية و كل ما الرقم دة يقل كل ما نسبة طلوع بلونة ف الشوارع المصرية بتزيد
ما تقلقش من العجل بتاع السبورتج أنا أخدت كم مطب حلوين أوي و مفيش بلونة ولا حاجة طلعت
أما بئه بالنسبة لالكاوتش و تمنح الغالي فمن وجهة نظري إن أجيب كاوتش أكبر و ادفع 2000 جنيه زيادة ف ال-4 فرد عن إن أجيب فرد صغيرة و ادفع 2000 جنيه تصليح عفشة معه إنه نفس الرقم بس العربية لم بتتفك عمرها ما بترجع تاني حتى لو ف التوكيل

ألف شكر على ردك السريع . بس كنت حابب أسأل سيادتك على تغيير الجنط و الكاوتش الى جنط الفئه الاولى يعنى انا روحت النهارده للتوكيل الرئيسى اللى انا حجزت فيه و كان بالصدفه فاتح النهارده الجمعه وقولتلهم انا عاوز اغير الجنط بس مش الفئه كلها بمعنى انى عاوز استلم العربيه بجنوط 215/70/16 مش 225/60 /17
بصراحه الراجل استغرب خالص و قالى ده الناس كلها بتعمل العكس . انت اول واحد يعمل كده . وقالى سيبلى الموضوع ده وانا هاكلملك مدير المبيعات و هحاول اوفقلك واحد هيستلم معاك و فى نفس الوقت الفئه الاولى ويكون موافق على كده
و بسذاجتى روحت اتسحبت من لسانى و قولتله انا مش عاوز منه فرق فلوس او انت اعمل الديل ده لنفسك عل اساس ان الفرق ده مش هيوصل الالفين ج
بعد ما روحت قعدت افكر لقيت ان الفرق ممكن يعدى ال5000 ج
اخوك محتار فى ناحيتين
1 هل التغيير للجنط الاقل هيأثر على اتزان و ثبات العربيه مع العلم بان ارتفاع العربيه النهائى فى الاتنين واحد
2 هأدفع تمن اوبشن و مش هاخده يعنى هدفع 186000 ج و هاخد عربيه بجنوط 215/70/16
ارجو منك النصيحه

**ahmed_911_98** · 24-12-2011 12:07 AM

إنزل الحق قوله انك لغيت الفكرة
ال بروفيل بتاع الجنت ال-17 هو هو نفسه أو أقل سنة من الجنت ال-15 إلي ف العربيات السيدان
حط نيتروجين و بس كدة مش حى تحتاج تغيره

**ahmed_911_98** · 24-12-2011 12:12 AM

لعربية شكلها أحلى بالجنت ال-17 و كمان فيه الجنت ال-18 بس دة بينزل برة بس بس طبعن البروفيل بيقل علشان كدة ما نزلش هنا

الموضوع: حصريا اول تقرير مصور عن كيا سبورتاج 2012

LinkBack

أدوات الموضوع

عرض

-

-

-

-

-

المواضيع المتشابهه

حصريا لنايل موتورز تقرير مصور عن شيفروليه سونيك الجديدة 2012

حصريا اول تقرير مصور عن كيا سبورتاج 2012

حصريا لنايل موتورز تقرير مصور عن شيفروليه سونيك الجديدة 2012

الكلمات الدلالية لهذا الموضوع

المفضلات

المفضلات

ضوابط المشاركة