استر يارب

**ahmedemad15** · 03-10-2011 02:50 AM

يا جماعه انا معايا لادا 2105 موديل 1983 المهم امبارح بعد ما روحت كنت بدوس على الدبرياج تسمع طقه جامده وانت بتدوس عليه طفيت العربيه برده بيطق جامد لما تدوس عليه ايه دا بقا؟؟؟؟؟؟

**a7madramadan** · 03-10-2011 03:28 AM

دي مشكله فالجيربوكس ... روح لميكانيكي ممكن تكون مشكلة صغيرة غويشة اتكسرت حاجة اتفكت .. وممكن لا قدر الله ترس اتكسر و خبط في حاجة تانية بس ربنا يجعلها حاجة بسيطة و المشكلة تكون بسيطة ......

انا شوفت مشكلة الترس دي بالظبط الجير لزق على الغيار الأمامي الثاني و مع الضغط على دواسة الدبرياج تسمع طقة و لا تستطيع تحريك الفتيس نهائيا وطلعت غويشة الجير الأول الأمامي اتكسرت و اتحشرت و حاجات خفيفة كده ما كلفتش تصليحها كتير... يـــارب مشكلتك تتحل وتكون حاجة بسيطة عموما انت محتاج تروح لميكانيكي ضروري جدا جدا و ابقى قولنا المشكلة طلعت ايه و الله الموفق

**mrastra** · 03-10-2011 12:07 PM

اخى الكريم مشكلتك فى بدال الدبرياج
يوجد على البدال بنز خارج منة وموصول بصباع كبير دورة انة بيدوس على ماستر الدبرياج الرئيسى
فى الغالب البنز دة عاوز يتزيت او حصل فية تاكل

**engaass** · 03-10-2011 05:45 PM

المشكلة فى البدال طالما الصوت موجود والعربية مبطلة

**ahmedemad15** · 03-10-2011 07:02 PM

متشكر يا جماعه جدا انا الحمد لله صلحتها المسكانيكى قالى دا البيضه اللى فى الفرش اللى تحت الفتيس مفكوكه باين وغيرت الفرش بس اضطر لفك الفتيس والعربيه تمام بس الغيارات كلها بقت تقيله بالذات الاول هروح بكره ازيته