تجربة صيانة فاشلة عند مجدى كلاريون

السلام عليكم ورحمة الله وبركاتة

حبيت احذر الأعضاء واحكيلكم الصيانة الفاشلة الى تمت للكاسيت بتاعى

من اقل من شهر حصل عطل فى شاشة الكاسيت بتاعى وقفت خالص

دة صورة للكاسيت

http://india.kenwood.com/products/ca...duct_image.jpg

فكرت انى اصلحه عند مجدى كلاريون الحجاز ودة بما انى كنت متوقع ان المركز ذو خبرة والكاسيت هايتصلح بجودة كويسة

ولاكن للأسف تفكيرى مكنش فى محله

اول لما سلمت الكاسيت للمركز موظف الأستقبال شافه وقاله دة محتاج يتغيرله الوحدة الى مسئولة عن الشاشة ودة هاتتكلف 250 جنية (نفسى اعرف

ازاى عرف انه هيحتاج يتغيرله وحدة ولا لاء من غير مايكشف على الجهاز ويفحصه ويتأكد من كدة )

وافقت ودخلت الجهاز الصيانة وقعد حوالى 4 ايام منتظر لغاية لما خلصه الصيانة فى الكاسيت

روحت استلم الجهاز وكانت الصادمة

صلحه الشاشة بس بقت عبارة عن خيالات ياعنى لو عايز تعمل حاجة فى الكاسيت تستنى لبليل علشان تقدر تشوفها

ولما اعترضت على جودة الشغل كان ردهم اننا لقينا مشاكل تانية فى الكاسيت وعملنهاك مجانا وهانعملك تخفيض من 250 الى 215 جنية

زهقت من الكلام الكتيير معاهم وقولت ربنا يعوض عليا تانى يوم قولت اجرب USB لقيته مش شغال رجعتلهم تانى وكان ردهم احنا مجيناش ناحية USB الصيانة كانت فى الشاشة بس

اخدت الجهاز ومشيت لأنى أتقفلت منهم

امبارح قولت افك الجهاز واشوف اية الى حصل فيه وكانت الصادمة


http://www.nileup.com/uploads/images/01102011124.jpg


عاملين كوبرى بأحدى مكونات الكاسيت ودة علشان يشغله الشاشة بأى طريقة وخلاص مش يشوفه سبب تعطلها ويصلحوه

والى لاحظته كمان ان اى جهاز بيجيلهم فيه عيب فى الشاشة بيتقال نفس الكلام وخلاص

انا حبيت اعرض عليكم الصيانة الى اتعملت واحذركم

وحسبى الله ونعم الوكيل فيهم

الصراحه مجدى كلاريون دة عباره عن عصابه
من اول اللى اسمه ريمووووون دة لحد الصنايعيه الاى كلام اللى بيعملوا اى حاجه بغض النظر عن 2 او 3 كويسين

فاشل فاشل واسعره سيئه واوعى تتعامل معاه تانى

هو الكاسيت مش معاه ضمان؟ !

هو فعلا ريمون الى استلم منى الكاسيت

الكاسيت كان جايلى من برة من غير ضمان

حسبنا الله ونعم الوكيل فى النصابين
علشان كده كاسيت صينى بـ 120 جنيه أخره 200 جنيه
وبعد سنة ولا اتنين ولا خمسه وعمره يتنهى
يترمى فى الزبالة ويجى غيره

والله 90% من الصناعيه فى اى مجال بقوا نصابين وبتوع فهلوه ونادر دلوقتى انك تقابل حد عند ضمير وشاطر فى صنعته المهم الكل يلحق يلطش اللى فى جيبك باى وسيله
وعلى فكره دلوقتى الصناعه فى الاجهزه الكهربائيه والالكترونيه مقعده وصعبه التصليح انا لسه حالص للكاسيت بتاعى البايونير نفس قصتك الشاشه منوره وشغاله لكن مافيش اى زرار بيشتغل قلت بدل مااصلح وادور ويتحرق دمى فى الاخر شيلته وجبت غيره
والله يعوض عليك فى الفلوس

الطريقه دى فى الصيانه اسمها شغل بلدى من ايام وابور الجاز المفروض بيلجأ ليها الناس عشان ميصرفش قرش من جيبه وصاحب الحاجه يبقى مبسوط انه مدفعش كتير لكن 250 والطريقه دى ليه ميقول معنديش قطعه الغيار احسن

ربنا يعوض عليك .
ومشكور جدا انك وضحت لنا الناس دول .
شوف بقي هما خدوا منك 215 جنية . وهايخسروا قدامهم كام . غير سمعتهم الي خسروها

لو كان دة حصل فعلا ....يبقى العالم دي نصابيين فعلا
215 جنيه..........ليه ..........وكمان صباح الدقة شغالين بخمسات الجنيهات ...مايقول 200 والا 210 حتى............. الكاسيت شكله اساسا جديد يعمله 1000 جنيه

اوباااااا ده بجد بقى
يا جماعة انا حصلت معايا مشكلة مع نفس المحل ده وبصراحة مكنتش عايز اشردلهم لكن واضح ان في اكتر من شكوى اهو
انا رحتلهم عندي مشكلة في ال cd changer ورحت عشان هو الاصلي بتاع العربية وماركته كلاريون وال اعرفه انهم توكيل كلاريون وقالولي فعلا احنا ال كنا بنركب الاجهزة دي في العربيات الزيرو وهي في المصنع (التجميع المصري)
المهم قعد عندهم اكتر من اسبوع وكل ماروح يفضل يجرب يطلع فيه عيب لغاية ما اخر مره قالي بص مش هيشغل معاك غير اسطوانات اوريجينال ولازم تغير عدسة ب 450 جنيه طبعا ما وافقتش وقلتله لا مش هصلحه رجعهولي بعدها اكتشفت انه ما بقاش حتى يشغل اوريجينال وخصم طبعا 20 جنيه كشف بعد كده لفيت بيه على اكتر من واحد للاسف محدش عرف يصلحه
انا شكيت والله اعلم عشان ماظلمش بس انهم عملوا فيه حاجة عشان ما رضيتش اصلح عندهم لانه ما بقاش يشغل اي حاجة بعد ماكان بيعلق ويشتغل ساعات

مش عارف بقى هما كانوا عملوا فيه حاجة تخليه يشغل اوريجينال بس ولغوها لما مرضيتش اصلحه ولا هما عملوا حاجة عشان ميشغلش او حتى بدون قصد ولا هو باظ خالص لوحده الله اعلم