السلام عليكم.
لو سمحتوا عايز اعرف الطريق من اسكندريه لسيتي ستارز بس بالتفصيل الممل( يعني من اول بوابات اسكندريه لحد الهدف) عشان انا ميح في القاهره.
انا رحت كذا مرة بس من غير العربيه و دي اول مره اروح بالعربيه.
منتظر الردود
عرض للطباعة
السلام عليكم.
لو سمحتوا عايز اعرف الطريق من اسكندريه لسيتي ستارز بس بالتفصيل الممل( يعني من اول بوابات اسكندريه لحد الهدف) عشان انا ميح في القاهره.
انا رحت كذا مرة بس من غير العربيه و دي اول مره اروح بالعربيه.
منتظر الردود
بص ياباشا
انت حتطلع من بوابات اسكندرية طبعا لحد بوابات القاهرة في الصحراوي
سهلة دي مش كده :)
بعد ماتعدي بوابات القاهرة حتفضل ماشي حتلاقي قدامك نفق و فيه يافطة بتقولك الدائري يمين و ميدان الرماية شمال
تخليك في الشمال و تنزل من تحت النفق (نفق صغير) و تكمل
حتعدي على طلعة المحور سيبك منها و كمل زي مانت
و بعدين حتلاقي طلعة تانية للدائري يمين و مكتوب عليها المعادي و القاهرة الجديدة
حتطلع الدائري و تمشي شوية بتاع 3 كيلو كده تقريبا
و ركز معايا بقى لان الحتة اللي جاية دي مهمة
حتلاقي نزلة يمين مكتوب عليها فيصل و الهرم سيبها و بعدها على طول حتلاقي في كوبري كبير قوي فوق الطريق و فيه طلعة على اليمين تطلعك الكوبري ده
خلى بالك من الطلعة دي اللي هيا محور المريوطية الجديد عشان لو فوتها فيها ساعتين لف زيادة
حتطلع اليمين اللي قبل الكوبري و تفضل ماشي لحد ماتخلص الكوبري انت كده بقيت في المنيب في اتجاه المعادي
تفضل مكمل في الدائري
بلاد تشيلك و بلاد تحطك :)
لغاية ما تلاقي كارفور على يمينك
حتفضل ماشي برضو
اول نزلة بعد كارفور حتلاقي مكتوب عليها مدينة نصر و العين السخنة
ممكن تنزل منها و تلف شوية في مدينة نصر لغاية سيتي ستارز او ممكن تكمل على الدائري لغاية ماتلاقي نفق التجمع الخامس
تمشي يمين من جنب النفق و تاخد الدوران و تدخل شمال
انت طده في طريق na حتمشي فيه حتعدي على استاد الجيش الجديد على شمالك و بعدين في اخر الطريق ده حتلاقي بنزينة وطنية على يمينك
تاخد يمين من بعد وطنية و تمشي في الطريق ده طوالى لحد ما يخلص و تلاقي شارع بالعرض قدامك و على شمالك مسجد السلام
طبعا حتمشي مع الطريق اللي بالعرض(ذاكر حسين) يمين و تاخد اول يوترن في اول يمين تاني
و تمشي لحد ماتلاقي شارع تاني بالعرض في وشك
يوترن و اول يمين تاني (شارع النادي الاهلي )لحد ماتلاقي شارع بالعرض برضو
من غير مااقول بقى انت عارف
يمين في اول يوترن و بس اسنتا عندك
تمشي شوية حتلاقي سيتي ستارز في شارع جانبي على اوله بنك cib
وربنا معاك في الركنة و حمدلله على السلامة :)
الف شكر ياباشا ده انا تهت و انا بقرا المشاركه ربنا يستر ( صدق اللي قال اسكندريه اوضه و صاله).
لو في طرق اسهل من كده ياريت.
و ياريت طريق العوده كمان
على فكرة هو ده فعلا اسهل طريق بس طويل
يعنى انت كده مسافر جوة القاهرة بتاع ساعتين من اول البوابات
الحل التاني انك هتاخد المحوربعد ماتخرج من بوباات القاهرةهتاخدي تاني طلعة للمحور وتكمل وتطلع على الدائري في اتجاه المعادي وتفضل ماشي على الدائري حوالي 20 كيلو او اكتر هتلاقي نفق هتنزل فيه وتطلع الناحية التانية وهاكذا بتاع 3 كيلو لحد ماتلاقي نزلة مدينة نصر او الماظة وتنزل وتفضل ماشي ماشي ماشي هتلاقي نفسك في شارع الثورة ومن هنا هتلاقي نادي دار الاشارة على ايدك الشمال الناحية التانية بعد ماتنزل من الدائري بحوالي 5 كيلو او اكتر شوية ولما تلاقي النادي ده خد الطريق اللي جمبه وده اخره هتلاقي سيتي ستارز على ايدك اليمين