الموضوع: استشارة قانونية : تمليك شقة بدون اعلام وراثة

انا مستأجر هذه الشقة بعقد ايجار قديم منذ حوالي خمس سنوات وبدفع ايجار بانتظام وكل شئ تمام , جت صاحبة الشقة واقترحت عليا اني املك الشقة قلت اوك مفيش مشاكل , بس المشكلة بقي اللي قابلتني , ان صاحبة الشقة تملك هذه الشقة لانها ابنه مالك العمارة وهذه تقسيمه شفويه بينها وبين اخوتها ولكن لا يوجد اعلام وراثة وكل اللي سكانين فى البيت زي بالظبط .
فى واحد قالي انه لازم يعملوا اعلام وراثة علشان يبقي العقد تمام وميحصلش مشاكل بعد كدا , فانا قلقت وخصوصا اني عامل عقد ايجار قديم فى السابق من الوريثة وبدون اعلام وراثة برضوا , المشكلة ان موضوع اعلام الوراثة دا حيبقي صعب اوي لانه فى ناس من ورثة الورثة ماتوا يعني ابن ابن الوريث مات وحتبقي لفه جامده وغالبا مش حيفقوا علي الحوار دا .
فهل هناك بديل لاني اعمل عقد بحيث اني اضمن حقي بعد كدا لو حصل مشاكل مع العلم الناس جيراني من زمان وملهمش فى النصب والكلام دا , بس محدش ضامن يمكن حد من عيالهم عقله يوزوا ويحاول ينصب .
طبعا انا حروح لمحامي واعمل عقد عنده ويمشي فى الاجراءات , بس انا حبيت اخد رأي المحاميين هنا علشان ابقي فاهم الوضع الصح

اللي اقصده اعلام وراثة ابوهم مات ومعملوش اعلام وراثة