الموضوع: الحمد لله عربيتى الكرستالة كانت هتتسرق النهاردة

ربنا يسترها علينا

الحمد لله ربنا ستر , بس انا مفهمتش يعني ايه" نزلت تانى لقيت الجمجمة اللى فوق الدركسيون مكسورة من قواعد الاربع مسامير بتعهم "؟

المشاركة الأصلية كتبت بواسطة calipha3

الحمد لله ربنا ستر , بس انا مفهمتش يعني ايه" نزلت تانى لقيت الجمجمة اللى فوق الدركسيون مكسورة من قواعد الاربع مسامير بتعهم "؟

لما نزلت اول مرة ماكنش معايا المفتاح وطلعت تانى علشان اجيب المفاتيح وابص عليها من جوة وبالمرة اركب قفل الدركسيون (اللى كنت ركنة وبكسل اركبة) فلاقيت الفبرة اللى ورا الدركسيون واللى عبارة عن قطعتين بيقفلوا على بعض (شفف ومسامير) لتغطية مفتاح الكونتكت وخلافة ودى طبعا اى حرامى بيشلها علشان بيفك مسوجر الدركسيون وبعدين يلمس سلوك تشغيل العربية بعد ما يقطعها من ما يقطعها من الكونتكت

الحمد الله

الحمد لله ان ربنا ستر

المشاركة الأصلية كتبت بواسطة husseinsalah

السلام عليكم حصل اللى كنت خايف من من ساعة ما ركبت الموبايل فى العربية وهو انى اسمع النغمة اللى مخصصها لموبايل العربية فى حالة فتح باب العربية مع صوت سرينة الانذار

المكان: شارع جوزيف تيتو بالنزهة (طريق مصر الاسماعلية الصحراوى) امام حى النزهة الجديدة بعد السندباد بحوالى 500 متر

مكان شغلى: شركة بتروجت فى نفس الشارع

الزمان: اليوم الساعة 11.25 دقيقة ظهرا

القصة: وانا فى الشغل دخلت الحمام علشان اتوضأ لصلاة الظهر وكنت بعيد عن مكتبى المهم لقيت زميل لى ندة على مرتين فى الحمام وخرج بسرعة خرجت من الحمام لقيت الزملاء مجتمعين حولين مكتبى وواحد منهم ماسك مموبيلى وعارف نغمة عربيتى وبيقولى الحق عربيتك بترن عليك :b4_564:

ياخبر ... طيران على السلالم 3 ادوار اخدهم فى اربع خمس نطات وخرجت من البوابة وكان زميلى اللى ندة على كان سابقنى بس لقيتة واقف لانة مش عارف انا راكن فين المهم وصلت للعربية لقيتها مقفولة عادى وكنت سايب المفتاح على المكتب طلعت جبتة وطبعا كان ورايا جيش من الموظفين وامن الشركة لان الموبايل عمل فضيحة فى الشغل (صوت سرينة اسعاف) المهم نزلت تانى لقيت الجمجمة اللى فوق الدركسيون مكسورة من قواعد الاربع مسامير بتعهم وكانت ملاحظاتى كالاتى......

اول ماقربنا للعربية السايس بتاع عربيات موظفين حى النزهة واللى مفروض قاعد تقريبا جنب العربية بتعتى (بس مش مسؤل عنها) جة علينا جرى وطبعا سألناة انت ما شفتش حد او سمعت انذار العربية قعد يقسم كأنة بنفى التهمة عن نفسة ان ماسمعش حاجة او شاف حد وقال بالنص انا لوشفت اى حد بيسرق اى عربية من عربيتكم ماليش دعوة بية ورايح جاى ورانا كانة هو المتهم وشكلة والله العظيم بلطجى بلطجى ياعنى ...
تانى حاجة لقينا واحد جاى من بعيد شوية وكان واقف من ساعة ما نزلنا وجة علينا بالراحة وسألنى هو ميكروباص رابعة بيعدى من هنا مع انة كان واقف مع الناس اللى رايحة رابع والسيدة عائشة ما سألهمش لية وبعدين هو شايف الدربكة والحوار دة مالقاش غيرنا يسألنا
المهم واضح جدا ان الحرامى كان موقف واحد فى او الشارع اللى بيدخل على بوابة شركتنا وبطريقة ما نبه الحرامى علشان كدة خلع، واكاد اجزم ومش انا بس ان السايس دة اس البلاوى
وربنا يسترها علينا وعليكم

قدر الله وماشاء فعل انت شغللك جنبى على طول انا بعد السندباد شيراتون هليبوبلس وفعلا المنطقة بقالنا كام يوم عربياتنا بتتقلب وياريتها واقفة فى الشارع ده فى الجراج بتاع العمارة اللى احنا فيها وجنب السور بتاعها اتسرقت بطارية من عربية واحد صاحبى 128 واتسرقف البلوف الاسبور النيكل دى 3 عربيات انا و2 معايا وحاجة اعوذ بالله وفعلا بتبقى فيه ناس غريبة ماشية فى الشارع بس الواحد هايقعد يقلب فى الناس ةالا ايه ربنا يلطف بينا ويسترها انا اساس حالف من ساعة البوف اصلها حاجة مستفزة ان لو وقع تحت ايدى حد هاقعد اضرب فيه مش عارف لغاية فين عمرى ما هاسلمه لانهم بيسيبوه يمشى تانى وحصلت جنبنا برضوا لا حول ولا قوة الا بالله