قفل الدريكسيون والامان

**Moustafa.yonis** · 03-10-2011 10:27 PM

لما جبت اللوجان كنت خايف عليها من السرقة في القترة اللي احنا عايشين فيها دي

يمكن علشان كده كنت عايز اجيبها كسر زيرو ومش علي الزيرو علشان متبقاش ملفته ومغرية للسرقة

لكن مرضتش اغامر وجبت زيرو

عرفت ان الامان في العربية عالي ومحدش يقدر يسرق العربية لانها مش هتدور الا بمفتحها الكمبيوتر الا فقط لو حد شدها بونش

او كبيره يكسر القزاز

واتقال ان الانذار ممكن ميبقاش عملي الا لو نوع نضيف واتركب عند واحد محترف وده هيبقي تمنه غالي شوية وانا لسه دافع تمن العربية والترخيص وخلافه

المهم لقيت افضل طريقة واوفرها هي قفل الدريكسيون

قفل بمفتاح كومبيوتر بيربط بين الدريكسيون والدبرياج بيحث يجعل عملية السرقة مستحيلة

وليه ميزة تانية ان الحرامي لما يشوفه مش هيحاول يجرب مع العربية ويكسر القزاز

اكيد هيدور علي عربية اسهل

القفل سهل جدا تركيبة مش بياخد وقت اطلاقا وعملي كمان

انا اشتريته من التوفيقة
كان فيه كذا نوع

جبت نوع محمل شوية ب 80 جنية

لو حد حابب الصور انا ممكن ارفعها

ربنا يسترها علينا

**lawerxx10** · 03-10-2011 10:34 PM

موضوع جيد يا مان

**Ahmed A Rahman** · 04-10-2011 05:30 AM

قفل الدركسيون مع الدبرياج من اسهل ما يمكن فتحه

غلط على دواسة الدبرياج

الافضل انذار spy 2 way انا مركبه من حوالي 8 شهور وزي الفل

**harizy** · 04-10-2011 10:28 PM

هو الأفضل من القفل اللى مع دواسة الدبرياج القفل اللى فى الطارة فقط :ـ
أولاً: بيبقى ظاهر فممكن لو الحرامى شافو ما يحاولش يخش العربية أساساً.
ثانياً ربطه وفكه سهل أحسن من التوطية عشان تشنكل دواسة الدبرياج.
ثالثاً: يركب على العربيات كلها لأن الطارة استنادرد، إنما المسافة بين الطارة والدبرياج متفاوتة من سيارة لأخرى.
أخيراً: فيه أنواع منه ليها أكثر من استخدام يعنى ممكن تربط الطارة مع الفتيس أو الفتيس مع فرملة اليد، وده مفيد أكثر للأتوماتك.

وربنا يستر على عربيتنا جميعاً

**Moustafa.yonis** · 05-10-2011 10:49 AM

المشاركة الأصلية كتبت بواسطة د.أحمد عبد الرحمن

قفل الدركسيون مع الدبرياج من اسهل ما يمكن فتحه

غلط على دواسة الدبرياج

الافضل انذار spy 2 way انا مركبه من حوالي 8 شهور وزي الفل

معلش يا فندم ممكن اعرف ازاي من اسهل ما يمكن فتحه
علي اي اساس
مفتاح كمبيوتر وحديد محمل
واسهل من ايه

اكيد في كل الاحوال مش هيكون اسهل من عربية مفيهاش قفل

وعايز اعرف ليه غلط علي دواسة الدبرياج

الراجل في المحل قالي انه ينفع مع الفرامل والدبرياج بس محدش قال ان فيه مشكلة
ياريت لو عندك فكرة تقولي

وجزاكم الله خيرا

**Moustafa.yonis** · 05-10-2011 10:58 AM

المشاركة الأصلية كتبت بواسطة harizy

هو الأفضل من القفل اللى مع دواسة الدبرياج القفل اللى فى الطارة فقط :ـ
أولاً: بيبقى ظاهر فممكن لو الحرامى شافو ما يحاولش يخش العربية أساساً.
ثانياً ربطه وفكه سهل أحسن من التوطية عشان تشنكل دواسة الدبرياج.
ثالثاً: يركب على العربيات كلها لأن الطارة استنادرد، إنما المسافة بين الطارة والدبرياج متفاوتة من سيارة لأخرى.
أخيراً: فيه أنواع منه ليها أكثر من استخدام يعنى ممكن تربط الطارة مع الفتيس أو الفتيس مع فرملة اليد، وده مفيد أكثر للأتوماتك.

وربنا يستر على عربيتنا جميعاً

حابب بس ارد علي النقط اللي حضرتك قلتها بصفتي مجرب الموضوع
اولا: قفل الدبرياج او الفرامل بيبقي باين علي فكرة، يمكن النوع اللي جبته كده
ثانيا: ربطه وفكه سهل جدا ومش محتاج توطي، انت بتفرد دراع وتشنكل بيه الدواسة وانت قاعد، واول لما تفتحه بالمفتاح بيفك علي طول

ثالثا: هو عبارة عن جزئين بيدخلوا في بعض، تقدر توسعه وتضيقه علي حسب العربية، وبتقفل في الوضع اللي بيوقف بيه حركة الدريسكيون

طبعا انا مش بعمل دعاية لنوع معين من الاقفال ولكن الفكرة ان ده ميزته انه بيشل حركة العربية تماما بربط الدواسة مع الدرسيكيون

ثانيا القفل ده يصلح كاداة دفاع عن النفس او حتي هجوم، حاجه كده تقيله وحديد وبتتفرد تقدر تضرب بيها اي حد في حالة الدفاع

لكن السؤال هل القفل ده يغني عن الانذار؟؟؟؟؟؟؟؟؟

**Seifmando** · 05-10-2011 11:13 AM

القفل دا يتفور فى 3 دقايق بالكتير اوى
مش هضيع وقت فى انى انشر القفل لأ

انا هنشر الدركسيون نفسه فى دقيقتين بالكتير

الميزة الوحيدة للقفل دا ان الحرامى هيدور على الاسهل
بس لو العربية عجباه وغالية والجو مناسب (مركونة فى حتة مش ظاهرة) هياخدها هياخدها
وفى الاول وفى الاخر الحارس هو الله واحنا بناخد بس بالاسباب

**Moustafa.yonis** · 05-10-2011 11:27 AM

المشاركة الأصلية كتبت بواسطة seifmando

القفل دا يتفور فى 3 دقايق بالكتير اوى
مش هضيع وقت فى انى انشر القفل لأ

انا هنشر الدركسيون نفسه فى دقيقتين بالكتير

الميزة الوحيدة للقفل دا ان الحرامى هيدور على الاسهل
بس لو العربية عجباه وغالية والجو مناسب (مركونة فى حتة مش ظاهرة) هياخدها هياخدها
وفى الاول وفى الاخر الحارس هو الله واحنا بناخد بس بالاسباب

طبعا كل الاحتمالات واردة لكن الواحد بياخد بالاسباب

اولا حضرتك بتتكلم عن انهي قفل
ودقيقتين دي مش شايف انه وقت قليل لو عندك حديد محمل وانت مش راكن في مكان بعيد وتكون بتحرص تركن جمب عربية اغلي من عربيتك علشان الحرامي ميبصش لعربيتك

ثانيا احنا بنتكلم عن اللوجان، وفيه حد من الاعضاء قال انها فيها خاصية كده بتخليها مستحيل تتحرك من غير مفتاحها الا لو ونش شالها

ويبقي القفل فقط دوره انه يخلي الحرامي ميحاولش ويكسر القزاز

**Seifmando** · 05-10-2011 12:19 PM

المشاركة الأصلية كتبت بواسطة fahdebnyonis

طبعا كل الاحتمالات واردة لكن الواحد بياخد بالاسباب

اولا حضرتك بتتكلم عن انهي قفل
ودقيقتين دي مش شايف انه وقت قليل لو عندك حديد محمل وانت مش راكن في مكان بعيد وتكون بتحرص تركن جمب عربية اغلي من عربيتك علشان الحرامي ميبصش لعربيتك

ثانيا احنا بنتكلم عن اللوجان، وفيه حد من الاعضاء قال انها فيها خاصية كده بتخليها مستحيل تتحرك من غير مفتاحها الا لو ونش شالها

ويبقي القفل فقط دوره انه يخلي الحرامي ميحاولش ويكسر القزاز

انا قصدى القفل اللى عامل زي الشماعة بس مفرودة
اقل كمان من دقيقتين لانى مش هنشر القفل لأ انا هنشر الركسيون نفسه واعدى القفل اللى ماسك فيه من الحتة اللى اتنشرت
انا بصراحة معرفش اي حاجة عن اللوجان بس اللع اعرفه انا الحرامى لو عاوز ياخد العربية هياخدها لان اللى عامل نظام الامان فى العربيات بشر مش ملايكة

وربنا يحرس عربياتنا كلنا ويغنى الحرامية بالرزق الحلال