هيونداى كانت تقليد لهوندا_'انا شايف كدة' حد معايا‎‎!‎

**i_Am_Legend** · 04-10-2011 01:46 AM

اصل النهاردة واحد صاحبى بيدور على اكسيل_فبقولة يابنى هاتلك سيفيك 91 احسن الف مرة_قلى لااااااا_الأكسيل احسن_بس انا مسكت نفسى بالعافية علشان كنت هاعضة_هههههههههههههههه

**Ahmed A Rahman** · 04-10-2011 01:49 AM

دي هيونداي

The company's first model, the Cortina, was released in cooperation with Ford Motor Company in 1968

ودي هوندا
The first production automobile from Honda was the T360 mini pick-up truck, which went on sale in August 1963

يعني الفرق 5 سنين بس

**AutoTycoon** · 04-10-2011 02:44 AM

لوووووووووووووووووووووول الكورتينا كانت بالتعاون مع هيونداي !! بجد المعلومة دي من اجمد المعلومات اللي عرفتها من كام شهر!

**mahamedaraby** · 04-10-2011 02:58 AM

انت عارف ان شركه النصر كان بتجمع سيارات قبل ما هيونداى تفتح اساسا وكانت شريك اساسى لفيات فى مصر ايام لما كانت فيات العربيه الاولى فى العالم يعنى كان معاك خيره وشراكه قويه وايدى عامله ومعملتش حاجه ؟؟!!!

**MaZaGAngeE** · 04-10-2011 03:32 AM

المشاركة الأصلية كتبت بواسطة mahamedaraby

انت عارف ان شركه النصر كان بتجمع سيارات قبل ما هيونداى تفتح اساسا وكانت شريك اساسى لفيات فى مصر ايام لما كانت فيات العربيه الاولى فى العالم يعنى كان معاك خيره وشراكه قويه وايدى عامله ومعملتش حاجه ؟؟!!!

انت معملتش حاجة عشان كان لازم يقطسوك مش عشان انت متقدرش تعمل

**SAMEH_FOUAD** · 04-10-2011 03:54 AM

Im legend اخبارك اية ياباشا هو انت تغيب تغيب وترجع بخناقة اية ياعم شكلك كدة عايز تولعها وانت عارفنى سيرة الهوندا لما بتيجى فى حتة بدخل بقلب جامد عموما :

انا معاك ان الهيونداى عموما بتقلد اليابانى بشكل عام مش بس الهوندا ودة واضح جدا من التصميم بس ارجع واقول ان كل قارة وليها مدرستها فى التصميم يعنى الاسيوى كان بيعمل سيارات منخفضة وقعدة منخفضة ومواتير بتجرى بدون توزيع جيد او وزن شاسية يقدر يستحملة لكن فى الاوروبى سيارات عالية وقعدتها عالية ومواتيرها كبيرة لكن بأحصنة قليلة ومهما قعدنا نقارن بينهم هنلاقى ان كل قارة مختلفة تماما عن الاخرى

بس اللى اقدر اقولة ان دلوقتى الحاجة اللى قدرت كوريا تعملها انها تتفوق بالتصميم على اليابانى وبالاوبشن ايضا انها بتديك اوبشن كتييير جدا على سعر قليل بس اكيد على حساب حاجات تانية , لكن غير كدة لسة بردة قدامها كتييييير على ماتجيب عمالقة اليابانى

**حماده المصري** · 04-10-2011 04:06 AM

ايه الكلام ده ملوش اي صحه اساسا قالك هيونداي تقليد هوندا ههههههههههههههه

مع احترامي بس انا اخر مره سمعت الجمله دي وانا في ابتدائي ايام ماكانت بقى العيال بتتكلم على عربيات اباهاتها فيجي واحد يقول ابويا معاه هيونداي التاني يقوله لا هوندا والهيونداي تقليد والدليل انها نفس علامه الهوندا بس مايله شويه والتاني يقوله المازدا فاسدا

بص يا استاذي الفاضل هيونداي بدات تصنيع قبل هوندا بسنه

وهيونداي لما استعانت بشركه ياباني تساعدها كانت متسوبيشي في المواتير والشاسيهات

والاكسنت والفيرنا القدام شاسيه الانسر كرستاله بس طبعا عفشه مختلفه تماما ومتور واحد بينهم الاتنين

واستمرت هيونداي في تعاملها مع متسوبيشي في المواتير حتى اول محرك 8 سلندر من هيونداي كان بتاع متسوبيشي وموجود بالفعل على عربيات متسوبيشي وبعض الحاجات الالكترونيه زي كنترول باور النيو اكسنت مثلا صناعه ياباني متسوبيشي ومكتوب عليه كده

وطبعا في الاول والاخر الهوندا افضل من هيونداي بمراحل طبعا

بس نعطي لكل ذي حق حقه برضو

**MaZaGAngeE** · 04-10-2011 04:13 AM

ميتسوبيشي خربت الدنيا لأنها بتبيع مواتير و تكنولوجيا لأي حد هيدفع
زي ما يكونوا كده فارشين في التوفيقية و مسرحين شوية عيال بتنده على مواتير و شاسيهات و عفشة و تصميم و اهه كله سبوبة
طبعا أغلب الشركات الكورية بدئت بتكنولوجيا من ميتسوبيشي
أغلب الشركات الصيني كمان
بروتون برضه
كرايزلر و فيات كمان
كل المهم انهم يطلعوا أي مصلحة و كل زبون يقلب نفسه

-

الموضوع: هيونداى كانت تقليد لهوندا_'انا شايف كدة' حد معايا‎‎!‎

LinkBack

أدوات الموضوع

عرض

-

-

-

-

-

-

المواضيع المتشابهه

مرحبا بالديموقراطية ان كانت علمانية او ليبراليه و سحقا لها ان كانت اسلاميه

هو فية تقليد للكروز

سعر الاسترا 2003 1600 لما كانت جديده في منصور كانت بكام؟؟؟؟

معايا عربية هيونداى اكسنت موديل 99 كاملة اتوماتيك وكنت عايز اعملها تعديل

معايا هيونداى اكسيل 1300 هاتش باك بس مش لاقى فانوس خلفى

الكلمات الدلالية لهذا الموضوع

المفضلات

المفضلات

ضوابط المشاركة