هيونداى كانت تقليد لهوندا_'انا شايف كدة' حد معايا‎‎!‎

**power** · 04-10-2011 04:17 AM

مش مهم هيونداي كانت ايه المهم هيونداي بقت ايه

**superb** · 04-10-2011 04:31 AM

طبيعى جدا بعد النجاح الرهيب لمجموعة كيا و هيونداى فى مجال السيارات الكوريه .. يظهر ناس تقولك دا فيها و فيها .. لو فرضنا ان زمان قلدو شركات ماهو مفيش شركة بتبدأ بحاجه الا لما تتعلم .. يعنى الأنسان عشان يتعلم حاجه لازم يقلد و بعدين يبتكر .. و للعلم .. العالم كله النهارده هو اللى هيقلد هيونداى .. و كيا .. و مش هتكلم كتير .. هات النهارده و السيفك و الألنترا و قارن .. هات الأكورد و السوناتا .. و هات الجينسس كوبيه و قارنها بالسفيك الكوبيه .. و بعدين ادينى رنه هاجيلك علطول .... و اللى هيجى بعد الكورى فى السيارات و بقوله و دا مش بمزاجنا هو الصينى .. فى تطور سريع جدا و بيتعلمو بسرعه .. و انا بقول سنتين ل 3 سنين هتلاقى ماركات صينيه مستورده على القمه فى التوازين مابين الجوده و السعر....

**tutankhamoun** · 04-10-2011 10:20 AM

هيونداي أول ظهور لها سنة 1947 .... في شكل شركات مقاولات .
أما هيونداي لصناعة السيارات فأول ظهور لها سنة 1967
أغلب أنتاج هيونداي حتى أوائل الستعينيات كان بالتعاون مع فورد و ميتسوبيشي .
و هيونداي هي أكبر ثامن في العالم و رقم 4 بمبيعات هيونداي و كيا .

أما هوندا فتم تأسيسها سنة 1948
و أو أنتاج سيارات سنة 1963 (عربية نص نقل )
و أكبر صانع في العالم للموتوسيكلات من حيث كمية الانتاج و أكبر صانع في اليابان للمواتير ذات الحرق الداخلي .
المهندس هوندا صاحب شركة هوندا صمم أول موتور و كان ينوي بيعه لتويوتا و لكن تويوتا رفضت تصميمه و رفضت شراء المنتج منه (قبل أصلا ما يعمل مصنع )
هوندا هي الشركة رقم 6 على العالم في كمية الأنتاج العالمي .

و مش عارف ليه الناس شايفه أن الشركات الكوري و أي شركة مش يابانية أو أوروبية هي تقليد !!!

**tutankhamoun** · 04-10-2011 10:24 AM

المشاركة الأصلية كتبت بواسطة MaZaGAngeE

ميتسوبيشي خربت الدنيا لأنها بتبيع مواتير و تكنولوجيا لأي حد هيدفع
زي ما يكونوا كده فارشين في التوفيقية و مسرحين شوية عيال بتنده على مواتير و شاسيهات و عفشة و تصميم و اهه كله سبوبة
طبعا أغلب الشركات الكورية بدئت بتكنولوجيا من ميتسوبيشي
أغلب الشركات الصيني كمان
بروتون برضه
كرايزلر و فيات كمان
كل المهم انهم يطلعوا أي مصلحة و كل زبون يقلب نفسه

دي مصلحة ليك و لي ........... مُنافسة

ثانيا
أي حد عايز يصنع موتور هايصنع بس بعد أبحاث ومصاريف
فالشركات بتريح نفسها و تشتري التكنولوجيا بدل ما تقعد تعمل أبحاث و تصنع العجلة من الأول .

لأن ميتسوبيشي مش عبيطة ........ هي عارفة كدا
و لذلك بتبيع معرفتها بفلوس و تستفيد لأن الشركات كدا كدا هاتوصل للي عرفته الشركات قبلها .

زي ميتسوبيشي في بدايتها لما عملت تعاون مع كرايزلر

**tarekzein** · 04-10-2011 11:09 AM

ملحوظه خارج الموضوع

حجم أعمال شركة هيونداى من السيارات والمقاولات وخلافه

لا يتعدى 10 % من حجم أعمال الشركه الأم

والباقى 90 % موجه لإنتاج وتصنيع سفن الفضاء والسفن العملاقه

**tarekzein** · 04-10-2011 11:18 AM

المشاركة الأصلية كتبت بواسطة i_Am_Legend

اصل النهاردة واحد صاحبى بيدور على اكسيل_فبقولة يابنى هاتلك سيفيك 91 احسن الف مرة_قلى لااااااا_الأكسيل احسن_بس انا مسكت نفسى بالعافية علشان كنت هاعضة_هههههههههههههههه

عنك أنت يابيه

أنا بعت الـ 91 ومش لاقى حاجه أركبها

**SYD** · 04-10-2011 11:20 AM

المشاركة الأصلية كتبت بواسطة hossam99

أما بخصوص الشبه بين موديلات شركه و التانيه فدي تعتبر مدارس يعني كانت موضة المدرسه الأسيويه كده
و هانلاحظها في كل جيل بنشعر إنهم كانو في قعده واحده و تم التصميم .. فاهنشوف الإكسيل شبه سيفك أو الالنترا 1994 شبه أكورد أو سيفك فدي بتبقي موضة السنه و الصني و اللانسر البطه كذلك و المازدا 323 1992

انا معاك قلبا وقالبا في كلامك دة

فعلا هي نظام مدارس ومنهج
الشبه واضح اوي في كل الياباني سنة 76 في المازدا والميتسوبيشي بالشنطة المرفوعة والفوانيس المدورة
شبه كبير في عربيات ال 80 - 86 بالفوانيس المربعة والشكل القالبي تويوتا ونيسان ومازدا
شبه كبير جدا في موديلات 89 - 95 بين تويوتا وهوندا ونيسان في الفوانيس الأمامية والخلفية وشكل الأبواب
يعني هاتلي فرق في الشكل بين كرولا 89 وصني 90
وهكذا علي مر السنين حتي 2011

ولكن دائما
هوندا مختلفة
بكماليات وتكنولوجيا وتصميم

وبوجه عام جميع مصنعي السيارات بتغير الشكل الخارجي كل 4 سنين
ومعظم مصنعي السيارات بيعتمدوا علي نجاح عربية وبيشتروا من بعض المواتير والشاسيهات زي العربية البرايد والمازدا 121 وكانت اصلا فورد واتعملت صيني وهكذا

لكن تعال للشركات الي بجد بقي عملاقة ومتميزة ومنفردة
مرسيدس ، علي طوول عمرها ومن اول ظهور ليها لحد النهاردة بتتميز بالشبكة الأمامية العريضة وتتقدمها او تعلوها النجمة الفضية
بي ام دبليو ، من اول ظهور ليها لحد النهاردة شبكتها مقسومة بالطول نصين وفوقهم علامة الشركة
فولكس واودي الشبكة الأمامية المستطيلة ولو ادخلو بعض الأنحناءات علي اركان الشبكة

اعتقد تقريبا جميع الأوروبي ماعدا فيات ثابتة علي لوجو الشركة منذ تأسيسها (زي نجمة المرسيدس ودائرة البي ام ودواير اودي والفي دبليو فولكس والأسد الفرنساوي والتمانيتين بتوع سيتروين واللؤلؤة بتاعة رينو)علي عكس الياباني
تويوتا غيرت اللوجو كذا مرة
مازدا غيرته بردو
هوندا ونيسان و
ميتسوبيشي تقريبا ثابتين ماعدا نيسان غيرته مرة

دي ملاحظاتي ورأيي الشخصي

والله المستعان
،
،

**Ashraf_Ashraf** · 04-10-2011 12:37 PM

انا اختلف معاك ايش جاب لجاب وبعدين الكورين من بيقلدوا زى الصينين
وعلى فكره تأسست شركة هيونداي موتور 1967 اول انتاج ليها كان اسمه كورتينا وسنه 1975 انتجت البونى التاكسى المقرف اللى كان فى مصر
وفى عام 1991 نجحت الشركة في إنتاج أول محرك يعمل بالبنزين واسطونات ألفا الرباعية، وناقل حركة مسجلين باسم الشركة

**SAMEH_FOUAD** · 04-10-2011 05:15 PM

لم تأتى اللحظة حتى الان التى تفوق فيها الكورى على عمالقة اليابانى

يعنى لو هنقارن كل فئة ببعضها مثلا ناخد هيونداى وكيا بالهوندا بس

ACCENT RB + KIA RIO VS HONDA CITY النتيجة ان الهوندا سيتى تتفوق بجدارة

HONDA CIVIC VS HYNDAI ELANTRA + KIA CERATO = تفوق الهوندا ثبات ومحرك وجودة خامات وتقفيل وتكييف وتحمل على الاتنين ويتفوق الكوريين فى الشكل وكمية الاوبشن الموجودة بسعر قليل فقط لاغير

HONDA ACCORD VS HYNDAI SONATA + KIA OPTIMA هتلاقى نفس الكلام بالظبط فى كل حاجة لان دية سياسة الشركة فاكيد هتدعمها فى كل عربياتها يعنى انا ركبت الاكورد والسوناتا الصراحة خامات السوناتا ممتازة وتصميم داخلى ممتاز ماقولناش حاجة والخامات كمان ممتازة مافيش اى مشاكل بس محدش هيقدر يحكم عليها كتجربة الا من خلال البرامج الخاصة باختبار السيارة

لكن الاكورد تحفة ووهم بجد وسيارة فظيعة بجد تحفة فنية فى كل حاجة

بلاش بقى اتطرق للفئات التانية لان اغلبيتنا مايعرفهاش غير من الصور والفيديوهات بس

على فكرة اسلوب هيونداى بردة فى التسويق اسلوب غير شريف ودة اللى يثبت كلامى

Hyundai Sonata vs Honda Accord - One Test Driver Jumps Ship - YouTube

http://www.youtube.com/watch?v=7OwtD...eature=related

ودة فيديو تانى يعنى هل يعقل ان الهوندا اثبت سيارة واللى قدرت تواجهة الالمان بقوتها هتعمل البهدلة دية كلها دية كدة ماحصلتش اداء عربية صينى

ادى ياجماعة تسويق هيونداى لعربياتها

مع العلم ان اسوأ سيارة انا ركبتها كانت ال سوناتا 2008

-

الموضوع: هيونداى كانت تقليد لهوندا_'انا شايف كدة' حد معايا‎‎!‎

LinkBack

أدوات الموضوع

عرض

-

-

-

-

-

المواضيع المتشابهه

مرحبا بالديموقراطية ان كانت علمانية او ليبراليه و سحقا لها ان كانت اسلاميه

هو فية تقليد للكروز

سعر الاسترا 2003 1600 لما كانت جديده في منصور كانت بكام؟؟؟؟

معايا عربية هيونداى اكسنت موديل 99 كاملة اتوماتيك وكنت عايز اعملها تعديل

معايا هيونداى اكسيل 1300 هاتش باك بس مش لاقى فانوس خلفى

الكلمات الدلالية لهذا الموضوع

المفضلات

المفضلات

ضوابط المشاركة